တက္ကသိုလ်ပညာရေး ဥပဒေပြင်ဆင်ရေးဆွဲရေးနှင့် ကျောင်းသားသမဂ္ဂ တရားဝင်ဖွဲ့စည်းခွင့် ရရှိရေး

ယခုကျင်းပပြုလုပ်နေတဲ့ ပထမအကြိမ် ပြည်သူ့လွှတ်တော် စတုတ္ထအစည်းအဝေးတွင် လွှတ်တော်ပညာရေးမြှင့်တင်ရေး ကော်မတီက အတည်ပြုပေးရန် တင်သွင်းလာသော ”၂ဝ၁၂ ခုနှစ် တက္ကသိုလ်ပညာရေး ဥပဒေကြမ်း” တွင် ပြင်ဆင်စရာ အချက်အလက်များ အလွန်များပြားနေသဖြင့် ဥပဒေကြမ်းအသစ်တစ်ခုပြန်လည်ရေးဆွဲရန် အတည်ပြု ဆုံးဖြတ်ခဲ့ကြောင်း သတင်းစာနှင့် ဂျာနယ်များတွင် ဖတ်ရှုရပါတယ်။

တစ်ချိန်ထဲမှာ အဲဒီသတင်းကို ဖတ်ရှုရပြီး ဆွေးနွေးစရာအချက်တစ်ချို့ ခေါင်းထဲမှာ ပေါ်ပေါက်လာပါတယ်။

ကျွန်တော်ရဲ့ ဆွေးနွေးချက်ကို မြန်မာနိုင်ငံတက္ကသိုလ်ပညာရေးဖြစ်ပေါ်တိုးတက်မှုသမိုင်းကြောင်းကို အရင်ဖော်ပြပြီး တင်ပြပါမယ်။

၁၉၂ဝ ခုနှစ် ပထမကျောင်းသားသပိတ်ကာလနဲ့ ၁၉၅၈ ခုနှစ်အကြား (၃၈) နှစ်တာ ကာလတစ်လျှောက်လုံး ကျွန်တော်တို့ မြန်မာနိုင်ငံမှာ တက္ကသိုလ်တစ်ခုထဲရှိခဲ့ပါတယ်။ အဲဒါက ရန်ကုန်တက္ကသိုလ်ပါ။

မန္တလေးမြို့မှာတော့ ပထမရန်ကုန်တက္ကသိုလ်လက်အောက်ခံ ဥပစာကောလိပ်ကို စတင်ဖွင့်လှစ်ခဲ့ပါတယ်။

ဥပစာကောလိပ် ဆိုတာကို အရင်ရှင်းပြပါမယ်။

ယခင်တုန်းက တက္ကသိုလ်စတက်တဲ့ ပထမနှစ်နဲ့ ဒုတိယနှစ်ကို ဥပစာတန်းလို့ ခေါ်ပါတယ်။ အင်္ဂလိပ်လိုတော့ Intermediate Classes လို့ ခေါ်ပါတယ်။ ဥပစာတန်းအောင်ပြီးမှ ဝိဇ္ဇာဘာသာရပ်ယူတဲ့သူတွေအနေနဲ့ ဝိဇ္ဇာတန်းဆိုတာကို နှစ်နှစ်တက်ရပါတယ်။ အဲဒီဝိဇ္ဇာတန်း ဒုတိယနှစ်စာမေးပွဲကို အောင်ရင်တော့ ဝိဇ္ဇာဘွဲ့ (B.A) ကိုရပါတယ်။

သိပ္ပံဘာသာတွဲယူသူ ကျောင်းသားကျောင်းသူတွေအနေနဲ့ သိပ္ပံတန်းကို နှစ်နှစ်တက်ပြီး ဒုတိယနှစ် စာမေးပွဲ အောင်ရင် သိပ္ပံဘွဲ့ (B.Sc) ကို ရရှိပါတယ်။

ဝိဇ္ဇာဘာသာတွဲမှာဖြစ်ဖြစ်၊ သိပ္ပံဘာသာတွဲမှာဖြစ်ဖြစ် ဂုဏ်ထူးတန်းအမှတ်မီလို့ ဂုဏ်ထူးတန်းတက်ရင် သုံးနှစ် တက်ရပါတယ်။

အဲဒီခေတ်က ယခုလို ပထမနှစ်၊ ဒုတိယနှစ်၊ တတိယနှစ်၊ စတုတ္ထနှစ်ဆိုပြီး နှစ်အလိုက်ရေတွက်တဲ့ စနစ်ကို မသုံးပါဘူး။

တက္ကသိုလ်မှာလေးနှစ်တက်ရတာချင်းအတူတူ အခေါ်အဝေါ်တွေခွဲထားတော့ကော ဘာထူးမှာလဲလို့ မေးစရာရှိပါတယ်။

ထူးခြားမှုတွေရှိပါတယ်။

ပထမစာသင်နှစ် နှစ်နှစ်ပြည့်တဲ့ ဥပစာတန်း (Intermediate Classes) ကိုအောင်ရင် တက္ကသိုလ်က စာမေးပွဲ အောင်လက်မှတ်တစ်စောင်ထုတ်ပေးပါတယ်။ အဲဒီလက်မှတ်ဟာ ဘွဲ့လက်မှတ်တော့မဟုတ်ပါဘူး။ တက္ကသိုလ်မှာ ဥပစာတန်းနှစ်တန်းကို အောင်ပြီဆိုတဲ့ အောင်လက်မှတ်ပါ။ ဝိဇ္ဇာဘာသာနဲ့ ဥပစာတန်းအောင်တဲ့ ကျောင်းသား ကျောင်းသူကို ပေးတဲ့လက်မှတ်က I.A လက်မှတ်ဖြစ်ပါတယ်။ သိပ္ပံဘာသာတွဲနဲ့ ဥပစာတန်းအောင်တဲ့ ကျောင်းသား ကျောင်းသူတွေကတော့ I.Sc ဆိုတဲ့ လက်မှတ်ရပါတယ်။ အဲဒီ I.A နဲ့ I.Sc တွေဟာ နာမည်နောက်မှာတော့ ဘွဲ့တစ်ခုအဖြစ် တပ်လို့မရပါဘူး။ တက္ကသိုလ်ကို အကြောင်းအမျိုးမျိုးကြောင့် ဆက်လက် မတက်ရောက်နိုင်သူတွေအနေနဲ့ အဲဒီ I.A နဲ့ I.Sc လက်မှတ်တွေနဲ့ ပြန်ထမ်းဝင်မဟုတ်တဲ့ အရာရှိရာထူးတွေကိုအလုပ် လျှောက်လို့ရပါတယ်။ ဥပမာအနေနဲ့ ပြောရရင် ပညာရေးဌာနမှာ အထက်တန်းပြဆရာ၊ ဆရာမရာထူးကို လျှောက်လို့ရပါတယ်။ ရုံးတွေမှာလည်း ပြန်ထမ်းဝင်မဟုတ်တဲ့ အရာရှိ ရာထူးကိုလျှောက်လို့ရပါတယ်။ အဲဒီပြန်ထမ်းဝင်မဟုတ်တဲ့ အရာရှိ ရာထူးက လစာရင်း ၂ဝဝ ကျပ်ရပြီး ရှားပါးစားရိတ်နဲ့ ပေါင်းရင် ၂၉၇ ကျပ်ရပါတယ်။ အဲဒီအချိန်က ရွှေဈေး တစ်ကျပ်သားကို ၁၅ဝ ကျပ် ၂ဝဝ ကျပ်လောက်သာ ဈေးရှိတော့ အဲဒီပြန်တမ်းဝင်မဟုတ်တဲ့ အရာရှိတစ်ယောက်ရဲ့ လစာနဲ့ ရွှေဝယ်ရင် ရွှေတစ်ကျပ်ခွဲသား လောက် ရနိုင်ပါတယ်။

အဲဒါဟာ အဲဒီအချိန်တုန်းက တက္ကသိုလ်မှာ နှစ်နှစ်တက်ခဲ့တဲ့သူတစ်ယောက်ရဲ့ ရာထူးနဲ့ဝင်ငွေပါ နှိုင်းယှဉ် စဉ်းစားနိုင်အောင် တင်ပြခြင်းဖြစ်ပါတယ်။ အဲဒီလိုအခြေအနေဟာ ၁၉၆၂ ခုနှစ်နောက်ပိုင်းမှာ စတင်ပျက်စီးသွားခဲ့ပါတယ်။

