သတင်း

သံဃာ့တပ်ပေါင်းစုနှင့်ပူးပေါင်းဆောင်ရွက်ရန် သံဃာ့သမဂ္ဂီအဖွဲ့ ဖွဲ့စည်း

ဗထူး။ သြဂုတ်၊ ၂၀၊ ၂၀၀၈ 

သာသနာတော်၏အကြပ်အတည်းနှင့် မြန်မာတပြည်လုံး၏ အကြပ်အတည်းများကို ဝိနည်းတော် နှင့်အညီ ပါဝင်ကူညီဖြေရှင်းပေးရန် မြန်မာနိုင်ငံလုံးဆိုင်ရာ သံဃာ့သမဂ္ဂီအဖွဲ့ကို ယခုလ (၁၆) နေ့တွင် ဖွဲ့စည်းကြောင်း အဆိုပါအဖွဲ့က ထုတ်ပြန်ကြေညာသည်။ 

မန္တလေးသံဃာထုပေါ်အခြေခံကာ ပခုက္ကူ၊ ညောင်ဦး၊ ကျောက်ပန်းတောင်း၊ ရေနံချောင်း၊ အမရပူရ၊ မကွေးနှင့် စစ်ကိုင်းမြို့မှ သံဃာကိုယ်စားလှယ်များကိုရွေးချယ်ကာ သံဃာ့သမဂ္ဂီ အဖွဲ့ကို ဖွဲ့စည်းခြင်းဖြစ်ကြောင်း မြန်မာနိုင်ငံလုံးဆိုင်ရာ သံဃာ့တပ်ပေါင်းစု ပြည်ပတာဝန်ခံ အရှင်ပညာဇောတက ယနေ့မိန့်ကြားသည်။ 

“မြန်မာနိုင်ငံလုံးဆိုင်ရာအဖွဲ့ကြီးကို အဓိကအားပြုပြီးတော့ သံဃာတပ်ပေါင်းစုအဖွဲ့ရဲ့ လုပ်မဲ့ လုပ်ငန်းဆောင်တာတွေနဲ့ပတ်သက်ပြီးတော့ လက်ရှိအဖွဲ့က ပူးပေါင်းဆောင်ရွက်ဖို့ ရည်ရွယ်ချက် အဓိကအားဖြင့် ပါတယ်၊ ဘာသာ၊ သာသနာအပေါ်မှာညှဉ်းပန်းနှိပ်စက်တဲ့အပိုင်းတွေ၊ အမျိုး သားရေးကိစ္စမှာ အားနည်းနေတဲ့ အချက်အလက်တွေအတွက် အမျိုးသားရေးတာဝန်တွေကို သံဃာ့တပ်ပေါင်းစုနဲ့ ညှိနှိုင်းပြီးလုပ်ဖို့ ရည်ရွယ်ချက်နဲ့ဖွဲ့တာပါ”ဟု အရှင်ပညာဇောတက မိန့်သည်။ 

ပြီးခဲ့သည့်နှစ် စက်တင်ဘာ ရွှေဝါရောင်သံဃာ့လှုပ်ရှားမှုများပြီးသည့်နောက် စစ်အစိုးရအနေဖြင့် ကြံ့ဖွံ့နှင့် စွမ်းအားရှင်အဖွဲ့ဝင် လူငယ်လူလတ်ပိုင်းများအား ဘာသာရေးအခြေခံစာပေများ သင်ကြားပေးကာ စာသင်တိုက်၊ ကျောင်းတိုက်ကြီးများသို့ ကိုရင်၊ ရဟန်းအသွင်ဆောင်ကာ ဝင်ရောက်၍ အမျိုးသားရေးအား စိတ်ဝင်စားသည့် ရဟန်းသံဃာများကို နှိမ်နင်းရန် လုပ်ဆောင် ခဲ့သည်ဟု ဆက်လက်မိန့်ဆိုသည်။ 

