|
ကျမ
ထောင်ကျစဉ်အချိန်တုန်းက တွေ့ကြုံခဲ့သမျှ အနိဌာရုံတွေဟာ ထောင်ကလွတ်
မြောက်ပြီး ယနေ့တိုင် သံမှိုစွဲသလိုမျိုး ကျမရဲ့ဦးနှောက်ထဲ စွဲနေပါတယ်။
ပြန်တွေးမိတိုင်း စိတ်ထဲမှာ တနုံ့နုံ့၊ တဆွေးမြေ့မြေ့ ခံစားနေရပြီး
မေးမြန်းစုံစမ်းသူတွေ၊ အတွေ့အကြုံ အထူးအဆန်း သိလိုသူတွေကိုတွေ့တိုင်း
ပြောနေမိပါတယ်။ ထောင်ထဲမှာ တွေ့ရတဲ့မြင်ကွင်း၊
ကြုံရတဲ့အဖြစ်အပျက်တွေကို ပြန်ပြောမိတိုင်း တထပ်ထဲမတိမ်းမစောင်း၊
တလုံးတပါဒမှ မလွဲစေရပဲ စစ်ထောက်လှမ်းရေးတွေရဲ့ စစ်ကျောရေးစခန်းမှာကို
ကျမပြောနိုင်ပါတယ်။
ကျမတို့အကျဉ်းသူတွေဟာ ကျမလို နိုင်ငံရေးအကျဉ်းသူပဲဖြစ်စေ၊
ရာဇ၀တ်ပြစ်မှုခံနေ ရတဲ့ အကျဉ်းသူဖြစ်စေ နေစဉ်နှင့်အမျှ
ထောင်တွင်းအကြမ်းဖက်မှုတွေကို တွေ့ကြုံခံစားရပါ တယ်။ ကျမတို့
အကျဉ်းသူအားလုံးဟာ နေ့စဉ်လိုလို လူတယောက်ဘ၀ကနေ လူမဟုတ်တဲ့
အခြားသတ္တ၀ါတကောင်ကောင်ဘ၀ထဲကို တွန်းပို့ခံနေရပါတယ်။ ကျမရဲ့ စိတ်တွေဟာ
ဘယ် ဥပဒေ၊ ဘယ်အစိုးရရဲ့ လုံခြုံပေးမှုကိုမှ မခံရသလို ထင်လာမိတယ်။ ဒါ
ဘာကြောင့်ပါလဲ။ နေ့စဉ် ညှင်းပန်းနှိပ်စက်ခြင်း၊
ကြီးနိုင်ငယ်ညှင်းလုပ်ခံရခြင်း၊ အာဏာပိုင်အုပ်ချုပ်သူရဲ့ ငွေရရှိရေး
အတွက် အကျဉ်းသူများအပေါ် ကျစ်ခြင်း၊ ရစ်ခြင်း၊ ပါးနားရိုက်နှက်ခြင်း၊
သန့်ရှင်း၍ နွေးထွေး သပ်ရပ်သော နေရာ၌ မအိပ်စက်ရပဲ ကျွဲ၊
နွားတိရစ္ဆာန်များကဲ့သို့ အိပ်စက်ရခြင်း၊ အကျဉ်းထောင် လက်စွဲဥပဒေများအရ
အကျဉ်းသားတယောက်အား ကျွေးမွေးရန် သတ်မှတ်အစားအစာများကို
သပ်ရပ်သန့်ရှင်း၍ ကိုတာ(Quota) ပြည့်ဝအောင် မစားရခြင်း၊ ဒါတွေကို
ပြန်ကြည့်ရင် တိရစ္ဆာန် ကဲ့သို့ ပြုမူဆက်ဆံခံနေရခြင်းတွေပဲ ဖြစ်ပါတယ်။
အကျဉ်းသူတယောက်တိုင်းဟာ တခုခုကို အာရုံစိုက်နေချိန်မှာ နောက်ဘက်ကနေ
ဝါးဆစ်ပိတ်လို ဒုတ်တခုနဲ့ ရိုက်ခံလိုက်ရမယ်ဆိုရင် သူတို့ဘ၀ဟာ
ဘာဖြစ်သွားမလဲ။ ရှေ့ကနေ နှေးကွေးလေးဖင့်စွာ သွားနေတဲ့ နွား၊ ကျွဲတွေလို
အကြောင်းမဲ့ သခင်ရဲ့အလိုကျ စိတ်လိုက် မာန်ပါ ကြိမ်လုံးနဲ့
