သတင်းဆောင်းပါး

ရက်စက်တယ်၊ မိုက်မဲတယ် ဒါကြောင့် ကန့်ကွက်မဲပေးမယ်

တူမောင်ညို
(၂၀၀၈ ခုနှစ်၊ မေလ ၈ ရက်)

နာဂစ်ဆိုင်ကလုန်မုန်တိုင်းကြီး တိုက်ခတ်ခံရပြီးတဲ့နောက် (နအဖ)စစ်အစိုးရရဲ့ လုပ်ဆောင်နေမှု တွေနဲ့ပတ်သက်ပြီး၊ နာကျည်းစက်ဆုတ်နေကြတဲ့ ကျွန်တော့်မိတ်ဆွေအပေါင်းအသင်းတချို့က ကျွန်တော့်ကို အခုလို မေးပါတယ်။ ‘(နအဖ) စစ်အစိုးရလုပ်နေတာတွေနဲ့ပတ်သက်ပြီး အတိုဆုံးနဲ့ အထိရောက်ဆုံး မှတ်ချက်တစ်ခုလောက်ပေးစမ်းပါကွာ’ တဲ့။ ကျွန်တော့်ခေါင်းထဲကို လက်ကနဲ ရောက်လာပြီး ဒက်ကနဲပေးလိုက်မိတဲ့ မှတ်ချက်ကတော့ ‘ဘယ်သူသေသေ ငတေမာရင်ပြီးရော ဆိုတဲ့ စကားပုံအတိုင်း လုပ်နေတာပဲဗျ’ ဆိုတာပဲဖြစ်ပါတယ်။

            ဒီဆောင်းပါးကိုရေးရတာ ဒီ့အရင်က ဆောင်းပါးတွေရေးရသလောက် ကျွန်တော့်လက် တွေ မသွက်လှပါဘူး။ မီဒီယာသတင်းတွေကနေ နေ့စဉ်ကြားသိနေရတဲ့၊ တစ်နေ့ထက်တစ်နေ့ ပိုပိုတိုးလာနေတဲ့သေဆုံး၊ ပျောက်ဆုံးစာရင်းတွေကြောင့် ဘောပင်ကိုင်ထားတဲ့ ကျွန်တော့် လက်ဟာ ‘ထစ်’ ‘အ’ နေပါတယ်။ နောက်ဆုံးကြားရတဲ့ သတင်းများအရ သေဆုံးသူဦးရေဟာ တစ်သိန်းနီးပါး ရှိနိုင်ပြီး၊ အိုးမဲအိမ်မဲ့ လူဦးရေက တစ်သန်းကျော်ရှိနိုင်တယ်လို့ တွက်ချက်ခန့်မှန်း နေကြပါတယ်။ ဒီသတင်းတွေကြားသိရတော့ ရင်ထဲမှာလည်း နာကျင်နေပါတယ်။ မုန်တိုင်း ဒဏ်ခံရတဲ့ ပြည်သူတွေအတွက် လှိုက်လှိုက်လှဲလှဲ စာနာမိသလောက် (နအဖ)စစ်အစိုးရအပေါ် ပိုပြီး နာကျည်းရွံမုန်းမိပါတယ်။

