|
ပျက်စီးနေသော မြန်မာ့လူ့အခွင့်အရေးအပေါ်
အရေးတကြီး အရေးယူဆောင်ရွက်ရန် လိုအပ်သည်ဟုဆို
ဉာဏ်မောင်။
မေ ၃၁၊ ၂၀၀၇
ဒေါ်အောင်ဆန်းစုကြည်အား ထပ်မံချုပ်နှောင်ခြင်းသည် ပျက်စီးယိုယွင်း
နေသည့် မြန်မာနိုင်ငံ၏ လူ့အခွင့်အရေးအခြေအနေများအပေါ် အရေးတကြီး
အရေးယူဆောင်ရွက်ရန်လိုအပ်ကြောင်း ပြသလိုက်ခြင်းဖြစ် သည်ဟု
အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ (Amnesty International)
က ထုတ်ပြန်ပြောဆိုလိုက်သည်။
စစ်အစိုးရက
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား
ချုပ်နှောင်ထားသည့် နေအိမ်အကျယ်ချုပ်သက်တမ်းကို ပြီးခဲ့သည့်အပတ်
သောကြာနေ့က တနှစ်ထပ်မံတိုးမြှင့်လိုက်ပြီးနောက် (AI) အဖွဲ့က ယခု
ကဲ့သို့ ထုတ်ပြန်လိုက်ခြင်းဖြစ်သည်။
ဒေါ်အောင်ဆန်းစုကြည်အား ဖမ်းဆီးထိန်းသိမ်းမှု သက်တမ်းထပ်မံတိုးနေခြင်းသည်
မြန်မာစစ် အစိုးရ၏ နိုင်ငံရေးလှုပ်ရှားမှုများအပေါ် လက်လွတ်စပယ်
တရားစီရင်နေမှုများ၏ ဥပမာအဖြစ် ပြသနေခြင်းဖြစ်သည်ဟု ဖော်ပြလိုက်ပြီး
ပြင်းထန်လှသည့် စစ်အစိုးရ၏ လူ့အခွင့်အရေး ချိုးဖောက်မှုများသည်
ယခင်နှစ်ကထက် ပိုမိုဆိုးဝါးလာသဖြင့် နိုင်ငံတကာအသိုင်းအ၀ိုင်းနှင့်
စစ်အစိုးရခေါင်းဆောင်များက အဆိုပါပြဿနာကို ဖြေရှင်းရန် အဖွဲ့ကြီးက
တိုက်တွန်းလိုက် သည်။
ထို့အပြင် စစ်အစိုးရတပ်များ၏ ကရင်ပြည်နယ်စစ်ဆင်ရေးအတွင်း
အရပ်သားပြည်သူများအပေါ် ဖိနှိပ်နေမှုများ ရန်တန့်ရန်၊ မှားယွင်းစွာ
ဖမ်းဆီးထားသည့် အကျဉ်းသားများကို လွှတ်ပေးရန်၊
အကျဉ်းထောင်များအခြေအနေကို ဥပဒေနှင့်အညီ တိုးတက်ကောင်းမွန်အောင်
ဆောင်ရွက်ရန် နှင့် နိုင်ငံရေး အကြမ်းဖက်နှိပ်ကွပ်နေမှုများကို
ရန်တန့်ရန် (AI)အဖွဲ့က စစ်အစိုးကို တောင်းဆို ထားသည်။
နိုင်ငံတော်လုံခြုံရေးအကြောင်းပြချက်ဖြင့် ပြဌာန်းထားသော ဥပဒေများကို
အသုံးပြု၍ ငြိမ်းချမ်း တည်ငြိမ်စွာ သဘောထားကွဲလွဲနေသူများဖြစ်သည့်
ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများအပေါ် မှားယွင်းစွာ
ပြစ်ဒဏ်ချနေမှုများကို ရုပ်သိမ်း၍ မတရား ဖမ်းဆီးမှုများကို ရပ်တန့်ရန်
စစ်အစိုးရက လုပ်ဆောင်ရမည်ဟု ယခုလ (၂၅)ရက်နေ့က အပြည်ပြည်ဆိုင်ရာ
လွတ်ငြိမ်းချမ်းသာခွင့်အဖွဲ့(AI)၏ ထုတ်ပြန်ကြေညာချက်တွင်
ဖော်ပြထားသည်။
ယမန်နေ့ကလည်း ဂျာမဏီနိုင်ငံ၊ ဟမ်းဘတ်မြို့၌ နှစ်ရက်ကြာကျင်းပနေသော
အာရှ-ဥရောပ သမဂ္ဂ(ASEM) အစည်းအဝေးတွင် အစည်းအဝေးတက်ရောက်နေသော
နိုင်ငံခြားရေးဝန်ကြီး (၄၀)ကျော်က လက်မှတ်ရေးထိုး၍ ကြေညာချက်တစောင်
ထုတ်ပြန်ခဲ့သည်။
အဆိုပါကြေညာချက်က စစ်အစိုးရ၏
ဒီမိုကရေစီပြုပြင်ပြောင်းလဲရေးနှင့်ပတ်သက်၍ တိုးတက်မှု
နည်းပါးနေခြင်းကို စိုးရိမ်ပူပန်ကြောင်း ဖော်ပြခဲ့ပြီး ပိတ်ပင်ထားသည့်
နိုင်ငံရေးပါတီများကို အမြန်ဆုံး လွတ်လပ်စွာ လှုပ်ရှားခွင့်ပြုရန်နှင့်
ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်သားများအားလုံး
အမြန်လွှတ်ပေးရန် စစ်အစိုးရကို တောင်းဆိုထားသည်။ |