ရိုက်လိုက်တာနဲ့ မတူဘူးလား။
အကျဉ်းသူတယောက်တိုင်းဟာ ထောင်တွင်းပြစ်မှုတခုခုကို
ကျူးလွန်မယ်ဆိုပါစို့၊ ခေတ်အဆက်ဆက်က ပြဌာန်းထားတဲ့
ထောင်တွင်းလက်စွဲဥပဒေကျမ်းအရ အပြစ်ပေး အရေးယူ ခွင့်ရှိရမဲ့အစား
အာဏာပိုင်များနှင့် သူတို့တာဝန်လွှဲပေးထားတဲ့ နှစ်ကြီးအကျဉ်းသူများက
ရုံးတင် စစ်ဆေးမှုတွေ မလုပ်ခင်အချိန်ကပင် လူမဆန်စွာ ဥပဒေရဲ့အပြင်ဘက်ကနေ
ဥပဒေမဲ့ ညှဉ်းပန်း နှိပ်စက်ပါတော့တယ်။
အကျဉ်းသူတယောက်တိုင်းဟာ ထောင်တွင်းစည်းကမ်းများနှင့်
လုံခြုံရေးအကြောင်းပြ ချက်များကို အကြောင်းပြုပြီး
ထောင်အာဏာပိုင်များနှင့် ၎င်းတို့မှ တာဝန်ပေးအပ်ခြင်းခံရသူများ က
နိုင့်ထက်စီးနင်း ဗိုလ်ကျခြင်းများကို ခံကြရပါတယ်။ ဥပမာတခုကိုပဲ
ပြောကြည့်ရအောင်။ အကျဉ်းသူတယောက်တိုင်းဟာ ထောင်တွင်းစည်းကမ်းချက်များအရ
ထောင်အာဏာပိုင်များရဲ့ ရှေ့မှောက်ကို လမ်းဖြတ်လျှောက်မယ်ဆိုရင်
လက်နှစ်ဘက်ကို ဘယ်ညာယှက်ပြီး မိမိဆီးခုံပေါ် တင်လိုက်ရပါမယ်။
ဦးခေါင်းကိုလဲ မျက်စိက ဘယ်ညာဝှေ့ယမ်းကြည့်ရှုခြင်းမျိုး မလုပ်ရပဲ
ခြေလှမ်းများကို မြေကျွံမည်စိုး၍ မြေကြီးကို စမ်းနင်းသလို
လမ်းလျှောက်ရပါတယ်။
ဒီလိုလှုပ်ရှားသွားလာဟန်ကို စာဖတ်သူမြင်ကြည့်လိုက်ပါ။ ဒါဟာ ဆင်မယဉ်သာ
လမ်းလျှောက်ခြင်း မဟုတ်ဘူးဆိုတာကို တွေ့ရပါလိမ့်မယ်။ ဒါကို တနည်း
ပြန်လည် စဉ်းစား ကြည့်မယ်ဆိုရင် မာန်ဖီပြီး အင်အားကြီးတဲ့
သတ္တ၀ါတကောင်ရှေ့ရောက်နေတဲ့ အမြီးကုတ် ခြေသံဖျောက်ပြီး ပြေးသွားတဲ့
“ခွေး”နဲ့ မတူဘူးလား။ ဒီလိုဆိုရင် ထောင်အာဏာပိုင်များရဲ့ စည်းကမ်းနဲ့
လုံခြုံရေးအတွက် တင်းကြပ်မှုမျိုးဟာ ကျမတို့အကျဉ်းသူများအတွက် “ခွေး”
တိရစ္ဆာန်ဘ၀သို့ ရောက်သွားသကဲ့သို့ မဖြစ်ဘူးလား။
ကမ္ဘာပေါ်မှာရှိတဲ့ ဥပဒေကြောင်းအရ ပြစ်ဒဏ်စီရင်ပုံများကို လေ့လာကြည့်ရင်
ဥပဒေ၊ ထောင်၊ အကျဉ်းသားဆိုပြီး ပေါ်ပေါက်ခဲ့စဉ်အခါထဲက ဥပဒေအရ
ပြစ်ဒဏ်ပေးထားတဲ့ အကျဉ်း သားတွေကို ဘယ်လိုအဆင့်အတန်း သတ်မှတ်ရမလဲ၊
