|
စစ်အာဏာရှင်တိုင်းမှာ အခွင့်အာဏာအများကြီးရှိတဲ့၊ ရက်စက်တဲ့
ထောက်လှမ်းရေး အဖွဲ့တဖွဲ့ ရှိစမြဲဖြစ်တယ်။ မူဆိုလိုနီ - ဟစ်တလာကနေ
ဒီနေ့နအဖအထိ ဒီလိုချည်းပဲ။ ဂက်စတာ ပို၊ ကင်ပေတိုင်၊
တပ်မတော်ထောက်လှမ်းရေး၊ တပ်မတော်စစ်ဖက်ရေးရာ လုံခြုံရေး၊ နာမည် တွေ
အခေါ်အဝေါ်တွေ အမျိုးမျိုးကွဲပြားပေမဲ့ ထောက်လှမ်းရေးဟာ
ထောက်လှမ်းရေးပဲဖြစ် တယ်။
ပြောစမှတ်ပြုရမှာကတော့ ဒီအထဲမှာ ဗမာပြည်က စစ်အာဏာရှင်စနစ်ဟာ သက်တမ်း
အရှည်ဆုံးဖြစ်ပြီး ဗမာပြည်က ထောက်လှမ်းရေးဟာလည်း
သက်တမ်းအရှည်ဆုံးဖြစ်တယ်ဆို တဲ့ အချက်ပဲ။ သက်တမ်းရှည်တာနဲ့အမျှ
သမိုင်းရှုပ်ထွေးပြီး အတက်အကျတွေ များတာလည်း တွေ့နေရတယ်။
ဗမာပြည်က
စစ်ထောက်လှမ်းရေးရဲ့ ထူးခြားချက်ဟာ နိုင်ငံတော်အစိုးရက ထူထောင်
ဖွဲ့စည်းတာမဟုတ်ပဲ စစ်အုပ်စုတခုက ဖွဲ့စည်းတာဖြစ်တယ်ဆိုတဲ့
သန္ဓေတည်ပုံကအစ ထူးခြား နေတယ်။ ဆိုရှယ်လစ်ပါတီက စစ်ဗိုလ်တွေ၊
အထူးသဖြင့် ဗိုလ်နေ၀င်းနဲ့ ကာနယ်မောင်မောင် တို့ရဲ့
တီထွင်ဖန်တီးချက်လို့ ဆိုရမယ်ထင်တယ်။ စကတည်းက ဂိုဏ်းဂဏလက္ခဏာ အပြည့်ရှိ
တာဟာလည်း သူ့ရဲ့ထူးခြားချက်တခုပဲ။ ဒါကြောင့်လည်း ဖွဲ့ကာစမှာ
စစ်ဗိုလ်တစုက ကိုင်ထား တာဖြစ်ပြီး နောက်ပိုင်းကျတော့ စစ်အုပ်စုရဲ့
ထိပ်သီးတဦးတည်းရဲ့ လက်ကိုင်တုတ်အဖြစ် ပြောင်းသွားတယ်။
ဒီထောက်လှမ်းရေးဟာ နိုင်ငံ့ဥသျှောင်နဲ့ ၀န်ကြီးအဖွဲ့၊ ဒါမှမဟုတ်
သက်ဆိုင်ရာ ကာကွယ်ရေးဝန်ကြီး၊ ဒါမှမဟုတ် ပြည်ထဲရေးဝန်ကြီး စသူတွေကို
တင်ပြတာ၊ အမိန့်နာယူတာ မလုပ်ပဲ စစ်သေနာပတိချုပ်၊ ဒါမှမဟုတ်
စစ်အုပ်စုထိပ်သီးတဦးတည်းကို အစီရင်ခံ၊ အမိန့်နာခံတဲ့ အဖွဲ့
ဖြစ်လာတော့တယ်။ ဒီအချက်ဟာ ဒီထောက်လှမ်းရေးရဲ့ လက္ခဏာ၊ အနာဂတ် အလားအလာ၊