တက္ကသိုလ်ပညာရေး တိုးတက်မှုသမိုင်းကြောင်းကို ပြန်ဆက်ပါမယ်။

နောက်တော့မန္တလေး ဥပစာကောလိပ်ကို မန္တလေးဒီဂရီကောလိပ်အဖြစ် အဆင့်မြင့်ပါတယ်။ မန္တလေးဒီဂရီကောလိပ်မှာ ဥပစာတန်း (၂) နှစ်နဲ့ ဝိဇ္ဇာ/သိပ္ပံတန်း (၂) နှစ် ပေါင်း (၄) နှစ်ဆက်တက်လို့ရပါတယ်။ ဒါပေမဲ့ ရန်ကုန်တက္ကသိုလ်ရဲ့ လက်အောက်ခံဒီဂရီကောလိပ်ဆိုတော့ ရန်ကုန်တက္ကသိုလ်က ဘွဲ့ပေးပါတယ်။

ရန်ကုန်မြို့မှာ ရန်ကုန်တက္ကသိုလ်လက်အောက်ခံဆေးပညာမဟာဌာန (Faculty of Medicine) ဆိုတာရှိပါတယ်။ အများအခေါ်အဝေါ် ဆေးကောလိပ်လို့ပဲ ခေါ်ကြပါတယ်။ အဲဒီဆေးကောလိပ်မှာ ကျောင်းတက်ပြီး အမ်ဘီဘီအက်(စ်) နောက်ဆုံးနှစ်အောင်တဲ့အချိန်မှာ ရန်ကုန်တက္ကသိုလ်က ဘွဲ့ပေးပါတယ်။ အမ်ဘီဘီအက်(စ်) (ရန်ကုန်) လို့ ဘွဲ့တပ်ရပါတယ်။

အဲဒီအချိန်မှာ မန္တလေးဒီဂရီကောလိပ်အောက်မှာလည်း ဆေးသိပ္ပံမဟာဌာန တစ်ခုရှိပါတယ်။ မန္တလေး ဆေးကောလိပ် သို့မဟုတ် မန္တလေးဆေးကျောင်းလို့ အရပ်က ခေါ်ကြပါတယ်။ အဲဒီမန္တလေး ဒီဂရီကောလိပ်က အမ်ဘီဘီအက်(စ်) ဘွဲ့ရရင်လည်း ရန်ကုန်တက္ကသိုလ်လက်အောက်ခံ မန္တလေးဒီဂရီကောလိပ်ကပေးတဲ့ ဘွဲ့မို့လို့ အမ်ဘီဘီအက် (စ်) (ရန်ကုန်) လို့ပဲ ဘွဲ့တတ်ပါတယ်။

အဲဒီအချိန်တုန်းက ရန်ကုန်တက္ကသိုလ်ကြီးကို ကွပ်ကဲကြီးကြပ်နေတာက တက္ကသိုလ်ကောင်စီဖြစ်ပါတယ်။ ရန်ကုန်တက္ကသိုလ်ကောင်စီထဲမှာပါဝင်တဲ့ ပုဂ္ဂိုလ်တွေက အစိုးရခန့်အပ်ထားတဲ့ အစိုးရကိုယ်စားလှယ်အဖွဲ့ဝင်များ ရန်ကုန် တက္ကသိုလ်က ဘွဲ့ရထားသူများရဲ့ ကိုယ်စားလှယ်များ ရန်ကုန်တက္ကသိုလ်ကျောင်းသားသမဂ္ဂရဲ့ ကိုယ်စားလှယ်များ စသည်ဖြင့် ပါဝင်ကြပါတယ်။

အဲဒီရန်ကုန်တက္ကသိုလ်ကောင်စီဟာ ပုံမှန်အစည်းအဝေးကျင်းပပြီး တက္ကသိုလ်အတွက် လမ်းညွှန်မှုတွေ ပေါ်လစီတွေ ချမှတ်ပေးပါတယ်။

ပါမောက္ခချုပ်ကြီးဟာ အဲဒီလမ်းညွှန်ချက်တွေ ပေါ်လစီတွေကို လက်ကိုင်ထားပြီး ရန်ကုန်တက္ကသိုလ်ရဲ့ အုပ်ချုပ်ရေး၊ ဘဏ္ဍာရေး၊ စာပေသင်ကြားရေးလုပ်ငန်းတွေကို ပုံမှန်လည်ပတ်နေအောင် အချိန်ပြည့်တာဝန်ယူပြီး တက္ကသိုလ်ကြီးကို ပဲ့ကိုင်ဦးဆောင်နေပါတယ်။

အဲဒီအချိန်တုန်းက ရန်ကုန်တက္ကသိုလ်ဟာ ယခုခေတ်တက္ကသိုလ်တွေလို အစိုးရရဲ့လက်အောက်ခံ အစိုးရက တိုက်ရိုက်အုပ်ချုပ်တဲ့ ပညာရေးအဖွဲ့အစည်း (Education Institution) တစ်ခုမဟုတ်ပါဘူး။ ဒါပေမဲ့ ပုဂ္ဂလိက တက္ကသိုလ်လိုအစိုးရနဲ့ လုံးဝကင်းလွတ်တဲ့ အဖွဲ့အစည်းလည်း မဟုတ်ပါဘူး။

အစိုးရအထောက်အပံ့ခံ သီးခြားလွတ်လပ်တဲ့ အဖွဲ့အစည်းတစ်ခုဖြစ်ပါတယ်။

ဒါကြောင့် အဲဒီအချိန်တုန်းက ပါမောက္ခချုပ်တွေဟာ ယနေ့ပါမောက္ခချုပ်တွေလို အစိုးရဝန်ထမ်းတစ်ယောက် မဟုတ်ပါဘူး။ ရန်ကုန်တက္ကသိုလ်ရဲ့ အဆင့်အမြင့်ဆုံး တာဝန်အကြီးဆုံး ဝန်ထမ်းကြီးတစ်ဦးသာ ဖြစ်ပါတယ်။

ပါမောက္ခချုပ်ခန့်အပ်တာကိုတောင် တက္ကသိုလ်ကောင်စီက နိုင်ငံတကာကို လျှောက်လွှာခေါ်ယူပြီး လျှောက်ထား သူတွေထဲက ပညာအရည်အချင်းတွေ ပညာရေးအတွေ့အကြုံတွေကို နှိုင်းယှဉ်သုံးသပ်ပြီး စိတ်ကြိုက် ရွေးချယ်ခန့်ထား ပါတယ်။ ယခုခေတ်လို ပါမောက္ခချုပ်ကို နိုင်ငံတော်ပြန်ထမ်းနဲ့ မခန့်အပ်ပါဘူး။

ရန်ကုန်တက္ကသိုလ်ပါမောက္ခချုပ် ဒေါက်တာထင်အောင် ပါမောက္ခချုပ်တာဝန်များမှ အနားယူတဲ့အချိန်မှာ ဒေါက်တာလှမြင့်က ရန်ကုန်တက္ကသိုလ်ပါမောက္ခချုပ်အဖြစ် တာဝန်များကို ဆက်ခံပါတယ်။ ဒေါက်တာလှမြင့်ဟာ နိုင်ငံခြားတက္ကသိုလ်တစ်ခုမှာ တာဝန်ထမ်းဆောင်နေရင်းက လစ်လပ်တော့မည့် ရန်ကုန်တက္ကသိုလ် ပါမောက္ခချုပ်ရာထူးကို လျှောက်လွှာတင်တဲ့အတွက် ရန်ကုန်တက္ကသိုလ်ကောင်စီက ပါမောက္ခချုပ်အဖြစ် ခန့်အပ်ခဲ့ပါတယ်။

အဲဒီအချိန်တုန်းက ရန်ကုန်တက္ကသိုလ်ရဲ့ ဘဏ္ဍာငွေကြီးကြပ်ကွပ်ကဲမှုကလည်း ယခုအချိန်နဲ့ မတူပါဘူး။