            (နအဖ)စစ်အစိုးရရဲ့ ရက်စက်မှုနဲ့မိုက်မဲမှုဟာ ဘယ်အခါထက်မဆို ပေါ်လွင်နေပါတယ်။

            မုန်တိုင်းတိုက်ခတ်မယ်ဆိုတာနဲ့ပတ်သက်လို့ ကြိုတင်အသိပေးမှုဟာ ပြည့်စုံလုံ လောက်ခြင်း မရှိခဲ့သလို၊ ကြိုတင်ကာကွယ်ရေးကိစ္စတွေနဲ့ပတ်သက်လို့လည်း ပြည့်စုံလုံလောက် တဲ့ ပြင်ဆင်မှု လုံးဝမရှိခဲ့ပါဘူး။ ၀တ်ကျေတန်းကျေမျှသာ ဖြစ်ခဲ့ပါတယ်။ သတင်းစာနဲ့ ရုပ်မြင် သံကြားမှာ မုန်တိုင်းသတင်းကြိုတင်သတိပေးမှုတွေအစား  လာမယ့် မေလ (၁၀) ရက်နေ့ ပြည်လုံးကျွတ်ဆန္ဒခံယူပွဲမှာ ထောက်ခံမဲတွေရဖို့အတွက် အကြီးအကျယ် ၀ါဒဖြန့် လှုံ့ဆော်နေခဲ့ တာဖြစ်ပါတယ်။ မိုးဇလဗေဒညွန်ကြားရေးမှူးဆိုသူရဲ့ ဘီဘီစီသို့ ပြောကြားချက်ကို ကြားလိုက် ကြမှာပါ။ အိမ်အမိုးလုံအောင် လုပ်ထားကြပါတဲ့။

            မြန်မာပြည်သမိုင်းမှာ ပြည်သူတွေအတွက် အင်မတန်ကြီးမားပြီး ဆိုးရွားလှတဲ့ ထိခိုက် နစ်နာရမှုကြီးဖြစ်တယ်လို့ မှတ်ချက်ပြုနေတာ ကြားရပါတယ်။ (နအဖ)စစ်အစိုးရဟာ ကိုယ်တိုင် ထိရောက်တဲ့ ကယ်ဆယ်ရေးနဲ့ ပြန်လည်ထူထောင်ရေးကို မလုပ်နိုင်တဲ့အပြင် ကုလသမဂ္ဂနဲ့ စေတနာထားကြတဲ့ နိုင်ငံတကာ ထူထောင်ရေး၊ ကယ်ဆယ်ရေးကူညီမှုတွေ လက်ခံဖို့ကိုလည်း အချိန်ဆွဲ ဖင့်နှေးအောင်လုပ်နေပါတယ်။

            အလောင်းတွေ၊ အလောင်းတွေ၊ ကလေး၊ လူငယ်၊ လူကြီး၊ ဘုန်းကြီး၊ သာမဏေ၊ လုလင်ငယ်၊ လုံမငယ်၊ အဖိုးအို၊ အဖွားအိုတွေ ဖောင်းကားပုပ်အဲ့နေပြီး အစုလိုက် အတွဲလိုက် ဟိုတစ်စုဒီတစ်စု ပြန့်ကျဲနေတယ်။ အခုထိ သင်္ဂြိုလ်နိုင်တဲ့အခြေအနေမရှိသေးဘူး။ တချို့က တစ်ရွာလုံး ပြုတ်ပြုတ်ပြန်းသွားတာ။ တချို့က မိသားစုလိုက် သေဆုံးနေတာ၊ မုဆိုးမ၊ မုဆိုးဖို ဖြစ်ကျန်ရစ်ခဲ့ရသူတွေ၊ မိမဲ့ဖမဲ့ ဥမမယ်စာမမြောက်ကလေးငယ်လေးတွေ၊ သားသမီးမြေးမဲ့ အဖိုးအိုအဖွားအိုတွေ၊ ခြေထောက်ကျိုးနေသူ၊ လက်ကျိုးနေသူ၊ ရင်ဘတ်နဲ့ ကျောကုန်းပွန်းပဲ့ စုတ်ပြတ်နေသူ၊ မျက်နှာတစ်ခုလုံး ဖူးဖူးရောင်ကိုင်းနေသူ၊ လက်နဲ့ခြေထောက်မှာ သွေးချင်းချင်း နီနေတဲ့ ကလေးငယ်လေးတွေ ဒါတွေကို ဘယ်လို ကုသကယ်တင်ကြမလဲ၊ ဘယ်လို ဘ၀သစ် ထူထောင်ပေးမှာလဲ။

