ကဏ္ဍစုံဆောင်းပါး

ရှုံးမလား နိုင်မလား ဘာတွေပြင်ဆင်ထားရမလဲ

ဇွန်မှိုင်း
(၃ - ၅ -၂၀၀၈)

(၁)

                ပြည်လုံးကျွတ်ဆန္ဒခံယူပွဲပြုလုပ်ဖို့ တစ်ပတ်သာလိုတော့တယ်။
                ဒီပွဲမှာ ကျနော်တို့ ပြည်သူတွေဘက်က နိုင်မလား၊ ရှုံးမလား။
                နိုင်ရင် ဘာဆက်လုပ်ကြမလဲ၊ ရှုံးရင် ဘာဆက်လုပ်ကြမလဲ။
               (Post Referendum) ဆိုတဲ့ ဆန္ဒခံယူပွဲအလွန်မှာ ဘာတွေဖြစ်ပေါ်လာနိုင်သလဲ၊ အဲဒီအတွက် ကျနော်တို့ ဘာတွေ ကြိုတင်ပြင်ဆင်ထားကြရမလဲ။
                ဆိုတဲ့ မေးခွန်းတွေ ဒီရက်ပိုင်းမှာ တော်တော်ပဲကြားနေကြရပါတယ်။
                အဖြေတွေ၊ စဉ်းစားချက်တွေ၊ ဆွေးနွေးချက်တွေလည်း အမျိုးမျိုးပါပဲ။
                တချို့ဆွေးနွေးချက်တွေက သဘောတူစရာကောင်းပြီး၊ တချို့ဆွေးနွေးချက်တွေက သဘောတူစရာ လုံးလုံး မကောင်းပါဘူး။
                လွတ်လပ်စွာကွဲလွဲကြတာကို ကျနော့်တဦးချင်းအနေနှင့် နားလည်ပေးနိုင်ပေမယ့် ရေဒီယိုကို အားပြုနေကြရတဲ့ ပြည်တွင်းက လုပ်ဖော်ကိုင်ဘက်အချို့အတွက် ဝေေ၀၀ါးဝါးများ ဖြစ်သွားစေလေမလား ဆိုတဲ့ စိုးရိမ်စိတ်ကြောင့် မသက်မသာတော့ နည်းနည်း ဖြစ်မိတယ်။
                ဒါပေမယ့်လို့လည်း
                လူထုတရပ်လုံးအတွက်တော့ ကျနော် စိတ်ချတယ်။
                ဘာကြောင့်လဲဆိုတော့ လူထုမှာက ဘ၀ရှိတယ်။
                အင်မတန်ကိုအကျည်းတန်တဲ့ဘ၀ ရှိပြီးဖြစ်တယ်။ စစ်အာဏာရှင်စနစ်ရဲ့အောက်မှာ နာကျင်ခါးသည်းစွာ ခါးစည်းခံထားရတဲ့ ဘ၀ ရှိနေတာကြောင့် ဘယ်သူက ဘယ်လောက်ပဲ အပြောကောင်းကောင်း၊ ဘယ်သူက ဘယ်ဘက်က ရှေ့နေလိုက်ပြီး သာသာထိုးထိုး ဘယ်လောက်ပြောနေနေ ဘာကိုယုံပြီး ဘာကို မယုံရဘူးလဲဆိုတာ လူထုက သဲသဲကွဲကွဲ သိနေကြတယ်ဆိုတာကို ကျနော်စိတ်ချတယ်။ 

(၂) 

