|
ခရီးသွားခွင့်ရ၍သာ
မှတ်ပုံတင်ပြုလုပ်ခြင်းဖြစ်၊ ဆန္ဒခံယူပွဲကို မွန်လူထုက
ထောက်ခံမည်မဟုတ်ဟုဆို
ဗထူး။ မတ်
၁၁၊ ၂၀၀၈
စစ်အစိုးရပြုလုပ်ပေးနေသည့် မှတ်ပုံတင်အား မွန်လူထုအနေဖြင့်
ခရီးသွားလာခွင့်ရ၍သာ ပြုလုပ်ခြင်းဖြစ်ပြီး ဆန္ဒခံယူပွဲအား အဆိုပါ
မွန်လူထုက ထောက်ခံမည်မဟုတ်ဟု မွန်ပြည်သစ် ပါတီ ပြောခွင့်ရသူက
ယနေ့ပြောဆိုလိုက်သည်။
မွန်ပြည်သစ်ပါတီ (NMSP) ထိန်းချုပ်ရာ နယ်မြေတွင် ထိုင်းမြန်မာနယ်စပ်
ဘုရားသုံးဆူမှ လူဝင် မှုကြီးကြပ်ရေးနှင့် ပြည်သူ့အင်အားဦးစီးဌာန
(လ၀က)၀န်ထမ်းများက ယာယီမှတ်ပုံတင် လာရောက်လုပ်ပေးနေသည့် အပေါ်
(NMSP)ပြောခွင့်ရပုဂ္ဂိုလ် နိုင်အောင်မငေးက ပြောဆိုလိုက် ခြင်းဖြစ်သည်။
စစ်အစိုးရအနေဖြင့် အပစ်ခတ်ရပ်စဲရေးအဖွဲ့များ ထိန်းချုပ်ရာ ဒေသများရှိ
ပြည်သူများအား ယာယီမှတ်ပုံတင်များ ပြုလုပ်ပေးလျှက်ရှိရာ
ပြီးခဲ့သည့်ရက်အနည်းငယ်မှ စတင်ကာ (NMSP) ထိန်းချုပ်ရာ
ဘလက်သွန်ဖိုက်ကျေးရွာတွင်(လ၀က) ၀န်ထမ်းများက ပြုလုပ်ပေးနေခြင်းဖြစ်
သည်။
“သူတို့အပြောအရတော့ ဒီမှတ်ပုံတင်က လာမဲ့မေလမှာ ပြည်သူဆန္ဒခံယူပွဲအတွက်
လုပ်ပေးတာ ပေါ့၊ သွားလာခွင့် ရှိတယ်။ မဲပေးပိုင်ခွင့် ရှိတယ်ပေါ့။
အဲလိုအကြောင်းပြပြီးတော့ ပြောကြတာပါပဲ။ ပြည်သူတွေကလည်း များသောအားဖြင့်
မှတ်ပုံတင်မရှိကြဘူး၊ ဆန္ဒခံယူပွဲကို စိတ်ဝင်စားလို့ တော့ မဟုတ်ဘူး၊
ဒီလိုပဲ ခရီးသွားလာလို့ရတယ်ဆို လို့လုပ်ကြတာပါ” ဟု နိုင်အောင်မငေးက
ဆိုသည်။
ယခုကဲ့သို့
ပါတီထိန်းချုပ်ရာနယ်မြေတွင် မှတ်ပုံတင်ပြုလုပ်ခြင်းကို (NMSP)က
ပြည်သူများ ခရီး သွားလာခွင့်ရရန် တားမြစ်ခြင်း မပြုလုပ်ကြောင်း
စစ်အစိုးရပြုလုပ်ပေးနေသည်မှာ နိုင်ငံသား စီစစ်ရေးကဒ်ကဲ့သို့ မဟုတ်ပဲ
ဓါတ်ပုံပေးစရာမလို အမည်နှင့်နေရပ်လိမ်စာသာပေးရပြီး ယာယီ