“အဲ့ဒီပုဂ္ဂိုလ်တွေကပဲ သူတို့ကိုသူတို့ ရဟန်းအစစ်အမှန်အယောင်ဆောင် လုပ်ပြီးတော့ ဝိနည်းနဲ့ မအပ်စပ်တဲ့လုပ်ငန်းတွေကို လုပ်လာတာ တွေ့ရတယ်။ အဲ့လိုလုပ်တော့ သာသနာကို အကျည်း တန် အရုပ်ဆိုးစေတယ်၊ ဗုဒ္ဓဘာသာကို ကြည်ညိုလေးစားနေတဲ့ ပုဂ္ဂိုလ်တွေ၊ ရဟန်းသံဃာတွေ အပေါ် ထင်ယောင်ထင်မှားဖြစ်စေတယ်၊ ဒါတွေမဖြစ်ဖို့အတွက် သံဃာအဖွဲ့အစည်းတွေကနေ ကိုယ့်မြို့နယ်လေးတွေမှာ ကိုယ်နိုင်သလောက်လေးတွေကို တာဝန်ယူမယ်၊ စောင့်ရှောင့်မယ် ဆိုတဲ့ရည်ရွယ်ချက်နဲ့ ဒီအဖွဲ့ကိုဖွဲ့တာပါ”ဟု မိန့်သည်။ 

စစ်အစိုးရအနေဖြင့် ယခုအချိန်တွင် ၂၀၀၇ ခုနှစ် စက်တင်ဘာသံဃာ့လှုပ်ရှားမှုအား အကြမ်းဖက် နှိမ်နင်းခဲ့သည့် နှစ်ပတ်လည်နေ့နီးလာသည်နှင့်အတူ ဘုန်းကြီးကျောင်း၊ စာသင်တိုက်များနှင့် ရဟန်းသံဃာများ အသွားအလာကိုပါ အဓိက သတိထားစောင့်ကြည့်နေလျှက်ရှိသည်။ 

ယနေ့ထုတ်မြန်မာ့အလင်းသတင်းစာတွင်လည်း စစ်တွေမြို့နယ်၊ ဆတ်ရိုးကျနှင့် ဗျိုင်းဖြူ ကျေးရွာမှ  သံဃာအတုအယောင် (၆) ဦးအားပုဒ်မ၂၉၅(က) အရ အရေးယူဆောင်ရွက်နေ ကြောင်း ရခိုင်ပြည်နယ်၊ စစ်တွေမြို့ပေါ်ရှိ ဂိုဏ်းပေါင်းစုံ ပြည်နယ်နှင့်မြို့နယ်သံဃာ့နာယကအဖွဲ့ ဆရာတော်ကြီးများထံ ခေတ္တပြည်နယ်သာသနာရေးမှူး ဦးတင်ဝင်းက သာသနာရေးဆိုင်ရာ လျှောက်ထားချက်သတင်းကို ဖော်ပြထားသည်။ 

ယင်းသတင်းနှင့်ပတ်သက်၍ အရှင်ပညာဇောတက စားဝတ်နေရေးကြပ်တည်းသဖြင့် ဖြေရှင်းရန် အမြင်ဖြင့် သင်္ဃန်းဝတ်ကာ အယောင်သူများလည်းရှိကြောင်း ပြောဆိုခဲ့သည်။ 

ဆက်လက်၍ “သူတို့ကိုယ်၌က ကြံ့ဖွံ့၊ စွမ်းအားရှင်က လူတွေကို သီလပေးတတ်အောင်လုပ်မယ်၊ ရေစက်ချတတ်အောင်လုပ်မယ်၊ ပရိတ်လေးရွတ်တတ်အောင်လုပ်မယ်၊ ဘာသာရေးအခြေခံ လေး နည်းနည်းပါးပါးသင်မယ်၊ အဲ့လောက်လေးတတ်ပြီးရင် ဘာသာရေးထဲမှာ ဝင်ရောက် ဖျက်ဆီးတယ်၊ သူတို့က ဘာသာရေးကို ခုတုံးလုပ်ဖို့ အကွက်ချပြီးလုပ်နေတယ်ဆိုတာ ဦးဇင်းတို့ သိရတယ်”ဟု စစ်အစိုးရလုပ်ဆောင်နေမှုအား ထောက်ပြပြောဆိုသည်။ 