                ဒီပွဲမှာ ကျနော်တို့ နိုင်မလား၊ ရှုံးမလား။
                ဒီမေးခွန်းကို ကျနော်တို့ စဉ်းစားကြည့်ကြရအောင်။
                နအဖကတော့ မီးကုန်ယမ်းကုန်ကို ထောက်ခံမဲရရေးအတွက် ၀ါဒဖြန့်တာ၊ စည်းရုံး တာတွေ လုပ်နေပါတယ်။
                ၀န်ကြီးတွေကိုယ်တိုင် စည်းရုံးရေးဆင်းနေကြတယ်။
                စစ်တိုင်းမှူးတွေကိုယ်တိုင် စည်းရုံးရေးဆင်းနေကြတယ်။
                ကြိုတင်မဲတွေလိုက်ယူနေပြီး အတင်းထောက်ခံမဲ ထည့်ခိုင်းနေတယ်။
                ၀န်ထမ်းတွေ ကန့်ကွက်မဲထည့်ရင် အလုပ်ထုတ်ပစ်မယ် ဆိုတာမျိုးတွေ ခြိမ်းခြောက် နေတာတွေလည်း ကြားနေရတယ်။
                မဲရုံးတွေမှာ လျှို့ဝှက်ဗီဒီယိုရိုက်စက်တွေ တပ်ထားပြီး ကန့်ကွက်မဲထည့်မယ့်သူတွေ ကို စောင့်ကြည့်မယ်ဆိုတဲ့ ကောလဟလတွေလည်း လွှင့်ထားတယ်။
                ရပ်ကွက်တွေထဲမှာ ငွေတွေ လိုက်ထုတ်ချေးပြီး ပြန်ဆပ်ဖို့ကိစ္စကို ရေရေရာရာ မပြောဘဲ မဲဝယ်သလို လုပ်နေကြတယ်။
                တချို့ နယ်စပ်ဒေသ တိုင်းရင်းသားဒေသတွေမှာ အိမ်ထောင်စုတခုကို ဆန်တအိတ် စီ အသားလွတ်ကြီး လိုက်ဝေနေတယ်။
                တသက်လုံး တဘ၀လုံး စော်ကားချင်တိုင်း စော်ကားခဲ့ပြီးကာမှ မဲလိုချင်မှ အရှက် မရှိ သဘောတွေကောင်းပြနေကြတယ်။
                ရေဒီယိုတွေမှာ၊ သတင်းစာတွေမှာ၊ ရုပ်မြင်သံကြားတွေမှာ ....
                ထောက်ခံမဲပေးရေး ဇာတ်လမ်းတွေ၊ သီချင်းတွေ အနုပညာရှင်တွေကို ဇွတ်ဖန်တီး ခိုင်းပြီး နေ့စဉ် တင်ဆက်ပြသနေကြတယ်။
                ကြွေးကြော်သံတွေ၊ ပိုစတာတွေဆိုတာတွေလည်း ရုပ်မြင်သံကြားအစီအစဉ်တွေ ကြားမှာ ထုံပိုင်း ထုံပိုင်း မနားတမ်း ပြသနေကြတယ်။
                တဖက်မှာတော့ ....
                NLD လို ၉၀ ရွေးကောက်ပွဲမှာ ပြည်သူတရပ်လုံးရဲ့ ထောက်ခံဆန္ဒမဲကို ၈၂ ရာခိုင် နှုန်းကျော် ပိုင်ဆိုင်ခဲ့တဲ့ တရားဝင်ပါတီကြီးက တရားဝင်ထုတ်ပြန်ထားတဲ့ ကြေညာချက်တွေကို တောင် လိုက်သိမ်းနေတယ်။ ကြေညာချက်ကို ဖြန့်ဝေပေးနေတဲ့ ပါတီစည်းရုံးရေးအဖွဲ့ဝင်တွေကို ဖမ်းဆီးနေတယ်။ ဦးတင်ယု၊ ဦးမြင့်အေး စတဲ့ စည်းရုံးရေးအဖွဲ့ဝင်တွေကို ချောင်းမြောင်း ရိုက်နှက်ပြီး ဥပဒေမဲ့စွာ ပြုမူချင်တိုင်း ပြုမူနေကြတယ်။
