သတင်း

ကျောက်ပန်းတောင်းနှင့် ပခုက္ကူတွင် သံဃာများဆန္ဒပြ
သပိတ်မှောက်ကံဆောင်လိုက်ပြီ

ဗထူး။ စက်တင်ဘာ ၁၈၊ ၂၀၀၇  

ယနေ့နေ့လည်ပိုင်းတွင် မကွေးတိုင်း၊ ပခုက္ကူမြို့ပေါ်တွင် စာသင်တိုက်ကြီးများမှ သံဃာတော် များ စုပေါင်းကာ မြို့တွင်းလှည့်လည်ဆန္ဒပြခဲ့သလို ကျောက်ပန်းတောင်းတွင်း ယနေ့ နှစ်ကြိမ် မြောက် သံဃာတော်များ ဆန္ဒပြခဲ့သည်။ 

စစ်အစိုးရအာဏာပိုင်များအား ပတ္တနိကုဇ္ဇနကံဆောင်ရန် သံဃာ့အဖွဲ့ချုပ်က ကြေညာခဲ့ပြီးနောက် ယနေ့ နိုင်ငံအ၀ှမ်း ဖြစ်ပွားနေသည့်နည်းတူ ယခုကဲ့သို့ အဆိုပါမြို့များတွင် သံဃာတော်များက လမ်းလျှောက်ကြွချီဆန္ဒပြကာ သပိတ်မှောက်ကံဆောင်ခဲ့ခြင်းဖြစ်သည်။ 

“အနောက်တိုက်ကနေ အလယ်တိုက်၊ အလယ်တိုက်ကနေ ဗောဓိမာန်ဏ္ဍိုင်၊ အဲ့ဒီကမှ အရှေ့တိုက်၊ ပြီးမှ သီဟိုဠ်ရှင်ဘုရား သွားတာ၊ အကုန်လုံးဆို ၇၀၀ - ၈၀၀ လောက်တော့ ရှိတယ်။ ရဲတွေ ဘာတွေက ဘေးကလိုက်တယ်”ဟု ပခုက္ကူမြို့မှ သံဃာတော်တပါးက မိန့်သည်။ 

အဆိုပါသံဃာတော်များ ဆန္ဒပြရာတွင် ရဲနှင့် အရပ်ဝတ် ဝတ်ထားသည့် လုံခြုံရေးများက ခြံရံလိုက်ပါလာပြီး ကြည့်ရှုအားပေးနေသည့် မြို့ခံလူထုနှင့် ပေါင်းသွားမည်ကို စိုးရိမ်၍ လူထုအား တားမြစ်ခဲ့သည်ဟု အဆိုပါသံဃာတော်က ဆက်လက် မိန့်ကြားသည်။  

သံဃာတော်များသည် ပခုက္ကူမြို့ရှိ သီဟိုဠ်ရှင်စေတီတွင် ပရိတ်တရားများ ရွက်ဖတ်ပြီးနောက် ဗောဓိမဏ္ဍိုင်ကျောင်းတိုက်တွင် ပြန်လည်စုစည်းကာ ပတ္တနိကုဇ္ဇနကံဆောင်ကြမည်ဖြစ်သည်။

မန္တလေးတိုင်း၊ ကျောက်ပန်းတောင်းမြို့တွင် ယနေ့ နှစ်ကြိမ်မြောက်အဖြစ် အောင်မြေကျောင်းမှ သံဃာတော်အပါး (၃၀၀)ခန့်ကလည်း မြို့တွင်းသို့ လမ်းလျှောက်ကာ လူထုအကြပ်အတည်းများ အတွက် မေတ္တာပို့ဆုတောင်းပြီး ကြွချီခဲ့ကြသည်။ 

“အောင်မြေကျောင်းက ဆရာတော်တွေပေါ့၊ ခုချိန်မှာ စေတီကြီးဘုရားမှာ သံဃာ ၃၀၀ လောက် ရှိနေပြီ၊ ပတ္တိနိကုဇ္ဇနကံကို အဲ့ဒီမှာ ဆောင်ကြမယ်။ ခုက အောင်မြေတတိုက်တည်း မဟုတ်တော့ ဘူး။ စေတီကြီးဘုရားမှာပါ ပြည့်နေတယ်”ဟု သံဃာတပါးက မိန့်သည်။   

ယခုကဲ့သို့ လမ်းလျှောက်ကြွချီဆန္ဒဖော်ထုတ်ခြင်းမှာ အောင်မြေကျောင်းသာမဟုတ်တော့ဘဲ ကျောက်ပန်းတောင်းမြို့ပေါ်မှ စာသင်တိုက်များအားလုံး ပေါင်းစည်းသွားခဲ့ပြီးနောက် နေ့လည် (၂) နာရီခန့်တွင် စေတီကြီးဘုရား၌် ကံဆောင်သပိတ်မှောက်ခြင်းကို ယနေ့ စတင်ပြုလုပ်ခဲ့ သည်။ 

သံဃာတော်စာသင်သား အပါး ၂၀၀ ကျော်ရှိသည့် အောင်မြေကျောင်းတိုက်မှ ဆရာတော်တပါး က “ဆွမ်းခံကြွရင်းနဲ့ လုပ်တာပါပဲ။ သံဃာ့ဆန္ဒပဲလေ၊ သူတို့ဆန္ဒရှိတဲ့အတိုင်း လုပ်တာဆိုတော့ သံဃာရဲ့အပေါ်မှာ ဘုရားတောင်မှ လွန်ဆန်လို့မရဘူးလေ။ ဘုန်းကြီးတို့ကလည်း သံဃာ့ဆန္ဒ အတိုင်းပါပဲ၊ သာသနာဘက်ကကြည့်ရင် အာဏာပိုင်တွေလုပ်ရပ်က မမှန်ဘူး”ဟု မိန့်ကြား သည်။