ဥပဒေအတွင်းကနေ ဘယ်လို အကာအကွယ်ပေးရမလဲဆိုတာ ပါပြီးသားဖြစ်တယ်။
ဘာကြောင့် ဒီလိုပြန်ပြီး ဥပဒေလက်လွတ် အနိုင်မကျင့်ဘဲ ဥပဒေရဲ့
အကာအကွယ်ပေးမှုအောက်မှာ ထားရသလဲဆိုရင် ပြစ်မှုကျူးလွန်သူ တွေဟာ ဥပဒေကို
အဆုံးစွန် မကျူးလွန်မိစေဖို့ရယ်၊ ပြစ်ဒဏ်ကျခံဆဲကာလအတွင်းမှာ မိမိ
ကျူးလွန်မိသော အပြစ်အတွက် အသိတရားတခုရရှိကာ ရင်ဆိုင်ဖြတ်သန်းနိုင်ဖို့
ဥပဒေက တဖန်ပြန်ပြီး အကျဉ်းသားကို အကာအကွယ်ပြန်ပေးထားခြင်းပဲ ဖြစ်ပါတယ်။
တကယ်တော့ ထောင်ဒဏ်အပြစ်ပေးခံရတယ်ဆိုတာဟာ ဥပဒေအရ လွတ်လပ်ခွင့်ကို
အချိန်အတိုင်းအတာတခုအထိ အသိအမှတ်မပြုတော့တာဖြစ်တယ်။
ရုပ်သိမ်းလိုက်တာဖြစ်တယ်။ အကျဉ်းသားကို လူအဖြစ် အသိအမှတ်မပြုတော့တာ
တိရစ္ဆာန်ဘ၀၊ ကျေးကျွန်ဘ၀ ပို့လိုက်ခြင်း မျိုး မဟုတ်ပါဘူး။ န၀တ၊
နအဖအကျဉ်းထောင်တွေမှာ လွတ်လပ်ခွင့်ကို ရုပ်သိမ်းလိုက်ရုံမဟုတ် ပဲ
ဥပဒေကို အသာစီးကယူထားပြီး အကျဉ်းထောင်ဥပဒေ၊ နိုင်ငံတကာဥပဒေကို
နည်းမျိုးစုံ ချိုးဖောက်ကာ လူတွေကို ကျေးကျွန်ဘ၀၊
တိရစ္ဆာန်ဘ၀ရောက်အောင်၊ လူညွန့်တုံးအောင် လုပ်လိုက်ကြပါတယ်။
ဒီလိုအပြုအမူတွေဟာ လူ့အခွင့်အရေးတင်မကပဲ သဘာဝတရားအရ
အသက်ရှင်ရပ်တည်ရေးကိုပါ ဖျက်ဆီးချိုးဖောက်နေခြင်းဖြစ်ပါတယ်။
အကျဉ်းသူတယောက်တိုင်းဟာ ထောင်ကျပြီဆိုရင် ပုံစံခန်းဆိုတဲ့ ထောင်ဥပဒေ၊
စည်းကမ်းတွေကို သင်ကြားရတဲ့အခန်းကို အရင်ဝင်ရပါတယ်။ ဒီလို
ပုံစံခန်းဝင်လိုက်ရပြီဆိုရင် အကျဉ်းသူဟာ ယဉ်ကျေးတဲ့
လူအဖွဲ့အစည်းအပြင်ဘက်ကို နှင်ထုတ်ခြင်းခံရတဲ့ အမိန့်ပြန်တမ်း များကို
ဖတ်ပြခြင်းခံရတော့ သလိုပါပဲ။ ထောင်ဥပဒေတွေ၊ စည်းကမ်းတွေဆိုတာ မိမိကို
ကာကွယ်ပေးတဲ့ ဥပဒေ၊ စည်းကမ်းတွေမဟုတ်ဘူးဆိုတာကို
အရင်ဆုံးသိရမှာဖြစ်တယ်။ ဒုတ်တချောင်းနဲ့ အကျဉ်းသားအရာရှိလို့ခေါ်တဲ့
နှစ်ကြီးကျ အကျဉ်းသူတွေရဲ့ နှိပ်စက်ညှဉ်းပန်း ခြင်းကို ခံရပါမယ်။
သူတို့ရဲ့ ချွတ်ခွာ (ထောင်ပြင်မှာဝတ်တဲ့ အ၀တ်အစားကောင်းများကို