ကံကြမ္မာ စတာတွေကို အဆုံးအဖြတ်ပေးတဲ့အချက် ဖြစ်သလို ပြဿနာတွေရဲ့
အစပြုရာ၊ အခြေခံရာလည်းပဲ ဖြစ်တယ်။
စစ်သေနာပတိဆိုသူဟာ စစ်သေနာပတိလုပ်ရုံသက်သက်မဟုတ်ပဲ အာဏာသိမ်း တယ်။
တိုင်းပြည်မှာ နံပါတ်တစ်ခေါင်းဆောင်လုပ်တယ်။ ဒါတင်မက
ကာကွယ်ရေးဝန်ကြီးဌာန ကိုပါ ချုပ်ကိုင်လိုက်တယ်။
စစ်ထောက်လှမ်းရေးတွေအဖို့ အလုပ်လုပ်ရတာ ပိုအဆင်ချောသွား တာပေါ့။
တိုက်ရိုက်အစီရင်ခံ၊ တိုက်ရိုက်အမိန့်ခံပဲ။
ဒါပေမဲ့
ပြဿနာက စစ်ထောက်လှမ်းရေးရဲ့ အမိန့်ပေးဌာနချုပ်ကို ကန့်သတ်လိုက်ပေမဲ့
လုပ်ပိုင်ခွင့်တွေဟာ အကန့်အသတ်မရှိ ကျယ်ပြန့်သထက် ကျယ်ပြန့်လာတယ်။
ကွန်မြူနစ်နဲ့ သူပုန်ကို ထောက်လှမ်းတာသာမက စီးပွားရေးသမားကိုလည်း
ထောက်လှမ်းတာ၊ ဖမ်းတာ လုပ်လာတယ်။ နောက်ပြီး န၀တ-နအဖလက်ထက်မှာ
“ငြိမ်းအဖွဲ့”တွေကို အဓိက ဆက်သွယ်သူ ဖြစ်လာတယ်။ ဒါထက်ပိုဆိုးတာကတော့
သူတို့ အုပ်စိုးသူအ၀န်းအ၀ိုင်းအတွင်း ပြန်ထောက်လှမ်း တဲ့
ယန္တရားဖြစ်လာတာပဲ။ မြင်းကိုချိုတပ်တာထက် ဆိုးသွားပြီ။
စစ်အုပ်စုအတွင်း ဂိုဏ်းတိုက်ပွဲမှာ စစ်ထောက်လှမ်းရေးဟာ အခရာကျတဲ့
အခန်းက ပါလာတယ်။ စစ်ထောက်လှမ်းရေးထိပ်သီးရဲ့ အခန်းဟာလည်း
ပိုအရေးကြီးသထက် ကြီးလာ တယ်။ စစ်ထောက်လှမ်းရေးထူထောင်ကာစက
ထောက်လှမ်းရေးတာဝန်ခံဟာ ဒု-ဗိုလ်မှူးကြီးပဲ။ အဲဒီနောက်
လံဘားတင်ဦးလက်ထက်မှာ ဗိုလ်မှူးချုပ်ဖြစ်လာတယ်။ အဲဒီနောက်မှာ
စစ်အုပ်စုမှာ အကြပ်အတည်း ပိုကြီးလာလေ ထောက်လှမ်းရေးတာဝန်ခံဟာ
တန်ခိုးထွားလေဖြစ်လာခဲ့တယ်။ ဗိုလ်ခင်ညွန့်ဟာ နိုင်ငံမှာ နံပါတ်သုံး၊
ဗိုလ်ချုပ်ကြီး၊ ၀န်ကြီးချုပ်စတဲ့ ရာထူးတွေနဲ့ တဟိုးဟိုး တက်လာခဲ့တယ်။
နံပါတ်တစ်ဖြစ်မယ့်လူလို့တောင် အနောက်တိုင်းက တချို့လူတွေက တစ်ပေး
ကြသေးတယ်မဟုတ်လား။
ဒါပေမဲ့
