သတင်း

စစ်အစိုးရသတင်းစာတွင်ဖော်ပြချက် မဟုတ်ကြောင်း ပါတီဝင်(၂)ဦးငြင်းဆို

ရိုးမ ၃။ မေ ၂၅၊ ၂၀၀၇

ပါတီဝင်အဖြစ်မှနှုတ်ထွက်ကြောင်း စစ်အစိုးရပိုင် သတင်းစာများမှ ဖော်ပြချက်များသည် မဟုတ် မမှန်ကြောင်း (NLD)ပါတီဝင်နှစ်ဦးက ငြင်းဆိုလိုက်သည်။ 

ယခုလ (၁၄)ရက်နေ့က ကြေးမုံသတင်းစာတွင် ဖော်ပြခဲ့သည့် (NLD)ပါတီဝင်များ နှုတ်ထွက် ကြောင်း ဖော်ပြခဲ့ခြင်းသည် မှားယွင်းကြောင်း ကာယကံရှင်များက လက်မှတ်ထိုး ငြင်းဆိုခဲ့ခြင်း ဖြစ်သည်။ 

စစ်အစိုးရသတင်းစာတွင် အမည်ဖော်ပြခြင်းခံရသူများမှာ မြင်းခြံမြို့နယ် (NLD)ပါတီ လူငယ် တာဝန်ခံ ကိုပြည့်ဖြိုးဝင်းနှင့် တောင်သာမြို့နယ် (NLD)ပါတီဝင် ဒေါ်ခင်မြ၀င်းတို့ဖြစ်ပြီး ၄င်းတို့ က မဟုတ်မှန်ကြောင်း လက်မှတ်ရေးထိုး ငြင်းပယ်ခဲ့ခြင်းဖြစ်သည်။ 

“မြင်းခြံကြံ့ဖွံ့အတွင်းရေးမှူး ဦးမြအောင်က ကိုပြည့်ဖြိုးအောင်၏ မိခင်ကို စီးပွားရေးလုပ်ငန်းတွေ မထိခိုက်စေချင်ရင် ပါတီကထွက်ခိုင်းလို့ကိုပြောတာ။ အမေက မျက်ရည်ကျပြီးတောင်းပန်တော့ သူလည်းမခံနိုင်တော့ဘူး။ လက်မှတ်ထိုးပေးလိုက်ရတယ်” ဟု မြင်းခြံမြို့နယ် ပါတီဝင်လူငယ် တဦးက ဆိုသည်။ 

ယခု လက်မှတ်ထိုးငြင်းဆိုခဲ့သည့်စာတွင် မိဘမျက်ရည်ကျသည်ကို မကြည့်ရက်၍သာ လက်မှတ်ထိုးခဲ့ရသော်လည်း ၄င်းအနေဖြင့် (NLD)ပါတီ မူဝါဒသဘောထားများကို မမှိတ်မသုန် ယုံကြည်သည့်အတွက် ပါတီဝင်အဖြစ်မှ မထွက်လိုကြောင်း ဖော်ပြထားသည်ဟု ၄င်းက ဆက်လက်ပြောဆိုသည်။ 

“တောင်သာက ဒေါ်ခင်မြ၀င်းကျတော့ ၀န်ကြီး ဦးအောင်သောင်းကိုယ်တိုင်က ၀ါလုပ်ငန်း လုပ်ကိုင်သည့်ကိစ္စနဲ့ နွားထိုးကြီးမှာ သိမ်းထားတဲ့ ကားကိစ္စတွေကို ပြန်ပေးမယ်။ သမီးဖြစ်တဲ့ လူကို လက်မှတ်ထိုးခိုင်းပါဆိုပြီး ဖိအားပေးခဲ့တာ” ဟု အမည်မဖော်လိုသူတဦးက ဆိုသည်။

ဖခင်ဖြစ်သူက ငိုယိုကာတောင်းပန်သဖြင့် ဒေါ်ခင်မြ၀င်းအနေဖြင့် လက်မှတ်ရေးထိုးခဲ့ရသော် လည်း ပြန်လည်ပေးမည့်ပစ္စည်းများကို လက်ခံခြင်းမရှိဘဲ ပါတီအပေါ်ယုံကြည်မှု လုံးဝမပျက်ဘဲ ပါတီလုပ်ငန်းများ ဆက်လက်လုပ်ဆောင်သွားမည်ဟု လက်မှတ်ထိုး၍ ငြင်းဆိုခဲ့သည့်စာတွင် ရေးသားထားကြောင်း ၄င်းက ဆက်လက်ပြောဆိုသည်။ 

စစ်အစိုးရအနေဖြင့် နိုင်ငံရေးလှုပ်ရှားသူများကို နည်းမျိုးစုံဖြင့် ဖိအားပေး ချုပ်ချယ်ကန့်သတ်မှု များကို အစဉ်တစိုက်ပြုလုပ်ခဲ့ရာ (NLD)ပါတီဝင်များ ပါတီကို အယုံအကြည်မရှိသဖြင့် နှုတ်ထွက် သည့် သတင်းများအား နေ့စဉ်ထုတ်သတင်းစာများတွင် ဖော်ပြလျှက်ရှိရာ အများစုမှာ နည်းမျိုးစုံ ဖြင့် အကျပ်ကိုင် ခြိမ်းခြောက်ခံရသူများနှင့် ပါတီဝင်မဟုတ်သူများ ဖြစ်သည်။