အဟောင်းများနှင့်လဲယူခြင်းကို ဆိုလိုသည်) လုပ်ခြင်းကိုခံရမယ်။
“ပုံစံဆိုတာ ဒီလိုထိုင်ရ တယ်ဟ” ဆိုပြီး သူတို့ကို ကြောက်လာအောင်
အကြာင်းမဲ့ ရိုက်နှက်မယ်၊ ကြောက်စိတ်တွေ
ဝင်လာပြီဆိုရင် လိုင်းကြေးတောင်းမယ်(ငွေတောင်းခြင်း)။
နအဖရဲ့ထောင်ပုံစံခန်းဟာ ဥပဒေအတွင်းကနေ ၀င်လာသမျှ အကျဉ်းသူတွေကို ဓားပြ
တိုက်နေခြင်းဖြစ်တယ်။ ထောင်လုံခြုံရေးနဲ့ စည်းကမ်းကို အကြောင်းပြပြီး
ညှဉ်းပန်းနှိပ်စက်ခြင်း ကို ကျမတို့ အကျဉ်းသူတဦးစီတိုင်း နေ့စဉ်
ခံစားရတဲ့အချိန်ဟာ ထောင်ပိတ်၊ ထောင်ဖွင့်ချိန်တွေ နဲ့
ထောင်ပိုင်စစ်ဆေးနေ့၊ ညွှန်မှူးစစ်ဆေးရေးနေ့၊
ခရိုင်လူကြီးစစ်ဆေးရေးနေ့နဲ့ ထောင်အထူး
တလာစစ်ဆေးရေးနေ့တွေမှာ အချိန်ကြာမြင့်စွာ
နာရီပေါင်း ၃ - ၄ နာရီ တင်ပလင်ခွေ ထိုင်ခိုင်း ထားခြင်းဖြစ်ပါတယ်။
ထိုအချိန်များမှာ အကျဉ်းသူတွေဟာ အလေးအပေါ့စွန့်ခွင့် မရကြပါဘူး။
မနေနိုင်လို့ အလေးအပေါ့စွန့်မဲ့ အကျဉ်းသူဟာ အကျဉ်းသားအရာရှိ (ခေါ်)
ဘာရာတွေရဲ့ ရိုက်နှက်ခြင်း ခံရပါတယ်။ ဒါဟာ အတော်အဆိုးဆုံး
ကိစ္စတခုဖြစ်ပါတယ်။
၁၉၉၄ ခုနှစ်၊ မတ်လ အလယ်လောက်ကဖြစ်ပါတယ်။ ထောင်ထဲကို လူ့အခွင့်အရေး
ကော်မရှင်အဖွဲ့မှ လာရောက်ကြည့်ရှုစစ်ဆေးတဲ့ နေ့တနေ့မှာ ကျမတို့
အဆောင်နေအကျဉ်းသူ တွေဟာ မနက် (၆)နာရီ ထောင်ဖွင့်ချိန်ထဲကနေပြီး
မျက်နှာတောင် သစ်ခွင့်မရခဲ့ကြပါဘူး။ ထောင်သန့်ရှင်းရေးအဖွဲ့တဖွဲ့က
ထောင်ပတ်ဝန်းကျင်တခုလုံး သန့်ရှင်းရေးလုပ်နေတဲ့ အချိန်မှာ
ကျန်ကျမတို့အကျဉ်းသူတွေဟာ အိပ်ရာလိပ်များကို စနစ်တကျ သိမ်းဆီးပြီး
ပုံစံ စထိုင်နေခဲ့ရ ပါတယ်။ ဒီလို ပုံစံထိုင်နေခဲ့ရတာဟာ မနက်စာ
စားသောက်အချိန်ထိကို တန်းမဖြုတ်ပေးခဲ့ပါဘူး။ တန်းစီးမဖြုတ်ပေးသေးသလို
အလေးအပေါ့ စွန့်ခွင့်လဲမပေးခဲ့ပါဘူး။ ဘာဖြစ်လို့ အလေးအပေါ့
စွန့်ခွင့်မပေးသလဲဆိုလျှင် ဧည့်သည်များလာရောက်စစ်ဆေးအချိန်မှာ
မကောင်းတဲ့ အနံ့တွေ ထွက်နေမှာကို စိုးလို့ပဲဖြစ်တယ်။ ဒီလို
ပိတ်ပင်ထားခြင်းဟာ သာမန်ကျန်းမာသူတွေအတွက် အလွန်အကျွံ
