|
ဒီနေရာမှာ ဝန်ကြီးချုပ်ဖြစ်လာစရာ အလားအလာရှိသူကို
“နိုင်ငံတော်အေးချမ်း သာယာရေးနှင့် ဖွံ့ဖြိုးရေးကောင်စီဝင်၊
ကာကွယ်ရေးဝန်ကြီးဌာနမှ” ဆိုတဲ့ ခေါင်းစဉ်အောက်က ဗိုလ်ချုပ်တွေနဲ့
အစိုးရအဖွဲ့ဝင်တွေထဲကနေ ခန့်မှန်းကြည့်ရအောင်ပါ။ ၀န်ကြီးချုပ်
ဖြစ်လာနိုင်သူ ဟာ ဒီနယ်ပယ်တွေထဲကပဲ ဖြစ်လာနိုင်စရာရှိတယ်လို့ ယူဆပါတယ်။
ဒီနေရာမှာအာဏာအရှိဆုံးက နိုင်ငံတော်အေးချမ်းသာယာရေးနှင့်
ဖွံ့ဖြိုးတိုးတက်ရေး ကောင်စီအဖွဲ့ဝင် (နအဖ)ဆိုတာက ထိပ်ဆုံးကဖြစ်တယ်။
ရာထူးဝါစဉ်အလိုက် အာဏာပိုရှိတယ် လို့ ယူဆပါတယ်။
နံပါတ်တစ်က ဗိုလ်ချုပ်မှူးကြီး သန်းရွှေ
နံပါတ်နှစ်က ဒုဗိုလ်ချုပ်မှူးကြီး မောင်အေး
နံပါတ်သုံးက ဗိုလ်ချုပ်ကြီး သူရရွှေမန်း
နံပါတ်လေးက ဒုဗိုလ်ချုပ်ကြီး သိန်းစိန် စသဖြင့်ဖြစ်ပါတယ်။
ဒါကြောင့် ဒီလို ရာထူးဝါစဉ် တန်းစီဇယားအရ ပြောရမယ်ဆိုရင် ၀န်ကြီးချုပ်
ဗိုလ်ချုပ်ကြီးစိုဝင်း ကျန်းမာရေးမကောင်းတော့လို့ အနားယူမယ်ဆိုရင်
ဝန်ကြီးချုပ်ဖြစ်လာဖို့ အလားအလာရှိသူ နံပတ်တစ်ဟာ လက်ရှိ အတွင်းရေးမှူး(၁) ဒုတိယဗိုလ်ချုပ်ကြီး သိန်းစိန်ပဲလို့ ယူဆပါတယ်။ ဒါက အတွေ့အကြုံဘက်က
ပြောတာပါ။
ဝန်ကြီးချုပ် ဗိုလ်ချုပ်ကြီးခင်ညွန့်ကို အနားပေးလိုက်တော့ ထိုစဉ်က
အတွင်းရေးမှူး (၁) ဖြစ်နေတဲ့ ဒုတိယဗိုလ်ချုပ်ကြီး စိုးဝင်က
ဝန်ကြီးချုပ်ဖြစ်လာခဲ့တယ်မဟုတ်လား။ ပြီးတော့ နိုင်ငံတကာဆက်ဆံရေးအတွေ့အကြုံ တစုံတရာရှိဖို့လည်း လိုသေးတယ်လေ။
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဝင်
ကာကွယ်ရေးဝန်ကြီးဌာနမှ ဆိုတဲ့ ခေါင်းစဉ်အောက်က ဗိုလ်ချုပ်တွေစာရင်းကို
ကြည့်ပြန်ရင်လည်း ဗိုလ်ချုပ်ကြီး သူရရွှေမန်း ကို စတင်ပြီး ဖေါ်ပြလေ့ရှိတာကို တွေ့ရပြီး၊ သူ့နောက်က အစဉ်လိုက် ကပ်လျက်ဖေါ်ပြသူ ကတော့ (ဒစကမှူး)
ဒုတိယဗိုလ်ချုပ်ကြီး ရဲမြင့် ဖြစ်ပါတယ်။ (ဒစကမှူး) ၄ ဦးအနက်
သူ ကြီးကြပ်ကွပ်ကဲရတဲ့(အပိုင်းစားရတဲ့ နယ်မြေ)နယ်မြေက အများဆုံးဖြစ်ပါတယ်။