ထောက်လှမ်းရေးထိပ်သီးမှန်သမျှ အသေထွက်ထွက်တာ တယောက်မှမရှိ၊ အရှင်ထွက်
ထွက်ရတာချည်းပဲဆိုတာ မမေ့ဖို့လိုတယ်။ ဆိုလိုတာ အားလုံး (အားလုံး)
အရေးယူ ခံရတာချည်းပဲ။ အရေးယူခံရတာမှာ အကြောင်းပြချက်တွေ
အမျိုးမျိုးပေးလိမ့်မယ်။ ဒါပေမဲ့ အကြိမ်တိုင်းဟာ စစ်အုပ်စုတွင်း
ဂိုဏ်းတိုက်ပွဲတွေနဲ့ တိုက်ရိုက်ဆက်စပ်နေတယ်။
ဗမာပြည်က
အာဏာရစစ်အုပ်စုရဲ့ ဒီနေ့အထိ သမိုင်းကိုပြောရရင် ဗိုလ်ခင်ညွန့်
လက်ထက်မှာ ထောက်လှမ်းရေးဟာ အထွတ်အထိပ်ရောက်တာပဲ။ ကျန်တဲ့
ရဲထောက်လှမ်းရေး၊ အရင်က စသုံးလုံး စတာတွေကိုပါ သူ့အောက်ထဲ ခေါ်သွင်းပြီး
ဥပဒေတောင်ပြု ထားခဲ့တယ်။ ထောက်လှမ်းရေးဆိုတဲ့ကောင်တွေ အမော်ဆုံး၊
အမောက်ဆုံးကာလလို့ ဆိုနိုင်တယ်။ စစ်တိုင်း မှူးတွေနဲ့ ထောက်လှမ်းရေးနဲ့
ပဋိပက္ခတွေ အနေရာရာမှာ ပေါ်လာခဲ့တယ်။ ထောက်လှမ်းရေး သူဌေးတွေ ပေါ်ခဲ့သလို
ထောက်လှမ်းရေးအတုတွေလည်း မကြာခဏ ပေါ်ပေါက်ခဲ့တယ်။
အခုတော့
ထောက်လှမ်းရေးသူရဲကား ဇာတ်လမ်းရှည်ကြီး ပြည်ဖုံးကားချသွားသလိုလို
ဖြစ်သွားပြီ။ အနည်းဆုံး နာမည်အရ၊ အသုံးအနှုန်းအရတော့ ပျောက်ကွယ်သွားပြီ။
ဒါပေမဲ့ အာဏာရှင်တွေမှာ သူတို့ကိုယ်သူတို့ ကာကွယ်ဖို့အတွက်
ထောက်လှမ်းရေးလို အဖွဲ့အစည်း တရပ် လိုမြဲလိုနေတယ်။
စစ်ဗိုလ်ချုပ်တွေအနေနဲ့ စစ်တန်းလျားထဲမှာပဲနေပြီး နိုင်ငံတော် အာဏာကို
စွန့်တယ်၊ မမက်ဘူးဆိုရင် ဒီပြဿနာမရှိဘူး။ ဒါပေမဲ့ အာဏာကို
သားစဉ်မြေးဆက် ထိန်းထားဖို့ပဲ နှလုံးသွင်းအကြံထုတ်နေတဲ့ နအဖစစ်အုပ်စု
ထိပ်သီးတွေအဖို့တော့ ဒီလို လက်ကိုင်တုတ်တခု အမြဲလိုနေမှာပဲ။
ဒီမှာမေးစရာတခုရှိတယ်။ သူပုန်သူကန်ပဲဖြစ်ဖြစ်၊
မြေအောက်လုပ်သူတွေပဲဖြစ်ဖြစ်၊ အတိုက်အခံဆိုတာတွေကို ရဲထောက်လှမ်းရေး၊