                အကြမ်းဖက်သမားတွေ၊ ဖောက်ခွဲရေးသမားတွေဆိုတဲ့ တံဆိပ်မျိုး တော်လှန်ရေး အင်အားစုတွေကို ကပ်ဖို့နှင့် နအဖ ကတော့ တိုင်းပြည် အေးချမ်းသာယာအောင် နေ့မအား ညမအား ကာကွယ်စောင့်ရှောက်နေပါတယ် ဆိုတာမျိုးဖြစ်အောင် သူတို့ကိုယ်တိုင် ဗုံးတွေကို ဟိုနားခွဲ ဒီနားခွဲ လုပ်နေကြတယ်။
                လူထုကို တဖက်က ခြိမ်းလည်း ခြိမ်းခြောက်ပြတယ်။
                တပြိုင်နက်တည်းမှာ မျက်နှာကို အတင်းပြုံးပြီး သဘောကောင်းချင်ယောင်လည်း ဆောင်ပြတယ်။
                ကျနော်အမြင်ကတော့ ....
                နအဖ ဘာတွေပဲ လုပ်ပြလုပ်ပြ အဲဒါတွေအားလုံးက ကျနော်တို့အတွက်ချည်းပဲ ဖြစ်ကုန်တယ်လို့ မြင်တယ်။
               သူက ထောက်ခံ ခိုင်းနေလေလေ၊
                ထောက်ခံမဲရဖို့ ဥာဏ်နီဥာဏ်နက်တွေနှင့် ဖိအားအမျိုးမျိုးပေးနေလေလေ လူထု တွေက ကန့်ကွက်မဲထည့်ဖို့ ပိုပြီး ဆုံးဖြတ်ချက်ကျသွားလေလေလို့ပဲ မြင်တယ်။
                မြန်မာပြည်သူတွေဟာ ခြောက်ရုံနှင့် ကြောက်တတ်၊ ချော့ရုံနှင့် ပျော့သွားတတ်တဲ့ သူတွေ မဟုတ်ဘူးဆိုတာလောက်တော့ နအဖ ရိပ်မိဖို့ကောင်းပါတယ်။
                နောက်တခုက .....
                စစ်အာဏာရှင်စနစ်ရဲ့အောက်မှာ ....
                ကျောင်းသားတွေရဲ့ သွေးတွေ၊ သံဃာတော်တွေရဲ့ သွေးတွေ၊ ပြည်သူတွေရဲ့ သွေးတွေ ဒီနေ့ထိ မခြောက်သေးဘူး။
                အကျဉ်းထောင်တွေထဲမှာ၊ အကျဉ်းထောင်ပြင်ပမှာ၊ နယ်စပ်နှင့် တိုင်းရင်းသား ဒေသတွေမှာ၊ မြို့ပြမှာ၊ ကျေးလက်မှာ ....
                နေရာဒေသ အနှံ့အပြားမှာ လူထုတွေရဲ့ နာကျင်ညည်းတွားသံတွေ၊ တက်ခေါက် အံကြိတ်သံတွေ ဒီနေ့ထိ မစဲသေးဘူး။
                ဒီအဖြစ်တွေကို ပြည်သူတွေက ဘယ်မှာမေ့နိုင်မှာတဲ့လဲ။
                ခိုးကြောင်ခိုးဝှက် အာဏာသိမ်း စစ်အာဏာရှင်အဖြစ်ကနေ အခြေခံဥပဒေအရကိုပဲ ပလ္လင်ပေါ် တရားဝင် တက်ထိုင်ခွင့်ရသွားစေမယ့် စစ်အာဏာရှင်စနစ်အဖြစ် ဇွတ်ကြိုးပမ်းလာ တာကို ဘယ်သူက ထောက်ခံကြိုဆိုမှာတဲ့လဲ။
                ဝေးတယ်။
                အကျိုးစီးပွားချင်း ညီတယ်လို့ ထင်ယောင်ထင်မှားဖြစ်နေတဲ့ အနည်းစုတကာ့ အနည်းစုကလွဲရင်၊ စစ်အုပ်စုရဲ့ဆွေတော်မျိုးတော် တစုကလွဲရင် ဘယ်သူမှ ထောက်ခံမဲထည့်မှာ မဟုတ်ဘူး။
                ဒါကြောင့် ....  ကျနော်တို့ လူထုဘက်က နိုင်မယ်။
                ကန့်ကွက်မဲဘက်က နိုင်မယ်လို့ ကျနော် ယုံတယ်။               

