သတင်း

စစ်အစိုးရဖွဲ့စည်းပုံသည် နိုင်ငံရေးပြဿနာကို ဖြေရှင်းနိုင်မည်မဟုတ်ဟု (NMSP) ပြောဆို

ဗထူး။ မတ် ၁၂၊ ၂၀၀၈ 

စစ်အစိုးရကအတည်ပြုရန် ကြိုးစားနေသည့် ဖွဲ့စည်းအုပ်ချုပ်ပုံ အခြေခံဥပဒေသည် ဖြစ်ပေါ်နေသည့် နိုင်ငံရေးပြဿနာကို ဖြေရှင်းနိုင်မည်မဟုတ်ဟု မွန်ပြည်သစ်ပါတီ (NMSP) ပြောခွင့် ရသူက ယမန်နေ့က ပြောဆိုလိုက်သည်။

ကုလသမဂ္ဂအထူးကိုယ်စားလှယ် မြန်မာပြည်မှ ပြန်လည် ထွက်ခွာသွားပြီးနောက် စစ်အစိုးရတုန့်ပြန်ချက်များအပေါ် သုံးသပ်ကာ (NMSP) ပြောခွင့်ရပုဂ္ဂိုလ် နိုင်အောင်မငေးက ယခုကဲ့သို့ ပြောဆိုလိုက်ခြင်း ဖြစ်သည်။

မစ္စတာဂမ်ဘာရီသည် မြန်မာနိုင်ငံသို့ တတိယအကြိမ် လာရောက်၍ မြန်မာ့အရေးဆွေးနွေးခဲ့ရာတွင် ကုလသမဂ္ဂ၏ တင်ပြ တောင်းဆိုချက်များကို စစ်အစိုးရက ပယ်ချခြင်းကိုခံခဲ့ရသည်။

စစ်အစိုးရမှ ကုလအကြံပြုကို ငြင်းပယ်လိုက်ခြင်းနှင့် ပတ်သက်၍ နိုင်အောင်မငေးက “ဂမ်ဘာရီ က တစ်ဆို့နေတဲ့ ကျနော်တို့ ဒီနိုင်ငံရေးပြဿနာကို ၀ိုင်းဝန်းဖြေရှင်းချင်လို့ လာတာပါ။ ဒါကြောင့် ဒီကိစ္စမှာ ဂမ်ဘာရီရဲ့ အစီအစဉ်ပျက်သွားတာကို သူ့အပေါ်ဒီလိုပြောလိုက်တာကို လုံးဝမလုပ် သင့်ဘူးလို့ ကျနော်ပြောချင်ပါတယ်။ ဘာဖြစ်လို့လဲဆိုတော့ သူက နိုင်ငံတကာရဲ့ ကိုယ်စားလှယ် အဖြစ်လာခြင်းဖြစ်ပါတယ်။ ဒါကြောင့် ကျနော်တို့ကလည်း တစ်ဆို့နေတဲ့ ကျနော်တို့နိုင်ငံရေး ပြဿနာကို သုံးပွင့်ဆိုင် တွေ့ဆုံဆွေးနွေးရေးလုပ်သင့်တယ်လို့ တင်ပြထားတယ်။  နိုင်ငံတကာ က ချမှတ်ထားတာလည်း ဒီသဘောထားပဲဖြစ်နေတယ်။ ဒါကြောင့် ဂမ်ဘာရီကို  ဒီလိုလုပ်လိုက် ခြင်း အားဖြင့် ကျနော်တို့ နိုင်ငံရဲ့သိက္ခာလည်း ကျဆင်းပါတယ်” ဟုဆိုသည်။

စစ်အစိုးရတပ်မှ (NMSP)လက်အောက်ရှိ မွန်အမျိုးသားလွတ်မြောက်ရေးတပ်မတော်(MNLA) အောက်ခြေတပ်များသို့ ချဉ်းကပ်ကာ မေလတွင်ပြုလုပ်မည့် ဆန္ဒခံယူပွဲအပေါ် သဘောထားများ ကို မေးမြန်းခဲ့သဖြင့် ယခုလ(၈) ရက်နေ့ နေ့စွဲဖြင့် မွန်ပြည်သစ်ပါတီက အင်အားစု အားလုံးပါဝင် သည့် သုံးပွင့်ဆိုင်ဆွေးနွေးပွဲကို ပြုလုပ်သင့်ကြောင်း သဘောထားထုတ်ပြန်ခဲ့သည်။

အဆိုပါ သဘောထားနှင့်ပတ်သက်၍ နိုင်အောင်မငေးက “ကျနော်တို့ သဘောထားအနှစ်ချုပ်က တော့ ပြည်သူဆန္ဒခံယူပွဲဟာ သုံးပွင့်ဆိုင် တွေ့ဆုံဆွေးနွေးရေးကိုပဲ အရင်လုပ်သင့်တယ်။ နောက်တော့ ဖွဲ့စည်းပုံ အခြေခံဥပဒေသဘောထားအောက်မှာ အခြားနိုင်ငံရေးအဖွဲ့စည်း၊ တိုင်းရင်းသား အဖွဲ့အစည်းတွေကို ဘာမှကြိုတင်ညှိနှိုင်းခြင်း မရှိဘူး။  ဒါကျနော်တို့ ဖြေရှင်းချင် တဲ့ နိုင်ငံရေး ပြဿနာကို ဖြေရှင်းနိုင်မယ်လို့မထင်ဘူး၊ ဒီတိုင်းဆက်သွားနေမယ်ဆိုရင် ပြဿနာ က ပြီးသွားမှာ မဟုတ်ဘူးလို့ ကျနော်တို့မြင်တယ်” ဟုပြောဆိုသည်။