စက်တင်ဘာသံဃာလှုပ်ရှားမှုကာလအတွင်းကလည်း ထောင်သားများအား ကတုံးရိတ် သင်္ကန်း ဝတ်စေကာ ဝိနည်းနှင့်မညီသည့် လုပ်ငန်းများကို လုပ်ခိုင်းပြီး သံဃာအစစ်အမှန်များက လုပ်သ ယောင် စစ်အစိုးက ဖန်တီးခဲ့သည်ဟု အရှင်ပညာဇောတက ဆက်လက်မိန့်သည်။ 

“နအဖကရော ဘယ်လောက်ထိအောင် စစ်မှန်လို့လဲ၊ ပြည်သူတွေက ဘယ်လောက်ထိ သူတို့ ရဲ့အာဏာကို လွှဲထားတာရှိလို့လဲ၊ ၉၀ ခုနှစ်မှာ ရွေးကောက်ပွဲလုပ်ပေးပြီးတော့ တကယ်တမ်း ပြည်သူ့အာဏာကို ပြည်သူ့လက်ထဲ လွှဲပြီးပြီလား၊ (၉၀) ခုနှစ်ကလည်း နအဖက လိမ်ခဲ့တာပဲ၊ လောကမှာလိမ်တဲ့ ပုဂ္ဂိုလ်တွေအများကြီးပါပဲ၊ ရဟန်းသံဃာတွေကို လိမ်တယ်ဆိုတဲ့ကိစ္စနဲ့ နအဖ လိမ်တယ်ဆိုတဲ့ကိစ္စနှစ်ခုကို နှိုင်းယှဉ်ကြည့်မယ်ဆိုရင် ရဟန်းသံဃာတွေက လိမ်တာများ သလား၊  နအဖက လိမ်တာများသလားဆိုတာ ပြည်သူတွေက ဆုံးဖြတ်ပါလိမ့်မယ်၊ ရဟန်း သံဃာတွေက မှန်တယ်ဆိုလို့ရှိရင် ပြည်သူတွေက ရဟန်းသံဃာဘက်က ရပ်ပါလိမ့်မယ်”ဟု သံဃာ့တပ်ပေါင်းစု ပြည်ပတာဝန်ခံက ဆက်လက်မိန့်ဆိုသွားခဲ့သည်။ 

သံဃာအချင်းချင်းသွေးခွဲမှု၊ သံဃာတော်များအပေါ် ဝိနည်းတော်နှင့် မလျှော်ညီသည့် ဖိနှိပ် ချုပ်ချယ်ကန့်သတ်မှုများ၊ ဟန့်တားနှောင့်ယှက်မှုများ၊ ထိပါးစော်ကားမှုများကို ကာကွယ်သွားရန်၊ စစ်မှန်သောသံဃာထုအတွင်းသို့ ရဟန်းတုရဟန်းယောင်များ ဝင်ရောက်စေ၍ အထင်အမြင် လွဲမှားမှုမှကင်းလွတ်၍ ငြိမ်းချမ်းစစ်မှန်သော သံဃာ့အဖွဲ့စည်းတည်ဆောင်ရန်နှင့် ပြည်သူလူထု ၏ အထွေထွေအကြပ်အတည်းများကို ဆရာဒကာလက်တွဲ၍ ဝိနည်းတော်နှင့်အညီ ကူညီဖြေရှင်း သွားရန် ရည်ရွယ်ကြောင်း သံဃာ့သမဂ္ဂီအဖွဲ့က ထုတ်ပြန်ခဲ့သည်။