ယခုအခါ နိုင်ငံတော်အစိုးရက တစ်စုတစ်ပေါင်းတည်းရံပုံငွေ (Consolidated fun) ကို တည်ထောင်ထားပြီး အဲဒီ တစ်စုတစ်ပေါင်းတည်း ရံပုံငွေထဲကမှ ပညာရေးအတွက်ဘယ်လောက် ကျန်းမာရေးအတွက် ဘယ်လောက် ဆိုတာဆိုတာ ခွဲဝေပေးပါတယ်။ ပညာရေးအတွက်ရတဲ့ ဘဏ္ဍာငွေထဲက ရန်ကုန်တက္ကသိုလ်အတွက် ဘယ်လောက်ဆိုတာကို ခွဲဝေ ချထားပေးပါတယ်။ ရန်ကုန်တက္ကသိုလ်ရဲ့ ဝင်ငွေများဖြစ်တဲ့ ကျောင်းလခ၊ စာမေးပွဲဝင်ကြေး စသည့်များကိုလည်း တက္ကသိုလ်ရံပုံငွေအဖြစ် ကိုင်တွယ်ထားခြင်း၊ သုံးစွဲခြင်း မပြုလုပ်ရပါဘူး။ အဲဒီရံပုံငွေအားလုံးကို နိုင်ငံတော်ရဲ့ တစ်လုံးတစ်စည်းတည်း ရံပုံငွေထဲကို ထည့်သွင်းလိုက်ပါတယ်။

အဲဒီအချိန်တုန်းက ရန်ကုန်တက္ကသိုလ်ရဲ့ ရံပုံငွေကို သီးခြားရံပုံငွေအဖြစ်တည်ထောင်ထားပြီး ဘဏ်မှာလည်း သီးခြားစာရင်းဖွင့်ထားပါတယ်။ အဲဒီသီးခြားရံပုံငွေထဲကို အစိုးရကတက္ကသိုလ်ရဲ့ တစ်နှစ်တာခန့်မှန်း ကုန်ကျငွေရဲ့ ရာခိုင်နှုန်းအချိုးတစ်ခုကို ထောက်ပံ့တည့်ဝင်ပေးပါတယ်။ ကျောင်းလခ၊ အဆောင်လခ၊ စာမေးပွဲဝင်ကြေးနဲ့ တခြား ရငွေများ (ဥပမာ နာမည်တစ်ခါပြောင်းရင် ငါးကျပ်ပေးသွင်းရပါတယ်)  ဝင်ငွေအားလုံးဟာ တက္ကသိုလ် ရံပုံငွေထဲကို ဝင်သွားပါတယ်။ သီးခြားတစ်ဦးချင်း၊ အသင်းအဖွဲ့တစ်ဖွဲ့ချင်း အလှူရှင်ရှိရင်လည်း အဲဒီအလှူငွေဟာ ရန်ကုန်တက္ကသိုလ် ရံပုံငွေထဲကို ဝင်သွားပါတယ်။ ရန်ကုန်တက္ကသိုလ်ကောင်စီက ရံပုံငွေတွေကို သင့်တော်သလို ပြန်လည်သုံးစွဲပါတယ်။

ယခုခေတ်မှာ အမေရိကန်နိုင်ငံက ကမ္ဘာကျော်တက္ကသိုလ်ကြီး တစ်ချို့ဟာ သူတို့တက္ကသိုလ်ရံပုံငွေတွေကို တိုးပွားများပြားလာအောင် ဘဏ္ဍာငွေခိုင်မာတောင့်တင်းတဲ့ ကုမ္ပဏီကြီးတွေ (ဥပမာ ရေနံကုမ္ပဏီကြီးတွေ) ရဲ့ ရှယ်ယာ လက်မှတ်တွေကိုတောင် ဝယ်ယူထားတယ်လို့ သတင်းတွေမှာ ဖတ်ရပါတယ်။ သူတို့ဆီက တက္ကသိုလ်တွေရဲ့ ရံပုံငွေစီမံ ခန့်ခွဲမှုဟာ ဘယ်လောက်အထိ လွတ်လပ်မှုရှိတယ်ဆိုတာ ခန့်မှန်းလို့ရနိုင်ပါတယ်။

တက္ကသိုလ်ရဲ့ ပညာသင်ကြားရေးနဲ့ ပတ်သက်ရင်တော့ ပါမောက္ခချုပ်ဦးဆောင်ပြီး တက္ကသိုလ်ပါမောက္ခကြီးများ၊ ဘာသာရပ်ဆိုင်ရာဌာနမှူးများ ပါဝင်တဲ့ပညာရေးအဖွဲ့ (Senate) က ပညာရေးစီမံခန့်ခွဲမှုကို ပြုလုပ်ပါတယ်။

အဲဒီလို တက္ကသိုလ်ရဲ့ အုပ်ချုပ်ရေးတွေ၊ ပညာရေးတွေ၊ ဘဏ္ဍာငွေကြီးကြပ်မှုတွေကို အစိုးရက တိုက်ရိုက် ဝင်ရောက်ကိုင်တွယ်ခြင်း မပြုပါဘူး။ သူတို့တင်ပြချင်တဲ့ လုပ်ငန်းတွေ၊ အစီအစဉ်တွေကို အစိုးရကိုယ်စားလှယ် တက္ကသိုလ် ကောင်စီဝင်လူကြီးများကတဆင့် တက္ကသိုလ်ကောင်စီအစည်းအဝေးတွေမှာ တင်ပြဆွေးနွေးအဆုံးအဖြတ် ခံယူပါတယ်။

၁၉၅၈ ခုနှစ်မှာ မန္တလေးတက္ကသိုလ်ကို သီးခြားတက္ကသိုလ်အဖြစ် အဆင့်မြင့်ဖွင့်လှစ်ပေးပါတယ်။ အဲဒီ နောက်ပိုင်းမှာ မန္တလေးတက္ကသိုလ်ကိုလည်း သူ့သီးခြားတက္ကသိုလ်ကောင်စီတစ်ဖွဲ့ဖွဲ့ပြီး စီမံကြီးကြပ်ပါတယ်။ မန္တလေးတက္ကသိုလ်က ဘွဲ့ရတဲ့ ကျောင်းသားကျောင်းသူတွေကိုလည်း သူဟာသူဘွဲ့ပေးပါတယ်။ ဥပမာအနေနဲ့ပြောရရင် မန္တလေး ဆေးကျောင်းကအောင်တဲ့ ဆရာဝန်တွေဟာ အမ်ဘီဘီအက်(စ်) (ဆေးမန်း) လို့ ဘွဲ့တတ်ပါတယ်။

မန္တလေးတက္ကသိုလ်ကို သီးခြားတက္ကသိုလ်အဖြစ်တည်ထောင်ပေးလိုက်ပြီးနောက်မှာ မန္တလေးတက္ကသိုလ်အောက်မှာ မန္တလေးပင်မတက္ကသိုလ်ရယ် အသက်မွေးဝမ်းကျောင်း မဟာဌာနအနေနဲ့ ဆေးသိပ္ပံမဟာဌာနနဲ့ စိုက်ပျိုးရေး သိပ္ပံမဟာဌာနဆိုပြီး မဟာဌာန နှစ်ခုရှိပါတယ်။ မကွေးကောလိပ်တောင်ကြီးကောလိပ်တို့ကိုလည်း မန္တလေးတက္ကသိုလ်က အုပ်ချုပ်ပါတယ်။ နောက် မြစ်ကြီးနားကောလိပ်ဖွင့်လှစ်တဲ့အချိန်မှာ မြစ်ကြီးနားကောလိပ်ကို မန္တလေးတက္ကသိုလ်က အုပ်ချုပ်ပါတယ်။ အဲဒီကောလိပ်တွေမှာ ဥပစာတန်းနှစ်တန်း တက်လို့ရပါတယ်။

ရန်ကုန်တက္ကသိုလ်အောက်မှာတော့ အသက်မွေးဝမ်းကျောင်း မဟာဌာနအနေနဲ့ ဆေးသိပ္ပံမဟာဌာန၊ အင်ဂျင်နီယာသိပ္ပံ၊ ပညာရေးမဟာဌာန၊ သစ်တောသိပ္ပံမဟာဌာနဆိုပြီး မဟာဌာန (၄) ခုရှိပါတယ်။ အဲဒီမှာ ဌာန (၄)ခုအနက် သစ်တောသိပ္ပံမဟာဌာနကတော့ ကျောင်းသားအရေအတွက် နည်းတဲ့အတွက် ရန်ကုန်ပင်မတက္ကသိုလ်ထဲမှာပဲ တွဲဖက် ထားရှိပြီးတော့ ကျန်မဟာဌာန (၃) ခုကတော့ သီးခြားအဆောက်အအုံတွေမှာ ဖွင့်လှစ်ပါတယ်။