ဒုတိယဗိုလ်ချုပ်ကြီး ရဲမြင့် (ကချင်ပြည်နယ်၊
ချင်းပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း)၊
ဒုတိယဗိုလ်ချုပ်ကြီး ကျော်ဝင်း (ကယားပြည်နယ်၊ ရှမ်းပြည်နယ်)၊
ဒုတိယဗိုလ်ချုပ်ကြီး ခင်မောင်သန်း ( ပဲခူးတိုင်း၊ ဧရာဝတီတိုင်း၊
ရခိုင်ပြည်နယ်)၊
ဒုတိယဗိုလ်ချုပ်ကြီး မောင်ဘို (ကရင်ပြည်နယ်၊ မွန်ပြည်နယ်၊
တနင်္သာရီတိုင်း)၊
ဒုတိယဗိုလ်ချုပ်ကြီး မြင့်ဆွေ ( ရန်ကုန်တိုင်း) စသဖြင့်
ဖြစ်ပါတယ်။
ထို့အပြင် စစ်ထောက်ချုပ် ဒုတိယဗိုလ်ချုပ်ကြီး
သီဟသူရတင်အောင်မြင့်ဦး၊ ဒုတိယ ဗိုလ်ချုပ်ကြီး ကျော်ဝင်း၊ တပ်မတော်လေ့ကျင့်ရေးအရာရှိချုပ် ဒုတိယဗိုလ်ချုပ်ကြီး အောင်ထွေး၊ ဒုတိယဗိုလ်ချုပ်ကြီး တင်အေး တို့လည်း ရှိပါသေးတယ်။
ထို့အပြင် ကာကွယ်ရေးဝန်ကြီးဌာန ခေါင်းစဉ်အောက်မှာ အောက်ဖေါ်ပြပါ
ဗိုလ်ချုပ်များ တန်းစီလျက်ရှိ နေပါသေးတယ်။
စစ်ရာထူးခန့်ချုပ်
- ဗိုလ်ချုပ် ဆန်းဆင့်
တပ်မတော်
စစ်ဆေးရေး အရာရှိချုပ် - ဗိုလ်ချုပ်
သိန်းထိုက်
ကာကွယ်ရေးဝန်ကြီးဌာနမှ -
ဗိုလ်ချုပ် ကြည်ဝင်း
- ဗိုလ်ချုပ် အေးမြင့်
ဒုတိယ
တပ်မတော်လေ့ကျင့်ရေး အရာရှိချုပ် - ဗိုလ်ချုပ်
အောင်ကြည်
တွဲဖက်စစ်ရေးချုပ် -
ဗိုလ်ချုပ် လှရွှေ
ညွန်ကြားရေးမှူးများဖြစ်ကြသည့် -
ဗိုလ်ချုပ် မြ၀င်း
- ဗိုလ်ချုပ် တင်စိုး
- ဗိုလ်ချုပ် သိန်းထွန်း
- ဗိုလ်ချုပ် ခင်မောင်တင့်
- ဗိုလ်ချုပ် သန်းအောင်
- ဗိုလ်ချုပ် တင်ထွန်း
အထက်ပါ စာရင်းထဲက ဗိုလ်ချုပ်ကြည်ဝင်းနဲ့ ဗိုလ်ချုပ်အေးမြင့်တို့ဟာ
ကာကွယ်ရေး ဝန်ကြီးဌာနမှ ဒုတိယ၀န်ကြီးများ ဖြစ်ကြပါတယ်။
“ပြည်ထောင်စု မြန်မာနိုင်ငံအစိုးရအဖွဲ့” ဆိုပြီး ကြော်ငြာနဲ့
ဈေးဝယ်လမ်းညွှန်မဂ္ဂဇင်း၊ အမှတ် ၁၃၈၊ ဇန်န၀ါရီလ ၂၀၀၇၊ စာမျက်နှာ (၄၈/၄၉)
မှာ ဖေါ်ပြထားတဲ့အတိုင်းဆိုရင် ၀န်ကြီး ချုပ်ရဲ့အထက်မှာ ကာကွယ်ရေးဝန်ကြီးဌာနရှိနေပြီး ကာကွယ်ရေးဌာန၀န်ကြီးက ဗိုလ်ချုပ်မှူးကြီး သန်းရွှေ
ဖြစ်ပါတယ်။