(၃) 

                ဘယ်အခြေအနေမှာ ရှုံးနိုင်မလဲ။
                နအဖ စစ်အုပ်စုက အပြတ်အသတ် ရုပ်ပျက်ဆင်းပျက် ညစ်ရင် ရှုံးလိမ့်မယ်။
                ထောက်ခံမဲတွေကို ကန့်ကွက်မဲတွေအဖြစ် ပြောင်းလဲပစ်ပြီး ဗြောင်လိမ်ဗြောင်စား ညစ်ပြီး ကြေညာမယ်ဆိုရင် ရှုံးလိမ့်မယ်။
                တစုံတရာ လွတ်လပ်မျှတတယ်ဆိုရင်တောင် ....
                သူတို့ ကိုယ်တိုင်ထုတ်ပြန်ထားတဲ့ နည်းဥပဒေတွေအတိုင်း အတိအကျ လုပ်မယ် ဆိုရင်တောင် ....
                ကျနော်တို့ လုံးဝ မရှုံးနိုင်ဘူး။
                လူကြည့်ကောင်းအောင်၊ နိုင်ငံတကာကရော ပြည်တွင်းကရော ကြည့်ကောင်း အောင် ရေးထားတာသာဖြစ်ပြီး လက်တွေ့မှာ ပြောင်းပြန်တွေ လုပ်တတ်တာကလည်း စစ်အုပ်စု ရဲ့ သဘာဝဖြစ်နေတယ် ဆိုတဲ့အချက်ကို ကျနော်တို့ လေးနက်ကြရမှာဖြစ်ပါတယ်။
                ကျနော်တို့ ဒါကို လုံးလုံး မေ့ထားလို့မရဘူး။               

(၄) 

                သူ မညစ်နိုင်အောင် ဘယ်လိုကာမလဲ။
                ကျနော်တို့မှာ လူထုနည်းကလွဲလို့ တခြားနည်းမရှိပါဘူး။
                လူထုကို အကာအကွယ်ပေးဖို့ လူထုကိုပဲ အားကိုးရမှာဖြစ်ပါတယ်။
                နိုင်ငံတကာ စောင့်ကြည့်လေ့လာရေးအဖွဲ့တဖွဲ့ထားရှိရေးကို ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်ကိုယ်တိုင်က တောင်းဆိုဖူးတယ်။ သူက ခွင့်မပြုဘူး။ NLD က စာထွက်ပြီး တရားဝင်တောင်းဆိုတယ်။ သူက နားလေးချင်ယောင်ဆောင်နေတယ်။
                ကုလသမဂ္ဂလုံခြုံရေးကောင်စီ အစည်းအဝေးက ဒီနေ့ထပ်ပြီး “လွတ်လပ်ပြီး တရား မျှတမှုရှိရေး”၊ “အားလုံးပါဝင်နိုင်ရေး” ကို ထောက်ပြတယ်။ ဒီအခါမှာလည်း နအဖရဲ့ ကုလသမဂ္ဂ အမြဲတမ်းကိုယ်စားလှယ် ဦးကျော်တင့်ဆွေက နိုင်ငံတကာက ၀င်ရောက်မစွက်ဖက်သင့်ဘူးလို့ ကက်ကက်လန်အောင် ထငြင်းတယ်။ ဗိုလ်ကျော်ဆန်း မစ္စတာ ဂန်ဘာရီကို ငြင်းလိုက်တုန်းက ပုံအတိုင်းဘဲ။
                နိုင်ငံတကာစောင့်ကြည့်လေ့လာရေးအဖွဲ့ထားလို့မရရင်၊
                ကျနော်တို့ လူထုတွေကိုယ်တိုင်ကပဲ စောင့်ကြည့်လေ့လာကြရလိမ့်မယ်။
                ဥစ္စာရင်လို ဥစ္စာရင်ခဲ ကြရလိမ့်မယ်။
                ၂၀၀၈ ခုနှစ်၊ ဧပြီလ (၃၀) ရက်နေ့က တိုင်းရင်းသား (၁၂) ပါတီက ထောက်ပြသလို မဲရုံတွေကို စောင့်ကြည့်ကြရမယ်၊ မဲရေတွက်တာတွေကို စောင့်ကြည့်ကြရမယ်။
                NLD က ထောက်ပြသလို ....
                နအဖ ရဲ့ တဖက်စောင်းနင်းလုပ်ရပ်မှန်သမျှကို စောင့်ကြည့်ဖော်ထုတ်ကြ ရလိမ့်မယ်။
                ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်နှင့် မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီးတို့က ထောက်ပြသလို လူထုနည်းနှင့် ၀န်းရံကြရလိမ့်မယ်။
                “ဘယ်သူမှ မစိုးရိမ်ကြနှင့်၊