မော်လမြိုင်ကောလိပ်၊ ပုသိမ်ကောလိပ်နဲ့ ကျောက်ဖြူကောလိပ်တို့ဟာ ရန်ကုန်တက္ကသိုလ်ရဲ့ လက်အောက်ခံ ကောလိပ်တွေပါ အဲဒီကောလိပ်တွေမှာ ဥပစာတန်းနှစ်တန်းတက်လို့ရပါတယ်။

၁၉၆ဝ ခုနှစ် ပတ်ဝန်းကျင်လောက်မှာတော့ တိရစ္ဆာန်ဆေးဝါးကုသမှု သိပ္ပံမဟာဌာနထပ်ဖွင့်ပြီး (B.V.Sc)  ခေါ်တဲ့ တိရစ္ဆာန်ဆရာဝန်ဘွဲ့ကို ပေးပါတယ်။

အဲဒီ ၁၉၆ဝ ခုနှစ် ပတ်ဝန်းကျင်မတိုင်မီက တိရစ္ဆာန်ဆေးဝါးကုသမှုနဲ့ပတ်သတ်ရင် ဒီပလိုမာလက်မှတ်ပေးတဲ့ သင်တန်းကျောင်းတစ်ခု အင်းစိန်မှာရှိပါတယ်။ အဲဒီသင်တန်းကျောင်းက ရန်ကုန်တက္တသိုလ်အောက်က မဟုတ်ပါဘူး။

အဲဒီအချိန်တုန်းက မြန်မာနိုင်ငံမှာ သွားဆေးသိပ္ပံဆိုတာ မရှိပါဘူး။ သွားဆေးသိပ္ပံဘွဲ့ကို အိန္ဒိယနိုင်ငံမှာ သွားယူရပါတယ်။

၁၉၆၂ ခုနှစ် မတ်လ (၂) ရက်နေ့မှာ ဗိုလ်ချုပ်နေဝင်း ဦးဆောင်တဲ့ တော်လှန်ရေးကောင်စီအစိုးရ တက်လာပြီးနောက် ၁၉၆၄ ခုနှစ် အောက်တိုဘာလက စတင်ကာ တက္ကသိုလ်ပညာရေးကို ပြုပြင်ပြီး တက္ကသိုလ်စနစ်သစ် ပညာရေးဆိုတာကို စတင်ကျင့်သုံးပါတယ်။ အဲဒီအချိန်မှာ တက္ကသိုလ်ပညာရေးဥပဒေကို ပြန်ပြင်ပါတယ်။

အဲဒီတက္ကသိုလ်စနစ်သစ်ပညာရေးအရ တက္ကသိုလ်တွေအောက်မှာ တွဲဘက်ထားရှိတဲ့ မဟာဌာနတွေကို ခွဲထုတ်ပြီး သီးခြားတက္ကသိုလ်တွေအဖြစ် အဆင့်မြင့်တင်ကာ တက္ကသိုလ်ရဲ့ အမည်တွေကို ပြောင်းလဲခေါ်ဝေါ်ပါတယ်။

မန္တလေးမှာဆိုရင် ယခင်က မန္တလေးတက္ကသိုလ်ဆိုတာတစ်ခုထဲရှိခဲ့ပေမဲ့ တက္ကသိုလ်စနစ်သစ်ပညာရေးအရ တက္ကသိုလ် (၃) ခုဖြစ်သွားပါတယ်။ မန္တလေးဝိဇ္ဇာသိပ္ပံတက္ကသိုလ်၊ စိုက်ပျိုးရေးတက္ကသိုလ်၊ ဆေးတက္ကသိုလ် ဆိုပြီး (၃) ခုဖြစ်သွားပါ တယ်။

ရန်ကုန်မှာတော့ ရန်ကုန်ဝိဇ္ဇာသိပ္ပံတက္ကသိုလ်၊ ရန်ကုန်ဆေးတက္ကသိုလ် (၁)၊ ရန်ကုန်ဆေးတက္ကသိုလ် (၂)၊ ပညာရေး တက္ကသိုလ်၊ အင်ဂျင်နီယာတက္ကသိုလ်၊ သစ်တောတက္ကသိုလ်၊ တိရစ္ဆာန်ဆေးကုသမှုတက္ကသိုလ်၊ သွားဆေးတက္ကသိုလ်၊ စီးပွားရေးတက္ကသိုလ်ဆိုပြီး တက္ကသိုလ် (၉) ခုဖြစ်သွားပါတယ်။

မြန်မာပြည်တစ်ပြည်လုံးမှာ တက္ကသိုလ် စုစုပေါင်း (၁၂) ခုဖွင့်လှစ်ပါတယ်။

ရန်ကုန်တက္ကသိုလ်ကောင်စီ၊ မန္တလေးတက္ကသိုလ်ကောင်စီ ဆိုတာတွေ ဖျက်သိမ်းလိုက်ပါတယ်။ အထက်တန်း ပညာအုပ်ချုပ်ရေးမှူးရုံးဆိုပြီး ရန်ကုန်ပြည်လမ်းက လိပ်ခုံးအနီးမှာရှိတဲ့ ရောင်စုံချယ်ထားတဲ့ သစ်သားမီးခြစ် ပုံသဏ္ဍာန် အဆောက်အအုံမှာ ဖွင့်လှစ်ပါတယ်။ အဲဒီရုံးဟာနောက်တော့ အထက်တန်းပညာဦးစီးဌာနဆိုပြီး ဦးစီးဌာနတစ်ခု ဖြစ်သွားပါတယ်။

တက္ကသိုလ်ကောင်စီကိုတော့ တက္ကသိုလ်တစ်ခုချင်းဆီမှာ ဖွဲ့မပေးတော့ဘဲ ပညာရေးဝန်ကြီးဌာနအောက်မှာ တက္ကသိုလ်များ ဗဟိုကောင်စီဆိုတာကိုဖွဲ့စည်းပြီး တက္ကသိုလ်များကို စီမံကွက်ကဲအုပ်ချုပ်ပါတယ်။

အဲဒီအချိန်ကစပြီး တက္ကသိုလ်တွေရဲ့ ကိုယ်ပိုင်သီးခြားအုပ်ချုပ်ပိုင်ခွင့် အာဏာဟာ ပျက်ပြယ်သွားပြီး တက္ကသိုလ်တွေကို ပညာရေးဝန်ကြီးဌာနက တိုက်ရိုက်အုပ်ချုပ်ပါတော့တယ်။

၁၉၆၂ ခု ဇူလိုင် (၇) ရက် ကျောင်းသားအရေးအခင်းနောက်ပိုင်းမှာ တက္ကသိုလ်တွေမှာ ကျောင်းသားသမဂ္ဂဟာလည်း တရားဝင်ရပ်တည်ခွင့် မရတော့ပါဘူး။ တက္ကသိုလ်များ ဗဟိုကောင်စီမှာလည်း ကျောင်းသားကိုယ်စားလှယ်တွေ ပါဝင်ခွင့် မရတော့ပါဘူး။

အဲဒီလိုတက္ကသိုလ်စနစ်သစ်ပညာရေးကို ပြောင်းလဲလိုက်တဲ့အချိန်မှာ တက္ကသိုလ်ပါမောက္ခချုပ်တွေဟာ ကျောင်းသားဦးရေ များတဲ့ အထက်တန်းကျောင်းကြီး တစ်ကျောင်းကို အုပ်ချုပ်နေတဲ့ အကြီးတန်း အထက်တန်းကျောင်းအုပ်ကြီးတွေဘဝကို ရောက်ရှိသွားပါတယ်။

တက္ကသိုလ်ကျောင်းသားကျောင်းသူတွေရဲ့ဘဝ ပတ်ဝန်းကျင်ဟာလည်း အတန်းပိုကြီးတဲ့ အထက်တန်း ကျောင်းသားကျောင်းသူကြီးတွေ (Senior High School Students) အဆင့်ကို ရောက်ရှိသွားပါတယ်။

တက္ကသိုလ်ပညာရေးအဆင့်အတန်းကလည်း အထက်တန်းကျောင်းပညာရေး အဆင့်အတန်းထက် အနည်းငယ်သာ သာလွန်တဲ့ အခြေအနေကို ကျဆင်းသွားပါတယ်။

၁၉၇၂ ခုနှစ် ပတ်ဝန်းကျင်လောက်မှာတော့ ရန်ကုန်မှာရှိနေတဲ့ သစ်တောတက္ကသိုလ်၊ တိရစ္ဆာန်မွေးမြူရေးနှင့် ဆေးဝါးကုသရေးဆေးတက္ကသိုလ်နဲ့ မန္တလေးမြို့မှာရှိတဲ့ စိုက်ပျိုးရေးတက္ကသိုလ် စုစုပေါင်း (၃) ခုကို ပျဉ်းမနားမြို့ မြောက်ဘက်ရေစင်းဆည်အနီးကို ပြောင်းရွှေ့ပါတယ်။