ဒုက္ခမရောက်နိုင်ပေမဲ့ ကိုယ်ဝန်ဆောင်မိခင်များအတွက် အလွန်အရေးကြီးပါတယ်။
အဲဒီအချိန်မှာ ကျမတို့ရဲ့အဆောင်မှာ ကိုယ်ဝန်ဆောင်မိခင် (၇)ဦးလောက်ဟာ
ကိုယ်ဝန် အရင့်အမာရှိနေခဲ့ကြတယ်။ သူတို့ဟာ အပေါ့စွန့်ခွင့်တောင်း
ခံခဲ့ပေမဲ့ မရရှိခဲ့ပါဘူး။ ဒါပေမဲ့ အဲဒီနေ့မှာ
လူ့အခွင့်အရေးကော်မရှင်အဖွဲ့ဟာ ကျမတို့ အင်းစိန်ထောင်ထဲ
မ၀င်ရောက်လာခဲ့ပါ ဘူး။ ဒီအတွက်ကြောင့် ညနေ (၃)နာရီခန့်မှာပဲ
ပုံစံထိုင်တန်းစီဖြုတ်လိုက်ပြီး မနက်စာ ထမင်းကို ကျွေးပါတော့တယ်။
တထောင်လုံး ပုံစံထိုင်တန်းစီဖြုတ်လိုက်လို့ အပေါ့အလေးစွန့်သူ စွန့်၊
ထမင်းစားတန်းစီသူများနဲ့ ရှုပ်နေတဲ့အချိန်မှာပဲ ပြဿနာတခုက
ပေါ်လာပါတော့တယ်။
အဲဒီပြဿနာကတော့ အခြားမဟုတ်ဘူး။ တမနက်ခင်းလုံး၊ နေလည်ပိုင်းတခုလုံး
ဆီးအောင့်ထားခဲ့ရတဲ့ ကိုယ်ဝန်ဆောင်မိခင် (၇)ဦးလောက်ထဲက “မမြ၀င်း”
ဆိုတဲ့ ကိုယ်ဝန် ဆောင်မိခင်ဟာ မွေးခါနီး လပိုင်းအလိုသာရှိပြီး
လွတ်ရက်လဲ နီးပြီဖြစ်တယ်။ ပုံစံတန်းစီထိုင်ရပြီး ဆီးအောင့်ထားရလို့
ဆီးအဆိပ်တက်လာပြီး သတိလစ်သွားပါလေရော။ အဲဒီအချိန်မှာ ထောင်
အာဏာပိုင်တွေ ရောက်လာပြီး ထောင်ဆေးရုံတင်လိုက်ပါတယ်။ သူ့ကို
ထောင်ဆေးရုံတင်ပြီး သုံးလေးရက်ကြာတော့ ကျမတို့အဆောင်ကို
သတင်းတခုရောက်လာပါတယ်။ အဲဒါ ဘာဖြစ်မယ် ထင်ပါသလဲ။ သတင်းဆိုးပါ။
“မမြ၀င်းတယောက် ဆီးဆိပ်တက်ပြီး သေသွားရှာပြီ”တဲ့။ လူတယောက်အသက်က
ဘာမဟုတ်တဲ့ အကြောင်းတိုက်ဆိုင်မှုနဲ့ အချိန်တိုတိုအတွင်းမှာ
အကြောင်းမဲ့သေသွားပါပြီ။ မမြ၀င်းကို ကျမမျက်စိထဲ ထူးထူးခြားခြား
ရင်းနှီးနေတဲ့အတွက် အခုထိ မှတ်မိနေတုန်းပါ။ သူ့လိုပဲ ဘာမဟုတ်တဲ့
တိုက်ဆိုင်မှုနဲ့ သေသွားရတဲ့ အမျိုးသမီး အကျဉ်းသူတွေဟာ ဒုနဲ့ဒေးပါပဲ။
အကျဉ်းထောင်တွေထဲမှာ ကျမတို့အကျဉ်းသူအားလုံးရဲ့ ဘ၀ဟာ ထောင်စီမံကိန်း
တိရိစ္ဆာန် ၀က်တကောင်တန်ဖိုးထက် နိမ့်ကျပါတယ်။ ဥပမာ
ဝက်တကောင်သေပြီဆိုပါတော့၊ တာဝန်ကျဝန်ထမ်းတွေဟာ ၀က်တကောင်သေဆုံးမှုအတွက်