                ကန့်ကွက်မဲပေးတာ ဘယ်ဥပဒေနှင့်မှ မငြိစွန်းဘူး၊
                ကိုယ့်ရင်ထဲက ကိုယ့်ဆန္ဒကို လွတ်လွတ်လပ်လပ် ဖော်ထုတ်တာ ဘယ်ဥပဒေနှင့်မှ မငြိစွန်းဘူး၊
                ဒါကြောင့်မို့လို့ မဲပေးခွင့်ရှိသူ ဘယ်သူမဆို မဲရုံကိုသွားကြ၊ ကန့်ကွက်မဲပေးကြ၊ မဲအလိမ်မခံရအောင် ၀ိုင်းဝန်းကာကွယ်စောင့်ရှောက်ကြ” လို့ လူထုကို နှိုးဆော်ရမယ်၊ တပ်လှန့် ရမယ်၊ စည်းရုံးဦးဆောင်ကြရမယ်။
                ဒီနည်းနှင့် နအဖ ညစ်ကွက်၊ လိမ်ကွက်၊ ညာကွက်တွေကို ဟန့်လည်း ဟန့်တား ရမယ်။
                စနစ်တကျ စောင့်ကြည့်ပြီး ဖော်ထုတ်ဖွင့်ချတာမျိုးတွေလည်း လူထုတရပ်လုံးက ရဲရဲဝံ့ဝံ့လုပ်ကြရလိမ့်မယ်။ 

(၅) 

                အဲဒီလောက် ကျနော်တို့ဘက်က အကွက်စေ့ရင် ....
                ကျနော်တို့ ရှုံးကို မရှုံးနိုင်ဘူး၊ ကျနော်တို့ မုချနိုင်လိမ့်မယ်။
                ကျနော်တို့ နိုင်ရင် ဘာလုပ်မလဲ။
                ကျနော်တို့ နိုင်တာရဲ့ အဓိပ္ပါယ်က .... နအဖရဲ့ အခြေခံဥပဒေကို လုံးဝ လက်မခံ ကြောင်း ပြသလိုက်နိုင်ရုံသာမက နအဖကိုပါ လုံးဝလက်မခံကြောင်း ပြသလိုက်တာလည်း ဖြစ်တယ်။
                ဒါကြောင့် ..... တဆက်တည်းမှာ ၉၀ ရွေးကောက်ပွဲရလဒ်ကို အခြေခံတဲ့ (သို့မဟုတ်) ၉၀ ရွေးကောက်ပွဲရလဒ်ကို အကောင်အထည်ဖော်တဲ့ လုပ်ငန်းစဉ်တွေ ဆက်တိုက် လုပ်ကြရလိမ့်မယ်။
                အနိမ့်ဆုံးစံက ..... လူထုခေါင်းဆောင် ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်းသားတွေ ချက်ချင်းလွှတ်ပေးပြီး အင်အားစုအားလုံးပါဝင်တဲ့ တွေ့ဆုံဆွေးနွေးရေးကို အမြန်ဆုံး လုပ်ကြရလိမ့်မယ်။
                အမြင့်ဆုံးစံက ..... ၉၀ ရလဒ်ကိုအခြေခံပြီး လူထုအစိုးရတရပ် (ကြားဖြတ်ဖြစ်စေ၊ ကြားဖြတ်ညွန့်ပေါင်းအစိုးရဖြစ်စေ) ဖွဲ့ရလိမ့်မယ်။
                ဘာတွေ ဘယ်လောက်ထိ လုပ်နိုင်မလဲဆိုတာကတော့ လူထုရဲ့ အရှိန်အဟုန်ပေါ် မှာ တည်တယ်။
                လူထု အရှိန်ကြီးရင် ကြီးသလောက်  လူထုက ဆုံးဖြတ်လုပ်ကိုင်သွားလိမ့်မယ်။
                ဆရာလူထုဦးစိန်ဝင်း ထောက်ပြတဲ့ People Power ဆိုတာ ဒါကို ပြောတာ ဖြစ်တယ်။
                မကုန်မခမ်းနိုင်တဲ့ Force ဟာ လူထုလက်ထဲမှာရှိတယ်ဆိုတာ ဒါကို ပြောတာ ဖြစ်တယ်။               

