သတင်း

နိုင်ငံတကာအမျိုးသမီးများနေ့ အခမ်းအနား ကျင်းပ

ရိုးမ ၃။ မတ် ၈၊ ၂၀၀၈

နိုင်ငံတကာအမျိုးသမီးများနေ့ အထိမ်းအမှတ်အခမ်းအနားကို ထိုင်း-မြန်မာနယ်စပ်ရှိ မယ်တော် ဆေးခန်းတွင် ကျင်းပခဲ့သည်။

ယနေ့ နံနက်ပိုင်းတွင်ပြုလုပ်ခဲ့သည့် နိုင်ငံတကာအမျိုးသမီးများနေ့ အထိမ်းမှတ်အခမ်းအနားကို အမျိုးသမီးများ အဖွဲ့ချုပ်(မြန်မာနိုင်ငံ)မှ ဦးစီးကျင်းပခဲ့ပြီး နိုင်ငံရေးနယ်ပယ်အသီးသီးမှ တာဝန်ရှိ သူများနှင့် တိုင်းရင်းသားလူမျိုးပေါင်းစုံ တက်ရောက်ခဲ့ကြသည်။

ထိုအခမ်းအနားကျင်းပရခြင်းနှင့် ပတ်သက်၍ ဆရာမ နော်ခိုင်မာကျော်ဇောက “အဓိက ကတော့ အမျိုးသမီးတွေရဲ့ စုစည်းမှု ညီညွတ်မှုအတွက် ပုံဖော်တယ်၊ နောက်တခုက ဒီ ၂၀၀၈ ခုနှစ် နိုင်ငံတကာ အမျိုးသမီးများနေ့မှာ ပြည်တွင်းမှာရှိတဲ့ နိုင်ငံရေးလှုပ်ရှားနေတဲ့ အမျိုးသမီးတွေကို အကာကွယ်ပေးဖို့နဲ့ နိုင်ငံတကာအသိုင်းအ၀ိုင်းက သူတို့ရဲ့ အခွင့်အရေးတွေကို အာရုံစိုက်လာ အောင်လို့ရယ်၊ နယ်စပ်ဒေသမှာရှိတဲ့ အမျိုးသမီးတွေ ခံစားနေရတဲ့ ဒုက္ခတွေကို ပိုမိုသိရှိလာ စေရန်အတွက် အခုလိုကျင်းပတာဖြစ်တယ်” ဟုဆိုသည်။

လာမည့်မေလအတွင်း စစ်အစိုးရက ပြုလုပ်မည့် ဖွဲ့စည်းပုံ အခြေခံဥပဒေမူကြမ်း လူထုဆန္ဒခံယူပွဲ တွင် ပြည်သူလူထုအားလုံး မိမိဆန္ဒမပါဝင်ပဲရေးဆွဲထားသော အခြေခံဥပဒေကို လုံးဝကန့်ကွက် ကြောင်းကို ဖော်ထုတ်ပြသည့်အနေဖြင့် ကန့်ကွက်မဲများသာ ပေးကြရန်တိုက်တွန်းကြောင်း ၎င်းက ဆက်လက်ပြောဆိုခဲ့သည်။

ထို့အပြင် နိုင်ငံတကာအမျိုးသမီးများနေ့ အခမ်းအနားသို့ တက်ရောက်လာသော တိုင်းရင်းသူ တဦးက “နိုင်ငံတကာ အမျိုးသမီးများနေ့အတွက်ကို နှစ်ပေါင်းများစွာ ကြိုးစားခဲ့ကြရတဲ့ အမျိုးသမီးတွေအတွက်ရော၊ နောက်ပိုင်းမှာလည်း အမျိုးသမီးတွေက အမျိုးသားတွေနဲ့တန်းတူ လူမှုအသိုင်းအ၀ိုင်းမှာ ပါဝင်နိုင်ဖို့အတွက် လုပ်ဆောင်နေကြတဲ့အတွက် ကျမအနေနဲ့ အမြဲဂုဏ် ယူနေမှာပါ၊ ကိုယ်တိုင်လည်း ပူးပေါင်းပါဝင်ပြီး လုပ်ဆောင်သွားမှာပါ ” ဟု ပြောသည်။

နိုင်ငံတကာအမျိုးသမီးများနေ့သည် အရိုးစွဲနေသော ယဉ်ကျေးမှုဓလေ့ထုံးစံများကြောင့် အမျိုးသမီးများအပေါ် တဖက်သက် ခွဲခြားဖိနှိမ်မှုများ အဆုံးသတ်နိုင်ရေးအတွက် ကမ္ဘာလုံးဆိုင် ရာ လှုပ်ရှားမှုကြီးများဖြစ်ပေါ်လာစေသော သမိုင်းဝင်နေ့တနေ့ ဖြစ်သည်။