ထုချေလွှာ (၄)စောင်ရေးပြီး သက်ဆိုင်ရာ အထက်အဖွဲ့အစည်း (၄)ခုကို
တင်ရပါတယ်။ ဒါဆိုရင် လူတယောက်သေသွား ပါပြီတဲ့၊ ထုချေလွှာ
ဘယ်နှစ်စောင်လိုမယ်ထင်ပါသလဲ။ သက်ဆိုင်ရာ အထက်အဖွဲ့အစည်း (၂)ခု ကို
ထုချေလွှာ (၂) စောင်တင်ရုံနဲ့ လုံလောက်ပါတယ်။ ဒါဟာ
မြန်မာနိုင်ငံလူ့အဖွဲ့အစည်းရဲ့ လူတယောက်တန်ဖိုးပဲဖြစ်ပါတယ်ရှင်။
အကျဉ်းသူ၊ အကျဉ်းသားတယောက် သေပြီဆိုရင် မိသားစုထံကို
သက်ဆိုင်ရာမြို့နယ်ရဲစခန်းကတဆင့် အကျဉ်းဦးစီးဌာနက ပို့လိုက်တဲ့
စာတစောင်ဟာ လူ့အသက်တချောင်းရဲ့ တန်ဖိုးပါပဲ။ အဲဒီသံကြိုးစာထဲမှာတော့
“မောင် ------- ဘယ်သူ” “ မ------ ဘယ်သူ”ဟာ အကျဉ်းထောင် (သို့မဟုတ်)
ရဲဘက်စခန်းတနေရာ၌ ရုတ်တရက် ကွယ်လွန်သွားပါသဖြင့် “ကောင်းမွန်စွာ
သင်္ဂြိုလ်ပြီးစီးကြောင်း”ဆိုတဲ့ စာကြောင်း တိုလေးတကြောင်းနဲ့ပဲ
မိမိရဲ့မိသားစုဝင်တဦးဟာ မိသားစုရဲ့မျက်ကွယ်မှာ ဘာရောဂါ၊ ဘာကြောင့်
သေသွားပြီဆိုတာကို သိခွင့်မရတော့ပါဘူး။ ကျန်ရစ်သူမိသားစုကတော့
သင်္ဂြိုလ်ခွင့် မရရှိဘဲ ပူဆွေးသောကရောက်ပြီး ကျန်ခဲ့ရုံပဲပေါ့။ အဲဒီလိုပဲ
ရဲဘက်စခန်းမှာ၊ အကျဉ်းထောင်မှာ၊ သေသွားရတဲ့သူတွေကို သက်ဆိုင်ရာ
အဖွဲ့အစည်းတွေက ဘယ်လိုများ သင်္ဂြိုလ်မြုပ်နှံခဲ့ကြသလဲ ဆိုရင်
အကျဉ်းထောင်ထဲမှာ သေသွားကြတဲ့ အကျဉ်းသားတွေကို အကျဉ်းဦးစီးကားပေါ်မှာ
ပက်လက်ကလေးတင်၊ ပုံစံစောင်ပါးပါးလေးတထည်အုပ်၊ အကျဉ်းထောင်
ထောင်မှူးကလေး တယောက်၊ အကျဉ်းဦးစီးဝန်ထမ်းနှစ်ဦးနဲ့ ကားသမားတို့
သချိုင်းကိုကားမောင်းပြီး စည်ပင် သာယာ မီးသင်္ဂြိုလ်စက်ထဲကို
သွားပြီးအပ်လိုက်တာပါပဲ။ ဘယ်လိုမိသားစုကိုမှ လိုက်လံပို့ဆောင်
ခွင့်မပြုသလို၊ မိသားစုကလဲ ဘယ်မှာ သင်္ဂြိုလ်သလဲလို့တောင်
မေးခွင့်မရလိုက်ပဲ “ ကောင်းမွန် စွာ သဂြိုလ်ပြီးစီးကြောင်း”ဆိုတဲ့
သံကြိုးစာလေး လက်ခံလိုက်ရတာပဲ ရှိပါတယ်။
ရဲဘက်စခန်းမှာ သေသွားတဲ့ အကျဉ်းသူ၊ အကျဉ်းသားတွေကိုလဲ သက်ဆိုင်ရာ
လုပ်ငန်းခွင်ရဲ့ အနီးမှာရှိတဲ့ မြေကျင်းတိမ်တိမ်မှာ