၁၉၈၈ ခုနှစ် ဒီမိုကရေစီလူထုလှုပ်ရှားမှုကြီး နောက်ပိုင်းမှာ အပြောင်းအလဲတစ်ခုထပ်မံပြုလုပ်ပါတယ်။ အဲဒီအပြောင်းအလဲ က ၁၉၉၃ ခု စက်တင်ဘာလဆန်းမှာ စတင်အကောင်အထည်ဖော်ခဲ့ပါတယ်။

တက္ကသိုလ်တွေရဲ့အုပ်ချုပ်ရေးကို သက်ဆိုင်ရာဘာသာရပ်အလိုက် အဲဒီဘာသာရပ်နဲ့ နှီးနွယ်ပတ်သက်တဲ့ ဝန်ကြီးဌာနတွေအောက်ကို ပြောင်းရွှေ့အုပ်ချုပ်စေခဲ့ပါတယ်။ ဆေးတက္ကသိုလ်အားလုံးကို ကျန်းမာရေးဝန်ကြီးဌာန၊ အင်ဂျင်နီယာတက္ကသိုလ်ကို သိပ္ပံနဲ့ နည်းပညာဝန်ကြီးဌာန၊ သစ်တောတက္ကသိုလ်ကို သစ်တောဝန်ကြီးဌာန၊ စိုက်ပျိုးရေး တက္ကသိုလ်ကို စိုက်/ဆည်ဝန်ကြီးဌာန၊ တိရစ္ဆာန်မွေးမြူရေးနဲ့ ဆေးဝါးကုသရေး တက္ကသိုလ်ကို မွေး/ရေ ဝန်ကြီးဌာန စသည်ဖြင့် အသီးသီးလွှဲပြောင်းအုပ်ချုပ်စေပါတယ်။

အဲဒီလိုဘာသာရပ်ဆိုင်ရာ တက္ကသိုလ်တွေလို သက်ဆိုင်ရာဘာသာရပ်နဲ့ ပတ်သက်တဲ့ဝန်ကြီးဌာနတွေရဲ့ လက်အောက်ကို လွှဲပြောင်းအုပ်ချုပ်စေတဲ့ ရည်ရွယ်ချက်က သက်ဆိုင်ရာဘာသာရပ်တွေ အဆင့်အတန်းမြင့်မားတိုးတက်ရေးအတွက် မဟုတ်ပဲ ပညာရေးဝန်ကြီးဌာနအောက်မှာ အရေအတွက်များပြားနေတဲ့ တက္ကသိုလ်တွေကို ပညာရေးဝန်ကြီး ဌာနတစ်ခုတည်းအနေနဲ့ အုပ်ချုပ်ရတာ မနိုင်မနင်းဖြစ်လာတဲ့အတွက် သက်ဆိုင်ရာဘာသာရပ်အလိုက် ဝန်ကြီးဌာန တွေကို ခွဲဝေချုပ်ကိုင်ခိုင်းတဲ့ သဘောဖြစ်ပါတယ်။ အဲဒီအချိန်တုန်းက ကျောင်းသားလှုပ်ရှားမှုတွေကလည်း မကြာမကြာ ဖြစ်ပေါ်လာတတ်တော့ ကိုယ့်ဝန်ကြီးဌာနအောက်က တက္ကသိုလ်ကို ကိုယ့်ဟာကို နိုင်အောင်ထိန်းမထိန်းနိုင်ရင်တော့ ရာထူးပြုတ်မယ်ဆိုတဲ့သဘောနဲ့ လုံခြုံရေးရှုထောင့်က ကြည့်ပြီး လွှဲပြောင်း အုပ်ချုပ်စေတာဖြစ်ပါတယ်။

ယခု (၂ဝ၁၂ ခုနှစ် ဇွန်၊ ဇူလိုင်၊ သြဂုတ်) ကျင်းပနေတဲ့ ပထမအကြိမ် ပြည်သူ့လွှတ်တော်စတုတ္ထအစည်းအဝေးတွင် ပြည်ထောင်စုပညာရေးဝန်ကြီးရဲ့ တင်ပြချက်အရ မြန်မာနိုင်ငံမှာ တက္ကသိုလ်ပေါင်း (၁၈၅) ခုရှိပြီး ဝန်ကြီးဌာန (၁၂) ခုက ခွဲဝေအုပ်ချုပ်နေကြောင်း သိရှိရပါတယ်။ ပညာရေးဝန်ကြီးဌာန တစ်ခုထဲအောက်မှာ တက္ကသိုလ်နဲ့ ဒီဂရီ ကောလိပ်ပေါင်း (၆၄) ခုရှိတယ်လို့ဆိုပါတယ်။

အခုရှင်းပြခဲ့တာက မြန်မာနိုင်ငံတက္ကသိုလ်တွေရဲ့ အဆင့်ဆင့်ပြောင်းလဲလာပုံဖြစ်ပါတယ်။

နောက်ဆက်လက်ပြီး ၁၉၂ဝ ခုနှစ် တက္ကသိုလ်ဥပဒေနဲ့ ၁၉၆၂ ခုနှစ်နောက်ပိုင်း ဦးနေဝင်းခေါင်းဆောင်တဲ့ တော်လှန်ရေးကောင်စီ အစိုးရလက်ထက် ပြန်လည်ပြုပြင်လိုက်တဲ့ တက္ကသိုလ်ပညာရေးဥပဒေတို့ (၂) ခု အကြား အဓိက ကွားခြားမှုတွေကို ရှင်းပြပါမယ်။

၁၉၂ဝ ခုနှစ် တက္ကသိုလ်ဥပဒေအရ တက္ကသိုလ်တွေဟာ အစိုးရရဲ့တိုက်ရိုက်အုပ်ချုပ်မှုအောက်မှာ မရှိတဲ့ အစိုးရဌာနတွေ မဟုတ်တဲ့ သီးခြားလွတ်လပ်တဲ့ ပညာရေးအဖွဲ့အစည်းများ ဖြစ်ပါတယ်။ တက္ကသိုလ်ကောင်စီတွေဟာ တက္ကသိုလ်ရဲ့ အုပ်ချုပ်ရေး၊ ဘဏ္ဍာငွေစီမံခန့်ခွဲရေး၊ ပညာသင်ကြားရေးဆိုင်ရာလုပ်ငန်း စသည့်တာဝန်ကြီး (၃) ခုကို သီးခြား လွတ်လွတ်လပ်လပ် ဆုံးဖြတ်နိုင်ခွင့် စီမံခန့်ခွဲနိုင်ခွင့် ရှိခဲ့ပါတယ်။

ဦးနေဝင်းရဲ့ တက္ကသိုလ်ဥပဒေသစ်အရတော့ တက္ကသိုလ်တစ်ခုချင်းမှာ သီးခြားလွတ်လပ်တဲ့ပညာရေး လွတ်လပ် ခွင့်တွေပေးမထားတော့ဘဲ ပညာရေးဝန်ကြီးဌာနက တက္ကသိုလ်အားလုံးကို ချုပ်ကိုင်လိုက်ပါတယ်။ ၁၉၈၈ ခုနှစ် နောက်ပိုင်းမှာကတော့ အမျိုးသားပညာရေးကော်မတီဆိုတာ ထပ်မံဖွဲ့ပြီး ဝန်ကြီးဌာနရဲ့အပေါ်က နောက်ထပ်တဆင့် ထပ်ပြီး ချုပ်ကိုင်ပါတယ်။

၁၉၉၃ ခုနှစ်နောက်ပိုင်းမှာတော့ ဘာသာရပ်အလိုက် တက္ကသိုလ်အသီးသီးကို သက်ဆိုင်ရာဝန်ကြီးဌာန အောက်ကို ခွဲဝေတာဝန်ပေးပြီးနောက် သက်ဆိုင်ရာဝန်ကြီးဌာနတွေက သက်ဆိုင်ရာတက္ကသိုလ်တွေကို ပိုမိုပြီး တင်းတင်း ကျပ်ကျပ်ချုပ်ကိုင်ပါတယ်။ အဲဒီဝန်ကြီးဌာနတွေကို အမျိုးသားပညာရေးကော်မတီကထပ်ပြီး တင်းကျပ်ပေးပါတယ်။