            မြစ်ရိုးချောင်းရိုးတစ်လျှောက်နဲ့ ရေတင်ကွက်တွေမှာ တင်ကျန်နေတဲ့ နေရာတွေမှာ ပုတ်အဲ့နံစော်နေတဲ့ ခွေး၊ ကြောင်၊ ကြက်၊ ၀က်၊ ကျွဲ၊ နွားစတဲ့ အိမ်မွေးတိရစ္ဆာန်အသေတွေ ကြောင့် သုံးရေသောက်ရေက မသန့်ရှင်းတော့ဘူး။

            အိမ်ယာအဆောက်အဦးမှန်သမျှက ပြားပြားဝပ်နေတာက အများစု၊ ထီးထီးမားမား ကျန်ခဲ့တာတွေကလည်း အမိုးဟောင်းလောင်း အကာဟောင်းလောင်းဖြင့် တကယ့် စစ်တလင်း ကြီးတခုပမာ၊ ရက်စက်ကြမ်းကြုတ်လှတဲ့ စစ်ပွဲကြီးတစ်ပွဲပြီးစ မြို့ပျက်ရွာပျက်ကြီးတစ်ခုပမာ။

            မုန်တိုင်းပြီးသွားတဲ့နောက် ပြည်သူလူထုမှာ နောက်ဆက်တွဲရင်ဆိုင်ရမယ့် အဆောက် အဦး၊ အမိုးအကာ ရရှိရေး၊ သောက်သုံးရေသန့်ရရှိရေး၊ ကူးစက်ရောဂါများ ကာကွယ်ရေး၊ ဆေးဝါးကုသရေး၊ ဆုံးရှုံးသွားတဲ့ လယ်ယာကိုင်းကျွန်း ဥယျာဉ်ခြံမြေတွေ၊ စက်မှုလက်မှုလုပ်ခင်း ကိုင်ခင်းတွေ ပြန်လည်ထူထောင်ရေး စတဲ့ပြဿနာတွေ ၀ိုင်းဝိုင်းလည်နေပါတယ်။ တချို့နေရာ တွေမှာ ကာလ၀မ်းရောဂါကူးစက်ပြန့်ပွားနေတယ်လို့ သတင်းတွေမှာ ကြားသိနေရတာကလည်း ထိပ်လန့်ကြောက်ရွံစရာသတင်းဆိုးပါ။

            မြို့ပေါ်မှာရှိတဲ့ စေတနာရှင်တစ်စုက ဆန်ပြုတ်တိုက်ကျွေးဝေငှနေတာကလည်း ဒုက္ခ ရောက်သူ လူဦးရေက များလွန်းလို့ နောက်ထပ်ကျွေးမွေးဝေငှနိုင်ဖို့ အခက်အခဲရှိနေပြီဆိုတဲ့ သတင်းကလည်း မျှော်လင့်ချက်မဲ့စရာပါ။ ဒါကြောင့် မုန်တိုင်းဘေးလွတ်ရာဒေသက ပြည်သူ တွေရဲ့အကူအညီ တကယ်လိုအပ်ပါတယ်။ နိုင်ငံတကာက ကျွမ်းကျင်မှုနဲ့ အကူအညီတွေလည်း လိုအပ်ပါတယ်။

            ကုလသမဂ္ဂနဲ့ နိုင်ငံတကာအကူအညီတွေ တင်ဆောင်လာတဲ့လေယာဉ်တွေက အိမ်နီးချင်း ထိုင်းနိုင်ငံက လေဆိပ်မှာ (နအဖ)စစ်အစိုးရရဲ့ခွင့်ပြုချက်ကို စောင့်ဆိုင်းနေရတယ် တဲ့။