မြှုပ်နှံလိုက်ပါတယ်။ အဲဒီမြေကျင်းဟာ ဘယ်လောက်များ တိမ်သလဲဆိုရင်
အလောင်းမြှုပ်ပြီး နောက်နေ့မနက်မှာ အလောင်းကို တောခွေးလို
အသားစားသတ္တ၀ါတွေက လာပြီးတူးဖေါ်စားသွားကြလို့ အလောင်းရဲ့ ကိုယ်ခန္ဓာ
အစိတ်အပိုင်းတွေဖြစ်တဲ့ ခြေတွေလက်တွေဟာ ဟိုတခု ဒီတခုနဲ့
ပြန့်ကျဲနေတတ်ပါတယ်။
လူတယောက်ရဲ့သေခြင်းဟာ မဖွယ်မရာပြုမူခြင်း ခံလိုက်ရသလိုမျိုးပါပဲ။
လူဆိုတဲ့ သမိုင်းဦးအစကနေ ယဉ်ကျေးတဲ့ လူ့အဖွဲ့အစည်းတခုဖြစ်ဖို့ဆိုတာ
နှစ်သန်းပေါင်းများစွာ ကြာအောင် ပြုစုပျိုးထောင်ခဲ့ရတာပါ။
လူတယောက်သေပြီဆိုရင် လူ့အဖွဲ့အစည်းမှာ သူရဲ့ နောက်ဆုံးခရီးကို
ဘာကြောင့် သိက္ခာရှိရှိ သင်္ဂြိုလ်ခွင့်ပြုလိုက်ကြသလဲ။ ဘာကြောင့်များ
တခမ်းတနား လိုက်ပါပို့ဆောင်ကြသလဲ။ ဒီလိုမေးခွန်းတွေကို
မေးဖို့လိုပါလိမ့်မယ်။ သေသူ ကတော့ သေပြီးတဲ့နောက် ဘာကိုမှမသိတော့တာက
အမှန်တရားပါပဲ။ ကျန်ရစ်ခဲ့သူတွေကို လူတယောက် အသက်ရှင်နေထိုင်ခြင်းရဲ့
တန်ဖိုးကို သိစေလိုတဲ့ အကြောင်းကြောင့်ပဲ အသုဘ အခမ်းအနားတွေကို
အသေအချာစီစဉ်ခြင်းပဲ ဖြစ်ပါလိမ့်မယ်။ သေချာတာကတော့ လူ့သမိုင်း
အကြောင်းကို ပြောချင်တာ။ လူ့ဂုဏ်သိက္ခာ၊ လူ့အခွင့်အရေးရဲ့ အမှန်တရားကို
ပြသခြင်းပဲဖြစ် ပါတယ်။
တိရိစ္ဆာန်တကောင်ကို မြေကျင်းတိမ်တိမ်ကလေးမှာ ဒါမှမဟုတ်
လိုက်ပါပို့ဆောင်မဲ့သူ မပါပဲ ခြေတောက်ကိုကြိုးနဲ့ချီပြီး ဒရွက်တိုက်
မြေပြင်ပေါ်မှာဆွဲပြီး အမှိုက်ပုံးမှာ၊ ချောင်းတွေ မြောင်းတွေထဲမှာ၊
သွားလွှင့်ပစ်မယ်ဆိုရင်တောင် မသင့်လျော်၊ မလျော်ကန်တဲ့ အပြုအမူမျိုးပါ။
ယဉ်ကျေးတဲ့ တိရိစ္ဆာန်လေးတကောင် သေသွားရင် ပိုင်ရှင်က အသေချာသပ်ရပ်စွာ
မြှုပ်နှံကြ ပါတယ်။ သူ့အတွက်ရည်စူးလို့ လှူဒါန်းပေးလိုက်ကြပါသေးတယ်။
ကျမတို့ မြန်မာနိုင်ငံရဲ့ အကျဉ်းထောင်နဲ့ ရဲဘက်စခန်းတွေမှာ
သိန်းပေါင်းများစွာသော အကျဉ်းသူ၊ အကျဉ်းသားတွေဟာ လူမသိသူမသိ မဖွယ်မရာ
နှိပ်စက်ညှဉ်းပန်းခံခြင်း၊ ပြစ်ဒဏ် ထက်ပိုသော အလုပ်များကို