ခရီးသွားလာခွင့် ထောက်ခံစာပုံစံသာဖြစ်သည်ဟု ၎င်းက ဆက်လက်ပြောဆိုသည်။
မွန်ပြည်သစ်ပါတီအနေဖြင့် လူထုဆန္ဒခံယူပွဲသည် အချိန်စောလွန်းနေပြီး
ကုလသမဂ္ဂ၊ အတိုက် အခံနှင့် တိုင်းရင်းသားများတောင်းဆိုထားသည့်
သုံးပွင့်ဆိုင်ဆွေးနွေးပွဲအား ပြုလုပ်သင့်ကြောင်း ယခုလ (၈)ရက်နေ့က
သဘောထားထုတ်ပြန်ခဲ့သည်။
စစ်အစိုးရအနေဖြင့် မေလ လူထုဆန္ဒခံယူပွဲအတွက် နည်းအမျိုးမျိုးဖြင့်
ထောက်ခံမှုရရှိရန် နိုင်ငံ အနှံ့တွင် နည်းလမ်းပေါင်းစုံဖြင့်
ပြုလုပ်လျှက်ရှိရာ ယာယီအိမ်ထောင်စုစာရင်း ပြုလုပ်ပေးခြင်း၊
မှတ်ပုံတင်ပျောက်ဆုံးနှင့် မရှိသေး သူများအား
မှတ်ပုံတင်ပြုလုပ်ပေးခြင်းတို့ဖြင့် ထောက်ခံမှု ရရန်
လုပ်ဆောင်နေသော်လည်း အများစုကမူ ဆန္ဒခံယူပွဲကို စိတ်မ၀င်စားပဲ
မှတ်ပုံတင်ရရေးကို သာ စိတ်ဝင်စားလျှက်ရှိသည်။
စစ်အစိုးရက
(NMSP)ထိန်းချုပ်နယ်မြေတွင် မှတ်ပုံတင်ပြုလုပ်ပေးနေခြင်းအပေါ် ဒေသခံ
လူထု သဘောထားနှင့်ပတ်သက်၍ နိုင်အောင်မငေးက “သူတို့ရဲ့
ဆန္ဒခံယူပွဲဆိုတာကို လူထုက ဘာမှ သိတာမဟုတ်ဘူး။ နယ်စပ်ဒေသမှာရှိတဲ့
လူထုပေါ့နော်၊ ဒီကိစ္စကို သူတို့ခေါင်းထဲ ထည့်စဉ်းစား မှာ မဟုတ်ဘူး။
သူတို့သိတာက ဒီစာရွက်က ခရီးသွားလာလို့ ရတယ်ဆိုတာလောက်ပဲသိပြီး
အခွင့်အရေးရလို့ လုပ်တာပါ။ မှတ်ပုံတင်လုပ်ပေးလိုက်လို့ လူထုက
ထောက်ခံမယ်လို့တော့ မထင်ပါဘူး” ဟု ဆိုသည်။
ယခုပြုလုပ်ပေးသည့် လက်မှတ်အတွက် ငွေကြေးတစုံတရာ မပေးရသော်လည်း
ထိုင်း-မြန်မာ နယ်စပ်မြို့ဖြစ်သည့် ဘုရားသုံးဆူတွင် ပြီးခဲ့သည့်လက
မှတ်ပုံတင်ပြုလုပ်ပေးခဲ့ရာ အိမ်ထောင်စု စာရင်းရှိသူအား ထိုင်းဘတ်ငွေ
(၅၀၀)နှင့် စာရင်းမရှိသူအား (၈၀၀)ဘတ်အား ဒေသခံလူထုမှ အာဏာပိုင်များကို
ပေးဆောင်ခဲ့ရသည်ဟု ဘုရားသုံးဆူ ဒေသခံတဦးက ဆိုသည်။ |