(၆) 

                ကျနော်တို့ ရှုံးရင် ဘာလုပ်မလဲ။
                ကျနော်တို့ဟာ နအဖက ပက်ပက်စက်စက်၊ တရားမဲ့ မညစ်မချင်း လုံးဝ မရှုံးနိုင်ဘူး။
                ကျနော်တို့ရှုံးပြီဆိုရင် ကျနော်တို့ ပက်ပက်စက်စက်၊ တရားမဲ့ အညစ်ပတ်ခံရလို့ပဲ။ ဒါဆိုရင် သူ့ရဲ့ညစ်ပတ်မှု၊ ကလိန်ကကျစ်ကျမှု၊ ဗိုလ်ကျရမ်းကားမှု၊ ဥပဒေမဲ့ ခြိမ်းခြောက် အကြပ်ကိုင်မှုတွေကို တခုမကျန် အကုန်လုံးဖွင့်ချပြီး လူထုနှင့်အတူ ရှေ့ကိုတက်ရလိမ့်မယ်။
                ပွဲဟာ ကြမ်းကောင်း ကြမ်းသွားပါလိမ့်မယ်။
                ဒါပေမယ့် ဒါဟာ တော်လှန်ရေးပဲ၊ မုချ ပေးဆပ်ကြရ၊ မုချ တော်လှန်ဆန့်ကျင်ကြရ လိမ့်မယ်။
                ကလိန်ကကျစ်ကျတဲ့၊ ဖောက်ပြန်ရက်စက်တဲ့ စစ်အာဏာရှင်အစိုးရကို ဆန့်ကျင် တော်လှန်တယ်ဆိုတာ တော်ရုံတန်ရုံ စွန့်လွှတ်ပေးဆပ်မှုနှင့်တော့ အောင်ပွဲခံနိုင်မှာ မဟုတ်ပေ ဘူးဆိုတာ လူထုကြီးက ဘ၀နှင့်ရင်းပြီးကို အသေအချာ သိမြင်နားလည်နေကြပါပြီ။
                ကျနော်တို့ ကျားကုပ်ကျားခဲ ပေးဆပ်ရင်းနှီးပြီး ကျော်လွှားကြရမှာ ဖြစ်ပါတယ်။
                နအဖ စစ်အုပ်စုက .... နိုင်ရင်လည်း နိုင်ရမယ်၊ ရှုံးရင်လည်း နိုင်ရမယ်လို့ စိတ်ကူး ယဉ်ပြီး စိတ်ထဲက ကြိမ်းဝါးနေပါတယ်။
                ဒါကို ကျနော်တို့ ပြောင်းပြန်လှန်ပစ်ရမယ်။
                ကျနော်တို့ရင်ထဲက စွဲစွဲနစ်နစ် ယုံကြည်နေတာတွေကို ဘယ်လိုအတားအဆီးတွေပဲ ရှိနေနေ ကျနော်တို့ကိုယ်တိုင် ဖန်တီးရယူကြရပါလိမ့်မယ်။
                ကျနော်တို့ လူထုဟာ .....
                အရာရာကို ပြောင်းလဲပစ်နိုင်တဲ့၊
                အရာရာကို ဖန်တီးပစ်နိုင်တဲ့
                စွမ်းပကား ပိုင်ဆိုင်သူများ အမှန်ဖြစ်ကြောင်းကို သက်သေ ထပ်မံထူကြရပါ လိမ့်မယ်။       ။

٭٭٭٭٭٭

ARCHIVE