ပထမအကြိမ်ပြည်သူ့လွှတ်တော် တတိယပုံမှန်အစည်းအဝေးမှာ လွှတ်တော်ပညာရေးမြှင့်တင်ရေး ကော်မတီက တက္ကသိုလ်ပညာရေး ဥပဒေကြမ်းတစ်ခုကို ရေးဆွဲတင်ပြခဲ့ရာ လွှတ်တော်ကိုယ်စားလှယ်များက ဆွေးနွေးပြီး အတည်ပြုပြင်ဆင်ထားခဲ့ပါတယ်။ ဒါပေမဲ့ အဲဒီ ”တက္ကသိုလ်ဥပဒေကြမ်း” ကို ယခုကျင်းပနေသော (၂ဝ၁၂ ခု ဇွန်၊ ဇူလိုင်၊ သြဂုတ်လ) ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေးမှာ ”၂ဝ၁၂ ခုနှစ် တက္ကသိုလ်ပညာရေး ဥပဒေကြမ်း” အဖြစ်လွှတ်တော်က အတည်ပြုရန် တင်ပြလာပါတယ်။

ယခုအတည်ပြုရန် လွှတ်တော်ပညာရေးမြှင့်တင်ရေးကော်မတီက တင်သွင်းလာတဲ့ ”၂ဝ၁၂ ခုနှစ် တက္ကသိုလ် ပညာရေး ဥပဒေကြမ်း”ဟာ ဦးနေဝင်းလက်ထက် တော်လှန်ရေးကောင်စီတက်လာပြီး ကုန်ခဲ့တဲ့နှစ်ပေါင်း (၅ဝ) က ပြင်ဆင် ရေးဆွဲထားခဲ့တဲ့ တက္ကသိုလ်ဥပဒေကို အမြီးလေးတိ၊ ခေါင်းလေးတိ စာမချောတာလေးကိုချောအောင်ပြင် အရေးမကြီးတဲ့ အပုဒ်လေးတစ်ချို့ ထပ်ဖြည့်သွင်းပြီး ပြင်ဆင်ရေးဆွဲလာပုံရပါတယ်။

ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်လွှတ်တော်ကိုယ်စားလှယ်များက အဲဒီဥပဒေကြမ်းကို ထပ်မံပြင်ဆင်နိုင်ရေးအတွက် ပြင်ဆင်ချက်ပေါင်းများစွာကိုပြုစုပြီး တင်ပြခဲ့ကြပါတယ်။ ပြင်ဆင်ရန် အဆိုပြုချက်များ အများအပြားဖြစ်နေသဖြင့် အဲဒီဥပဒေကြမ်းကို အသစ်တဖန်ပြန်လည်ညှိနှိုင်းရေးဆွဲရန် လွှတ်တော်က အတည်ပြုဆုံးဖြတ် ခဲ့ပါတယ်။

တက္ကသိုလ်ပညာရေးဥပဒေကြမ်းမှာ ပြင်ဆင်ရန်အချက်အလက်တွေ များပြားလွန်းတဲ့အတွက် အသစ်ပြန်လည် ရေးဆွဲရန် လွှတ်တော်က ဆုံးဖြတ်တာကို ကြိုဆိုပါတယ်။

အဲဒီအသစ်ပြန်လည်ရေးဆွဲတဲ့ တက္ကသိုလ်ဥပဒေကြမ်းမှာ ပါဝင်ရန်လိုအပ်တဲ့ အဓိကအချက်နှစ်ချက်ရှိတယ်လို့ ကျွန်တော်ထင်ပါတယ်။ အဲဒီအဓိကနှစ်ချက်မပါဝင်ဘဲ တက္ကသိုလ်ပညာရေး ဥပဒေကြမ်းသစ်တစ်ခု ပြန်လည်ရေးဆွဲရင် လည်း အဲဒီဥပဒေကြမ်းအသစ်ဟာ ဘာမှအနှစ်သာရမရှိတဲ့ ဥပဒေကြမ်းတစ်ခုပဲ ဖြစ်သွားပါမယ်။

ဥပဒေကြမ်းမှာ ပါဝင်ရေးဆွဲရန် အဓိကလိုအပ်တဲ့ အချက်တစ်ချက်ကတော့ တက္ကသိုလ်တွေကို ဗဟိုချုပ်ကိုင်မှု လျော့ပေးရေးဖြစ်ပါတယ်။

အသစ်ရေးဆွဲတဲ့ တက္ကသိုလ်ပညာရေးဥပဒေဟာ တက္ကသိုလ်များအား ဗဟိုကတင်းတင်းကျပ်ကျပ် ချုပ်ကိုင်ထားမှုတွေကို ဖြေလျော့ပေးပြီးအစိုးရရဲ့ (ဝန်ကြီးဌာနများရဲ့) ချုပ်ကိုင်မှုအောက်မှာ မထားတော့ပဲ အစိုးရအထောက်အပံ့ခံ သီးခြားလွတ်လပ်တဲ့ပညာရေး အဖွဲ့အစည်းတွေအဖြစ် ပြန်လည်တည်ဆောက်ပေးနိုင်တဲ့ ဥပဒေမျိုးဖြစ်စေရန် လိုအပ်ပါ သည်။ ဒါမှသာအနှစ်သာရပြည့်စုံတဲ့ တက္ကသိုလ်ပညာရေး ဥပဒေသစ်ဖြစ်လာမှာ ဖြစ်ပါတယ်။

အဲဒီလို အစိုးရရဲ့ (ဝန်ကြီးဌာနများရဲ့) ဗဟိုဌာနချုပ်ကိုင်မှုတွေကို လျော့ပေါ့ပေးတာနဲ့ တပြိုင်နက်ထဲမှာ တက္ကသိုလ်တစ်ခုချင်းကို စီမံခန့်ခွဲရန်အတွက် တက္ကသိုလ်တစ်ခုချင်းမှာ သီးခြားလွတ်လပ်တဲ့ ”တက္ကသိုလ်ကောင်စီ” ဆိုတာ လိုအပ်လာပါတယ်။

ပြည်ထောင်စုပညာရေးဝန်ကြီးရဲ့ လွှတ်တော်ထဲမှာ တင်ပြချက်အရ မြန်မာနိုင်ငံမှာ တက္ကသိုလ်ပေါင်း (၁၈၅) ခု ရှိနေပြီး အဲဒီတက္ကသိုလ်တွေကို စီမံအုပ်ချုပ်နေတာက ဝန်ကြီးဌာန (၁၂) ခုက အုပ်ချုပ်နေတယ်လို့ ဆိုပါတယ်။

အမှန်တကယ်မှာတော့ တက္ကသိုလ် (၁၈၅) ခုအတွက် တက္ကသိုလ်ကောင်စီ (၁၈၅) ခုဖွဲ့စည်းရမည့်အနေအထားမှာ ရှိရပါတယ်။ တက္ကသိုလ်အရေအတွက် ဖောင်းပွနေတော့ တက္ကသိုလ်ကောင်စီအရေအတွက်ကလည်း ဖောင်းပွလာတဲ့ သဘောပါ။

အဲဒီလိုတက္ကသိုလ်ကောင်စီတွေအရေအတွက်သိပ်ပြီး များပြားနေတာကို လျော့ချချင်ရင်တော့ နည်းလမ်း တစ်ခုတော့ရှိပါ တယ်။

ဥပမာအနေနဲ့ပြောရရင် ရန်ကုန်မှာဆိုရင် ရန်ကုန်ပင်မတက္ကသိုလ်မှာ တက္ကသိုလ်ကောင်စီတစ်ခုဖွဲ့ပြီး ရန်ကုန်မှာရှိတဲ့ ကျန်တဲ့တက္ကသိုလ်တွေကို ရန်ကုန်ပင်မတက္ကသိုလ်ရဲ့ လက်အောက်ခံတက္ကသိုလ်အဖြစ် ဖွဲ့စည်းလို့ ရနိုင်ပါတယ်။

မန္တလေးမှာလည်း မန္တလေးပင်မတက္ကသိုလ်ကောင်စီတစ်ခုဖွဲ့ပြီး တစ်ခြားမန္တလေးအနီးအနားက တက္ကသိုလ်တွေကို မန္တလေးပင်မတက္ကသိုလ်အောက်မှာ စုစည်းလို့ရနိုင်ပါတယ်။