ဦးဉာဏ်ဝင်းနဲ့ ဦးမောင်မြင့်တို့နှစ်ဦးဟာ
ကာကွယ်ရေးဝန်ကြီးဌာန ခေါင်းစဉ်အောက် ကနေ နိုင်ငံခြားရေးဝန်ကြီးနဲ့
ဒုတိယနိုင်ငံခြားရေးဝန်ကြီး ဖြစ်လာခဲ့ကြတဲ့ သူတွေပါ။
နောက်ပေါက် တိုင်းမှူးတွေထဲကရော ဖြစ်လာနိုင်သလား။
ရာခိုင်နှုန်း အတော်နည်းတယ်လို့ ကျနော်တော့ထင်တာပဲ။
နောက်ပေါက် တိုင်းမှူးတွေထဲက ထိပ်ရောက်နေသူတွေဆိုလို့
ဒုတိယဗိုလ်ချုပ်ကြီး မြင့်ဆွေ၊ ဗိုလ်ချုပ်ရဲမြင့် (တပ်မတော်
စစ်ဖက်ရေးရာ လုံခြုံရေးအရာရှိချုပ်)၊ ဗိုလ်ချုပ်မြင့်လှိုင်
(လေကြောင်းရန် ကာကွယ်ရေးဦးစီးချုပ်)တို့ကို တွေ့ရပါတယ်။
အခြားတိုင်းမှူးတွေဖြစ်တဲ့ ယခင် (နပခ)တိုင်းမှူး
ဗိုလ်ချုပ်ခင်မောင်မြင့်သည် အမှတ်(၂) လျှပ်စစ်စွမ်းအားဝန်ကြီးဌာန
ဝန်ကြီး၊ ယခင် (ကရခ)တိုင်းမှူး ဗိုလ်ချုပ် မောင်မောင်ဆွေ သည်
လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနနှင့်
လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီး၊ ယခင် (ရတခ)တိုင်းမှူး ဗိုလ်ချုပ်စိုးနိုင် သည် ဟိုတယ်နှင့်ခရီးသွားလာရေးဝန်ကြီး
ဖြစ်လာပါတယ်။
ဒါကြောင့် တိုင်းမှူးတွေထဲကနေတော့ ၀န်ကြီးချုပ် ချက်ချင်းတက်ဖြစ်ဖို့
အလားအလာ ရှိမယ်ဆိုရင်တောင် သိပ်ကိုနည်းလွန်းတဲ့ အလားအလာဖြစ်မယ်လို့
ခန့်မှန်းတာဖြစ်ပါတယ်။
ပြီးတော့ မနေ့တနေကမှ တိုင်းမှူးဖြစ်လာသူ ဂျူနီယာတွေရှိ သေးတယ်ဟုတ်လား။
ဒါပေမယ့် တိုင်းမှူးဆိုတာ အစိုးရအဖွဲ့ဝင် ၀န်ကြီးနဲ့အဆင့်တူပြီး
သူတို့အပိုင်စားရတဲ့ စစ်တိုင်းမှာ တော့ ထင်သလို
မင်းမူဗိုလ်ကျလေ့ရှိတာတွေကို ကြားနေသိနေရပါတယ်။
ဥပမာ -
၁။
ဗိုလ်မှူးချုပ် မောင်ရှိန် (နပခ) တိုင်းမှူး
၂။
ဗိုလ်မှူးချုပ် သက်နိုင်ဝင်း (ရတခ) တိုင်းမှူး
၃။
ဗိုလ်မှူးချုပ် ခင်ဇော်ဦး (ကရခ) တိုင်းမှူး
၎။
ဗိုလ်မှူးချုပ် သောင်းအေး (ရပခ) တိုင်းမှူး
၅။
ဗိုလ်မှူးချုပ် အောင်သန်းထွဋ် (ရမခ) တိုင်းမှူး