စုံထောက် စတာတွေနဲ့ ထောက်လှမ်းအုပ်ချုပ် ရင် ရတာပဲ။ စစ်တပ်က ဘာဖြစ်လို့
ဒီမနိုင်ဝန်ကို ထမ်းချင်ရတာလဲ၊ မေးကောင်းမေးကြလိမ့်မယ်။ အဖြေက
လွယ်လွယ်လေး။ စစ်အုပ်စုတွေကို ဦးဆုံးနဲ့ အထိရောက်ဆုံး
အန္တရာယ်ပေးနိုင်တာဟာ စစ်ဗိုလ်ချုပ်တွေပဲ။ အဲဒီအန္တရာယ်ဟာ သူတို့အထဲမှာ
အမြဲတည်ရှိနေတယ်။ အဲဒီခြားနားမယ့် စစ်အရာရှိကြီးတွေကို ဘယ်ရဲက
စောင့်ကြည့်ထိန်းချုပ်ရဲမှာလဲ။
ပြင်သစ်စကားမှာ “Quelle
gendarmeréz les gendarmes”
ဆိုတဲ့ ဆိုရိုးစကားတခု ရှိတယ်။ အဓိပ္ပာယ်က ပုလိပ်အပေါ်
ဘယ်သူကပုလိပ်လုပ်မှာလဲ ဆိုတာပဲ။ စစ်တပ်အရာရှိတွေကို ရဲမပြောနဲ့
တပ်ထိန်းတောင် မကိုင်ဝံ့တာ အားလုံးအသိ။ ဒီလိုနဲ့ “တပ်မတော်စစ်ဖက်ရေးရာ
လုံခြုံရေး” ဆိုတာ ပေါ်လာတယ်။ ဒါပေမဲ့ အရင်က သင်ခန်းစာတွေရှိဘူးတော့
ဗြောင် တလက်ကိုင်အဖြစ် မထူထောင်ဝံ့သေးဘူး။ နအဖထိပ်သီးတွေ တယောက်မျက်နှာ
တယောက် စောင့်ကြည့်နေကြတယ်။ ဘယ်သူ့ဘယ်သူမှ အလစ်မပေးဘူး။
ဗိုလ်ချုပ်တဦးဦးကနေ ဒီအဖွဲ့ကို ခါးပိုက်ထဲထည့်ဖို့လုပ်တယ်ဆိုရင်
ကျန်တဲ့လူတွေက လက်ပိုက်ကြည့်နေမှာမဟုတ်ဘူး။ ဒါကြောင့်လဲ ဒီတပ်မတော်
အခုအခါမှာ စစ်ဖက်ရေးရာ လုံခြုံရေးဆိုတာဟာ မမြုပ်လောက်- မသုပ်လောက်
အောက်ကလိအာ ဖြစ်နေတာပဲ။
ဒါပေမဲ့
ဒါဟာ အဆုံးမဟုတ်သေးဘူး။ ဇာတ်လယ်ပိုင်းတောင် မရောက်သေးဘူး။
စစ်အုပ်စုထိပ်သီးတွေဟာ လစ်ရင်လစ်သလို ဒီအဖွဲ့ကို ဖုတ်သက်သွင်းပြီး
ကိုယ့်ခါးပိုက်ထဲထည့်ဖို့ ကြိုးစားကြမှာပဲ။ အဲဒီလို
တလက်ကိုင်ဖြစ်သွားပြီဆိုတဲ့အချိန်ကစပြီး ဒီထောက်လှမ်းရေးဟာ နိဂုံးအတွက်
ပြဌာန်းပြီးဖြစ်သွားမယ်။
စစ်ဗိုလ်ချုပ်တွေ အာဏာမမက်မှ၊ ဒါမှမဟုတ် အာဏာမမက်တဲ့ ဗိုလ်ချုပ်တွေ
တပ်မတော်ထိပ်သီးဖြစ်မှ ဒီသံသရာဟာ ပျောက်သွားမှာပဲ။
x x x x x |