မြန်မာနိုင်ငံလုံးမှာ တိုင်းနဲ့ပြည်နယ် (၁၄) ခုရှိတဲ့အနက် ချင်းပြည်နယ်မှာ တက္ကသိုလ်တစ်ခုမှမရှိတဲ့အတွက် တိုင်းနဲ့ ပြည်နယ်အလိုက် အုပ်စုဖွဲ့မယ်ဆိုရင် တက္ကသိုလ်ကောင်စီ (၁၃) ခုလောက်နဲ့ ဖြစ်နိုင်တဲ့ အခြေအနေမှာ ရှိပါတယ်။ မော်လမြိုင်၊ ဘားအံ့၊ ထားဝယ်စသည့်နီးစပ်တဲ့ တက္ကသိုလ်တွေကို ထပ်မံစုစည်းလိုက်မယ်ဆိုရင် တက္ကသိုလ်ကောင်စီ အရေအတွက်ဟာ ဒါထက်နည်းသွားနိုင်ပါသေးတယ်။

တက္ကသိုလ်ကောင်စီတွေကို အရေအတွက်အနေအထားနဲ့ ဘယ်လိုပဲဖွဲ့စည်းပါစေ။ ဗဟိုချုပ်ကိုင်မှုအောက်က ကင်းလွတ်တဲ့ ပညာရေးလွတ်လပ်ခွင့်ရတဲ့ တက္ကသိုလ်ကောင်စီတွေဖြစ်ရန် အဓိကလိုအပ်ပါတယ်။ အဲဒီပညာရေး လွတ်လပ်ခွင့်ဟာ တက္ကသိုလ်ပညာရေးဥပဒေသစ်ရဲ့အနှစ်သာရပါ။

တက္ကသိုလ်ပညာရေး ဥပဒေကြမ်းရေးဆွဲတဲ့အခါမှာ မပါမဖြစ်လိုအပ်တဲ့ ဒုတိယအချက်ကို ကျွန်တော်           ဆက်လက်တင်ပြပါမယ်။

အထက်ကဖော်ပြခဲ့သလို တက္ကသိုလ်ကောင်စီတွေ ဖွဲ့စည်းတဲ့အချိန်မှာ တက္ကသိုလ်ကောင်စီအဖွဲ့ဝင်တွေထဲမှာ ကျောင်းသားသမဂ္ဂကိုယ်စားလှယ်ဆိုတာ ပါဝင်ဖွဲ့စည်းရမှာ ဖြစ်ပါတယ်။ ဦးနေဝင်းဦးဆောင်တဲ့ တော်လှန်ရေးကောင်စီ အစိုးရမတက်လာခင်အချိန်က တက္ကသိုလ်ကောင်စီတွေမှာ ကျောင်းသားသမဂ္ဂကိုယ်စားလှယ် (၂) ဦးစီ ပါဝင်ပါတယ်။

အဲဒီကျောင်းသားသမဂ္ဂကိုယ်စားလှယ်ဆိုတာကလည်း ကျောင်းသားသမဂ္ဂအမှုဆောင်အဖွဲ့ဝင်တွေ ကိုယ်တိုင် ကိုယ်စားလှယ်အဖြစ် မပါဝင်ပါဘူး။ ကျောင်းသားသမဂ္ဂအမှုဆောင်အဖွဲ့က သမဂ္ဂရဲ့သဘောဆန္ဒကို တက္ကသိုလ်ကောင်စီ မှာ တင်ပြဆွေးနွေးပေးနိုင်မည့် အတွေ့အကြုံရင့်ကျက်တဲ့ ပုဂ္ဂိုလ်ကြီးတွေ (အထူးသဖြင့် ကျောင်းသားသမဂ္ဂအမှုဆောင် ဟောင်းကြီးတွေ) ကို ရွေးချယ်ခန့်အပ်ပေးပြီး တက္ကသိုလ်ကောင်စီမှာ ကျောင်းသားကိုယ်စားလှယ်အဖြစ် ထည့်သွင်း ရပါတယ်။

တက္ကသိုလ်ကျောင်းသားသမဂ္ဂအမှုဆောင်အဖွဲ့ဝင်တွေအနေနဲ့ တက္ကသိုလ်ကောင်စီအစည်းအဝေးမှာ ကိုယ်တိုင် တက်ရောက်ခွင့်မရပေမဲ့ ကျောင်းသားသမဂ္ဂရဲ့ တောင်းဆိုချက်တွေသဘောထားတွေကို တကသကိုယ်စားလှယ် တက္ကသိုလ်ကောင်စီဝင်လူကြီး (၂) ဦးမှတဆင့် တင်ပြဆွေးနွေးတောင်းဆိုပိုင်ခွင့် အပြည့်အဝရှိပါတယ်။

ဒါကြောင့်မို့ ကျောင်းသားရေးရာပြဿနာတွေဟာ တက္ကသိုလ်ကောင်စီပြင်ပမှာ တက္ကသိုလ် ကျောင်းသားများနဲ့ တက္ကသိုလ်အာဏာပိုင်တွေ ထိပ်တိုက်မတွေ့ကြရတော့ဘဲ တက္ကသိုလ်ကောင်စီ စားပွဲဝိုင်းမှာပဲ အခြေအတင် ဆွေးနွေး ညှိနှိုင်းကြရင်းနဲ့ ပြေလည်သွားနိုင်ပါတယ်။

ဒါကြောင်မို့ ယခုအသစ်ပြန်လည်ရေးဆွဲမည့် တက္ကသိုလ်ပညာရေးဥပဒေကြမ်းမှာ ပါဝင်ရေးဆွဲရမည့် ဒုတိယ အရေးကြီးတဲ့အချက်အနေနဲ့ တက္ကသိုလ်ကောင်စီဖွဲ့စည်းတဲ့အချိန်မှာ ကျောင်းသားသမဂ္ဂရဲ့ ကိုယ်စားလှယ်များပါဝင်ရေး ဆိုတဲ့အချက်ဖြစ်ပါတယ်။

အဲဒီမှာ အရေးကြီးတဲ့အချက်က ကျောင်းသားသမဂ္ဂကိုယ်စားလှယ်အမည်ခံရုံသက်သက်မဟုတ်ဘဲ ကျောင်းသားထုက တရားဝင်လျှို့ဝှက်မဲပေးစနစ်နဲ့ ရွေးချယ်တင်မြှောက်ထားတဲ့ ကျောင်းသားသမဂ္ဂရဲ့ကိုယ်စားလှယ် အစစ်အမှန် ဖြစ်ရန် လိုအပ်ပါတယ်။

၁၉၆၂ ခုနှစ် ဇွန်လဆန်း ကျောင်းဖွင့်ချိန်အထိ တက္ကသိုလ်ကျောင်းသားများ ကျောင်းဝင်ပုံစံပြည့်ပြီး ကျောင်းဝင်ကြေး ပေးသွင်းတဲ့အချိန်မှာ တက္ကသိုလ်ကတရားဝင်ပြေစာနဲ့ ငွေ (၂) ကျပ်ကိုပိုပြီး ကောက်ခံပါတယ်။ (၁) ကျပ်က တက္ကသိုလ်ကျောင်းသားသမဂ္ဂ အဖွဲ့ဝင်ကြေးဖြစ်ပြီးနောက် (၁)ကျပ်က တက္ကသိုလ်နှစ်ပတ်လည်မဂ္ဂဇင်းအတွက် ဖြစ်ပါ တယ်။

တက္ကသိုလ်ကျောင်းသားတစ်ယောက်စီက (၁) ကျပ်စီကောက်ခံထားတဲ့ သမဂ္ဂအဖွဲ့ဝင်ကြေးကို တက္ကသိုလ်ရုံးက ကျောင်းသားသမဂ္ဂ ငွေစာရင်းထဲကို လွှဲပြောင်းထည့်သွင်းပေးပါတယ်။ ဒါကြောင့်မို့ တက္ကသိုလ်မှာ ကျောင်းတက်ခွင့်ရ နေတဲ့ ကျောင်းသားကဒ်ကိုင်ဆောင်ထားတဲ့ ကျောင်းသားတိုင်းဟာ တက္ကသိုလ်ကျောင်းသားသမဂ္ဂအဖွဲ့ဝင်တွေ ဖြစ်ကြပါ တယ်။

ကျောင်းသားသမဂ္ဂအဖွဲ့ဝင်တက္ကသိုလ်ကျောင်းသားတွေက တရားဝင်လျှို့ဝှက်မဲပေးစနစ်နဲ့ တက္ကသိုလ်ကျောင်းသား သမဂ္ဂအမှုဆောင်အဖွဲ့ဝင်ကို ရွေးချယ်တင်မြှောက်ပါတယ်။