            (နအဖ)စစ်အစိုးရဟာ မုန်တိုင်းဒဏ်ခံခဲ့ရတဲ့ ပြည်သူတွေအတွက် ကယ်ဆယ်ရေးနဲ့ ပြန်လည်ထူထောင်ရေးလုပ်ငန်းတွေ ထိရောက်ပီပြင်စွာ ဆောင်ရွက်ရမယ့်အစား ပြည်သူ လူထုက ထိခိုက်ခံစားနေရတာတွေကို မျက်နှာပြောင်တိုက်ပြီး ရန်ကုန်တိုင်းအတွင်းက မြို့နယ် (၄၀) နဲ့ ဧရာဝတီတိုင်းအတွင်းက မြို့နယ် (၇) မြို့နယ်၊ စုစုပေါင်း မြို့နယ် (၄၇) မြို့နယ်ကို ချန်လှပ်ပြီး သတ်မှတ်ထားတဲ့အတိုင်း လာမယ့် မေလ (၁၀) ရက်နေ့မှာ ပြည်လုံးကျွတ်ဆန္ဒခံယူ ပွဲကို ကျင်းပသွားမယ်လို့ ကြေညာခဲ့ပါတယ်။ အဆိုပါ သဘာဝဘေးအန္တရာယ် ကျရောက်နေဆဲ လို့ ဆက်လက်သတ်မှတ်ထားတဲ့ မြို့နယ် (၄၇) မြို့နယ်ရဲ့ ဆန္ဒခံယူပွဲများကိုလည်း မေလ (၂၄)ရက်နေ့မှာ ဆက်လက်ကျင်းပသွားမှာဖြစ်တယ်လို့ ကြေညာထားပါတယ်။

            ဘယ်လောက်များ ရက်စက်မိုက်မဲလှတဲ့ (နအဖ)စစ်အစိုးရရဲ့ လုပ်ရပ်ဖြစ်ပါသလဲ။ စစ်အာဏာရှင်စနစ် အာဏာအခြေခံအုတ်မြစ်တည်ဆောက်ရေး၊ လက်ရှိသိမ်းပိုက်ထားတဲ့ အာဏာလက်မလွှတ်ရရေးမှတပါး အခြားမရှိဆိုတဲ့ စဉ်းစားမြော်မြင်ချက်နဲ့ လုပ်ကိုင်ဆောင်ရွက် နေတာ အင်မတန်မှ ထင်ရှားလှပါတယ်။ ခါးသည်းစက်ဆုပ်ဖွယ်လည်း ဖြစ်ပါတယ်။

            တကယ်တော့ (နအဖ)စစ်အစိုးရရဲ့ ဖိစီးနှိပ်စက်မျိုးစုံကြောင့် ဆင်းရဲမွဲတေလှတဲ့ ပြည်သူတွေရဲ့ဘ၀ဟာ နာဂစ်ဆိုင်ကလုန်းမုန်တိုင်းကြီးက ထပ်မံဖိစီးခဲ့လေတော့ ဗူးလေးရာ ဖရုံဆင့် ရင်နင့်စရာကြုံရတာပဲဖြစ်ပါတယ်။

            ဒါကြောင့် ပြည်သူတွေအနေနဲ့ (နအဖ)စစ်အစိုးရအပေါ် နာကျည်းခံပြင်းမှုနဲ့ ဒေါသ တွေကို အင်အားအဖြစ်ပြောင်းပြီး လာမယ့် မေလ (၁၀) ရက်နေ့မှာ မဲရုံသွား ကန့်ကွက်မဲ ပေးကြရုံကလွဲပြီး တခြားနည်းလမ်းမရှိပါဘူး။

◊◊◊◊◊

အောင်စိတ်ကိုမွေး (သို့မဟုတ်) တည်ကြည်ရဲရင့်စွာဖြင့် ပေးကြပါစို့ ကန့်ကွက်မဲ     တူမောင်ညို

ရေဒီယို (သို့မဟုတ်) တပြည်လုံး တပြိုင်နက်ဖြန့်ကျက်နိုင်သည့် မီဒီယာ          ရိုးမမောင်

Archive