ဒါကြောင့် ၀န်ကြီးချုပ်ဖြစ်လာနိုင်သူဟာ ဒီနယ်ပယ် (နိုင်ငံတော်အေးချမ်းသာယာရေး နှင့် ဖွံ့ဖြိုးရေးကောင်စီဝင် ကာကွယ်ရေးဝန်ကြီးဌာန)ထဲ
ဖြစ်လာနိုင်စရာများတယ်လို့ ကျနော်က တော့ ထင်တာပဲ။
နောက်ထပ်ဖြစ်နိုင်ခြေနယ်ပယ်တစ်ခုဖြစ်တဲ့ “အစိုးရအဖွဲ့”ကို
ကြည့်လိုက်ပြန်တော့ လည်း ၁၉၈၈ ခုနှစ်၊ စတင်ဘာလ
(၁၈)ရက်နေ့၊ အာဏာသိမ်းပြီးတဲ့နောက် ဒီကနေ့အထိ ဖြစ်လာခဲ့တဲ့ ၀န်ကြီးချုပ်တွေ(ဗိုလ်စောမောင်၊ ဗိုလ်သန်းရွှေ၊ ဗိုလ်ခင်ညွန့်၊ ဗိုလ်စိုးဝင်း)ဟာ (နဝတ၊
နအဖ) အဖွဲ့ဝင်ထဲကပဲ ဖြစ်နေလေတော့ အစိုးရအဖွဲ့ထဲကနေ ၀န်ကြီးချုပ်
တက်ဖြစ်နိုင် တဲ့အလားအလာ သိပ်ကို နည်းလွန်းတယ်လို့ပဲ ခန့်မှန်းပါတယ်။
ဝန်ကြီးချုပ်ဖြစ်လာမယ့်သူဟာ စစ်ဖက်ရာထူးအားဖြင့် အနည်းဆုံး
ဒုတိယဗိုလ်ချုပ်ကြီး၊ ဗိုလ်ချုပ်ကြီးအဆင့်ရှိသူ ဖြစ်ရမယ်လေ။
ပြီးတော့ အစိုးရအဖွဲ့ထဲရောက်သွားတယ်ဆိုတာ တနည်းအားဖြင့် တပ်ကနေ
ပ,ထုတ် လိုက်တာ၊ မကြာခင် အနားယူရတော့မှာ၊ ရှေ့ဆက် တက်လမ်းမရှိတော့ဘူးဆိုတဲ့
လက်တွေ့ သာဓကတွေကလည်း ရှိတယ်မဟုတ်လား။
နောက်ဆုံးအနေနဲ့ ၂၀၀၇ ခုနှစ်၊ ဧပြီလ
(၂၆) ရက်နေ့၊ တပ်မတော်(ကြည်း)
ဗိုလ်လောင်းသင်တန်းကျောင်း (ဗထူး)၊ ဗိုလ်လောင်းသင်တန်း အမှတ်စဉ်
(၁၁၀) သင်တန်း ဆင်းပွဲမှာ ပြောကြားတဲ့ ဒုတိယဗိုလ်ချုပ်ကြီး မောင်အေး
မိန့်ခွန်းထဲက အချက်အလက်တချို့ကို ကိုးကားပြီးပြောရရင် -
“လက်ရွေးစင်ခေါင်းဆောင်ဖြစ်လာတာနဲ့အမျှ စစ်ဦးစီးတက္ကသိုလ်သင်တန်းကို
တက်ရောက်ရမှာဖြစ်တယ်။
--- အဆင့်မြင့် ခေါင်းဆောင်အဖြစ်
လျာထားခြင်းခံရသူတွေဟာ နိုင်ငံတော်ကာကွယ်ရေးတက္ကသိုလ်ကို
တက်ရောက်ခွင့်ရကြမှာ ဖြစ်တယ်”လို့ ပြောသွားတယ်။
ဒါကြောင့်
ကျနော်တို့ ခန့်မှန်းတွက်ချက်ကြတဲ့နေရာမှာ ဘယ်သူက စစ်ဦးစီးတက္ကသိုလ် နဲ့
နိုင်ငံတော် ကာကွယ်ရေးတက္ကသိုလ် တက်ရောက်ပြီးပြီလဲ ဆိုတဲ့အချက် ၂
ချက်ကိုပါ ထည့်သွင်းစဉ်းစားကြရလိမ့်မယ်။
ဒီ ၂
ချက်တော့ ပြည့်စုံပါရဲ့၊ (နအဖ) စစ်အုပ်စုအပေါ် ကျိုးနွံသစ္စာခံသူ
မဟုတ်ရင် ... ။
x x x x x |