(NMSP) အနေဖြင့် မွန်ပြည်သူများအား ပြောဆိုလိုသည်မှာ စစ်အစိုးရဖွဲ့စည်းပုံ အားနည်းချက် များကို လေ့လာစေလိုကြောင်း၊ ဖွဲ့စည်းပုံရေးဆွဲမည့် ညီလာခံဖြစ်ပေါ်လာပုံကို လည်းလေ့လာစေ လိုကြောင်း၊ ညီလာခံအတွင်း ပြည်သူနှင့် တိုင်းရင်းသားကိုယ်စားလှယ်များ၏ အခန်းကဏ္ဍ ကျယ်ကျယ်ပြန့်ပြန့်မရှိသည့်အပြင် ဝေဖန်အကြံပြုမှုကိုလည်း ၅/၉၆ ဖြင့် ပိတ်ပင်ထားပြီး စစ်တပ် ကို ပါဝါအပြည့်ပေးထားသည်ကို တွေ့မြင်ရမည်ဟု ၎င်းက ဆက်လက်ပြောဆိုသည်။

မွန်ပြည်သစ်ပါတီအနေဖြင့် အောက်ခြေလူထုများကို ညီလာခံကိုယ်စားလှယ်အဖြစ် တက်ရောက် နေခြင်းမှ စတင်ရုတ်သိမ်းလိုက်ချိန်မှစ၍  ညီလာခံမှထွက်ခွာလာသည့်အကြောင်းအရင်းကို ရှင်းပြခြင်း၊ စစ်အစိုးရဖွဲ့စည်းပုံသည် နိုင်ငံရေးပြဿနာကို ဖြေရှင်းနိုင်မည်မဟုတ်ပဲ သုံးပွင့်ဆိုင် တွေ့ဆုံဆွေးနွေးရေးသည်သာ တိုင်းပြည်နိုင်ငံရေးအတွက် စစ်မှန်သည့်အဖြေမှန်ကို ရရှိနိုင်မည် ဆိုသည်ကို အစဉ်တစိုက် ရှင်းပြခဲ့သည်ဟု ဆိုသည်။

မွန်လူထုအား ပါတီအနေဖြင့် မှာကြားလိုသည်နှင့်ပတ်သက်၍ နိုင်အောင်မငေးက “ပြည်သူတွေ က ဒီပြည်သူ့ ဆန္ဒခံယူပွဲအပေါ်မှာ မိမိကိုယ်ကိုယ် မိမိစဉ်းစားဆုံးဖြတ်ပါ။ ဘာတွေလုပ်သင့်လဲ။ ဘာတွေမလုပ်သင့်ဘူးလဲ ဆိုတာကို ပေါ့လေ။ ပြည်သူ့ဆန္ဒခံယူပွဲလုပ်ဖို့ကလည်း နှစ်လလောက် လိုသေးတယ်ဆိုတော့ ကိုယ့်ကိုယ်ကို ဆုံးဖြတ်ပြီးတော့ လှုပ်ရှားသင့်တယ်လို့ ပြောချင်ပါတယ်” ဟု ပြောသည်။

ကုလသမဂ္ဂအထူးကိုယ်စားလှယ် မစ္စတာဂမ်ဘာရီသည် ကုလအတွင်းရေးမှူးချုပ် မစ္စတာ ဘန်ကီမွန်းနှင့် မနက်ဖြန်တွင် ဆီနီကောနိုင်ငံ၊ ဒကာမြို့တွင် တွေ့ဆုံမည်ဖြစ်ပြီး ခရီးစဉ်နှင့် ပတ်သက်၍ အသေးစိတ်ပိုမိုသိရှိနိုင်လိမ့်မည်ဟု ပြောရေးဆိုခွင့်ရှိသူ မီရှဲလ်မွန်တပ်(စ်)က ဆိုသည်။

မစ္စတာဂမ်ဘာရီသည် ကုလအတွင်းရေးမှူးချုပ်နှင့် တွေ့ဆုံပြီးနောက် ကုလဌာနချုပ်အခြေစိုက် ရာ နယူးယောက်သို့ ပြန်ရောက်စဉ်တွင် ခရီးစဉ်နှင့်ပတ်သက်၍ ကုလလုံခြုံရေးကောင်စီသို့ ခရီးစဉ်နှင့်ပတ်သက်၍ ဆက်လက်တင်ပြသွားမည် ဖြစ်သည်။

မစ္စတာဂမ်ဘာရီ၏ မြန်မာခရီးစဉ်နှင့်ပတ်သက်၍ မျှော်လင့်ထားသလို အောင်မြင်မှုမရှိကြောင်း မစ္စတာဘန်ကီမွန်းက ယမန်နေ့က ထုတ်ဖော်ပြောဆိုခဲ့သည်။