ခိုင်းစေခြင်း၊ မကျန်းမာသောအခါ၌ ဆေးကုသခွင့်မရရှိပဲ သေဆုံးရ ခြင်း၊
လုပ်ငန်းခွင်များ၌ ထိခိုက်ဒဏ်ရာရ သေဆုံးသွားရခြင်း၊ အစာရေစာ ၀လင်အောင်
မကျွေး ခြင်း၊ ထောင်အာဏာပိုင်နှင့် အကျဉ်းသားအရာရှိဟုခေါ်ဆိုသူ
နှစ်ကြီးထောင်ကျသူများရဲ့ မတရား ရိုက်နက်သတ်ဖြတ်ခြင်း
ခံရသူများပြားခြင်း၊ အလုပ်များကို အဆမတန်ခိုင်းစေခြင်း ကြောင့်
မနိုင်သည့်ဝန်များကို ထမ်းပိုးထားရခြင်းများအား
နှစ်ရှည်လများခံခဲ့ရခြင်းများကြောင့် ခံနိုင်ရည်မရှိတော့ပဲ
မိမိကိုယ်ကို သတ်သေသွားခဲ့ကြခြင်း၊ အကြောင်းပေါင်းစုံနှင့် သေသွားသူ
များရဲ့ နောက်ဆုံးခရီးဟာ တိရိစ္ဆာန်တကောင်ကဲ့သို့ မဖွယ်မရာ
ပြုမူဆက်ဆံခြင်း ခံလိုက်ရ ပါတယ်။
အကျဉ်းထောင်နဲ့ ရဲဘက်စခန်းမှာ သေဆုံးသူများကို ဘာကြောင့်
အလောင်းပိုင်ရှင် များကို အသိပေးအကြောင်းကြားခြင်းမရှိပဲ
မိသားစုရဲ့နောက်ကွယ်မှာ သင်္ဂြိုလ်လိုက်ကြရသလဲ ဆိုရင် သေဆုံးသွားသူများရဲ့
ရုပ်အလောင်းများဟာ အထက်ပါ ဆင်းရဲဒုက္ခများကို မချိမဆန့် ခံစားရ၍
သေဆုံးခဲ့ရသော အထောက်အထားများရှိသောကြောင့် အလောင်းဖျောက်ဖျက်ပစ်ခြင်း
အလုပ်များကို တရားဥပဒေတွင်းမှာ တရားဝင်လုပ်ဆောင်ခြင်းမျိုးဖြစ်ပြီး
အနည်းစုရုပ်အလောင်း များကိုတော့ ထောင်အာဏာပိုင် အဖွဲ့အစည်းများက
လက်လွတ်စပယ်၊ မဖွယ်မရာ အလုပ်ရှုပ်ခံ မနေတော့ပဲ
သင်္ဂြိုလ်လိုက်ခြင်းဖြစ်ပါတယ်။
ကျမတို့မြန်မာနိုင်ငံမှာ အကျဉ်းကျခံနေရသော အကျဉ်းသူများဟာ
ပြစ်ဒဏ်ထက်ပို၍ စိတ်ဖိစီးမှုများ၊ ရိုက်နက်ညှဉ်းပန်းမှုများ
ခံစားနေရခြင်းဟာ ကျမတို့ကို အကာကွယ်ပေးနိုင်တဲ့ အဖွဲ့အစည်းမျိုးတွေ
ပြည်တွင်းမှာ ရပ်တည်ဖွဲ့စည်းခွင့်မရှိလို့ ဖြစ်နေတာရယ်၊
စစ်အာဏာရှင် လူတစုရဲ့ တိုင်းပြည်ပေါ်မှာထားရှိတဲ့ မမှန်ကန်တဲ့
စေတနာတို့ရယ်ကြောင့် မြန်မာအမျိုးသမီးထု တရပ်လုံးဟာ မြို့၊
တောလက်ကျေးရွာနဲ့ ထောင်တွင်းအမျိုးသမီးများပါမကျန် ဘေးဒုက္ခ အန္တရာယ်များ
ကြုံတွေ့နေရခြင်းဖြစ်ပါတယ်။
x x x x x x x x x |