ကျောင်းသားသမဂ္ဂအမှုဆောင်အဖွဲ့ကို ဥပဒေနဲ့အညီရွေးချယ်တင်မြှောက်ပုံတွေကိုတော့ မတင်ပြတော့ပါဘူး။

တက္ကသိုလ်ကောင်စီထဲမှာပါဝင်တဲ့ ကျောင်းသားသမဂ္ဂကိုယ်စားလှယ်ဆိုတာက အထက်မှာဖော်ပြခဲ့သလို ကျောင်းသားသမဂ္ဂအဖွဲ့ဝင် တက္ကသိုလ်ကျောင်းသားတွေက ရွေးချယ်ထားတဲ့ ကျောင်းသားသမဂ္ဂအမှုဆောင်အဖွဲ့ရဲ့ ကိုယ်စားလှယ်တွေကို ခေါ်ဆိုတာဖြစ်ပါတယ်။

ဒီနေရာမှာ တင်ပြချင်တာတစ်ခုရှိပါတယ်။ တစ်ချို့အာဏာပိုင်တွေက ”ကျောင်းသားသမဂ္ဂ” ဆိုရင် မြွှေပွေးကို ကြောက်သလို ကြောက်ကြပါတယ်။ တစ်ချို့ဆိုရင် ”ကျောင်းသားသမဂ္ဂ”ဆိုတဲ့ အသံကိုတောင် မကြားချင်ကြပါဘူး။ မကြားရဲကြပါဘူး။ ကျွန်တော်အနေနဲ့ အဲဒီပုဂ္ဂိုလ်တွေကိုလည်း အပြစ်မတင်ချင်ပါဘူး။

မြန်မာနိုင်ငံမှာ တရားဝင်ကျောင်းသားသမဂ္ဂတွေမရှိခဲ့တာ နှစ်ပေါင်း (၅ဝ) ကျော်လာပါပြီ။ ယနေ့နိုင်ငံမှာ တာဝန်ယူနေကြတဲ့ ပုဂ္ဂိုလ်တော်တော်များများဟာ ကျောင်းသားသမဂ္ဂတွေကို မမီလိုက်ကြပါဘူး။ သူတို့ရဲ့ ဆရာကြီးများ ကသမဂ္ဂကို ကြောက်ရွံ့ကြပါတယ်၊ ရွံ့မုန်းခဲ့ကြပါတယ်၊ ဆိုတော့ သူတို့အနေနဲ့လည်း သူတို့ဆရာကြီးများလို ရွံ့မုန်း ကြောက်လန့်တဲ့ စိတ်တွေရှိနေနိုင်ပါတယ်။ အဲဒီလို ”ကျောင်းသားသမဂ္ဂ”ဆိုရင် ကြောက်နေတဲ့ ပုဂ္ဂိုလ်တွေ သဘော ပေါက်အောင် ”ကျောင်းသားသမဂ္ဂ” ရဲ့ သဘောသဘာဝကို တင်ပြချင်ပါတယ်။

ကျောင်းသားသမဂ္ဂတွေဟာ အစိုးရကိုသော်လည်းကောင်း တက္ကသိုလ်အာဏာပိုင်တွေကိုသော်လည်း အစဉ်အမြဲရန်သူလို သဘောမထားခဲ့ကြပါဘူး။ အစိုးရပြုလုပ်သမျှ တက္ကသိုလ်အာဏာပိုင်တွေ ပြုလုပ်သမျှ ဆန့်ကျင်ရမယ် ကန့်ကွက်ရမယ်ဆိုတဲ့ တရားသေသဘောထားလည်း မရှိခဲ့ကြပါဘူး။

ကျောင်းသားသမဂ္ဂတွေဟာ အမျိုးသားအရေးနဲ့ ပတ်သက်လာရင် အစိုးရကိုအလုံးအရင်းနဲ့ အင်တိုက်အားတိုက် ထောက်ခံခဲ့ကြပါတယ်။ ကျောင်းသားသမဂ္ဂသမိုင်းတွေမှာလည်း အဲဒီလိုထောက်ခံခဲ့တဲ့ အထောက်အထားတွေရှိခဲ့ ပါတယ်။

တစ်ချို့လုပ်ငန်းတွေမှာ အစိုးရနဲ့သော်လည်းကောင်း၊ တက္ကသိုလ်အာဏာပိုင်တွေနဲ့သော်လည်းကောင်း လုပ်ငန်း အတူပူးပေါင်းဆောင်ရွက်ခဲ့တဲ့ သမိုင်းအစဉ်အလာတွေလည်း ရှိခဲ့ပါတယ်။ အထူးသဖြင့် ကျောင်းသားဆူပူမှုတွေ (ကျောင်းသားဆန္ဒပြပွဲ မဟုတ်ပါ) ကို ကျောင်းသားသမဂ္ဂတွေဟာ တက္ကသိုလ်အာဏာပိုင်တွေနဲ့ လက်တွဲပြီး ထိန်းသိမ်း ပေးခဲ့တဲ့ ဖြစ်စဉ်တွေလည်းရှိခဲ့ပါတယ်။

ဒါပေမဲ့ ကျောင်းသားအခွင့်အရေးနဲ့ပတ်သက်လာရင်တော့ ဆုံးရှုံးတာတွေ ပွန်းပဲ့တာတွေရှိလာရင် ကျောင်းသား သမဂ္ဂတွေဟာ ကျောင်းသားထုရှေ့က မားမားမတ်မတ်ရပ်တည်ပြီး ဆန့်ကျင်ကန့်ကွက်ခဲ့တဲ့ အစဉ်အလာတွေလည်း ရှိခဲ့ပါတယ်။

အဲဒါကြောင့် အဲဒီလိုကျောင်းသားအခွင့်အရေး ဆုံးရှုံးတဲ့အခြေအနေတွေ ကျောင်းသားအခွင့်အရေး ထိပါးပွန်းပဲ့တဲ့ အခြေအနေတွေ မရောက်ရှိမီအချိန်မှာ တက္ကသိုလ်ကောင်စီစားပွဲဝိုင်းမှာ အတူထိုင်ပြီး တက္ကသိုလ်အာဏာပိုင်တွေနဲ့ ကျောင်းသားသမဂ္ဂကိုယ်စားလှယ်တွေဟာ ပြေပြေလည်လည်ညှိနှိုင်းကြရင်းနဲ့ ကျောင်းသားအခွင့်အရေးဆုံးရှုံးမှု အခြေ အနေတွေ ဖြစ်ပေါ် မလာအောင် ရှောင်ရှားလို့ရပါတယ်။

ဒါကြောင့်မို့ တက္ကသိုလ်နယ်မြေအေးချမ်းသာယာရေးနဲ့ ကျောင်းသားကျောင်းသူများအေးချမ်းစွာ စာပေသင်ကြား နိုင်ရေးအတွက် တက္ကသိုလ်တွေမှာ ကျောင်းသားသမဂ္ဂတရားဝင် ဖွဲ့စည်းခွင့်ရရေးဟာ အရေးကြီးတဲ့အချက်တစ်ချက် ဖြစ်ပါတယ်။

ပြန်ပြီးချုပ်ကိုင်လိုက်ရင် တက္ကသိုလ်တွေမှာ တရားဝင်ကျောင်းသားသမဂ္ဂ ဖွဲ့စည်းခွင့်ပေးရေးဟာ တက္ကသိုလ် ပညာရေးဥပဒေထဲမှာ ထည့်သွင်းရေးဆွဲရန်မလိုအပ်ပေမဲ့ တက္ကသိုလ်ပညာရေးဥပဒေကို ပြင်ဆင်တယ်၊ ဗဟိုချုပ်ကိုင်မှု တွေကို ဖြေလျော့တယ်၊ အစိုးရရဲ့ တိုက်ရိုက်ချုပ်ကိုင်မှုက ကင်းလွတ်ပြီး သီးခြားပညာရေး လွတ်လပ်ခွင့်ရတဲ့ တက္ကသိုလ် ကောင်စီတွေကို ပြန်လည်ဖွဲ့စည်းတယ်ဆိုရင် ကျောင်းသားသမဂ္ဂတွေဟာလည်း မဖြစ်မနေဖွဲ့စည်းပေးရမည့် လိုအပ်ချက် တစ်ခုဖြစ်ကြောင်း တင်ပြအပ်ပါတယ်။

3,726 views  Print This Post