စစ်ကိုင်းတိုင်းဒေသကြီး၊ မုံရွာခရိုင်၊ ဆားလင်းကြီးမြို့နယ်အတွင်းရှိ လက်ပန်တောင်းတောင် ကြေးနီစီမံကိန်းကြောင့် ရွာပေါင်း(၂၆) ရွာမှ လယ်မြေ(၇၈၆၈.၇၈) ဧကကို စီးပွားရေးဦးပိုင်လီမီတက်နှင့် မြန်မာဝမ်ပေါင်လီမီတက်တို့ သိမ်းယူထားမှုကို ယာမြေအသိမ်းခံထား ရသော တောင်သူများက မိမိတို့မြေများပြန်လည်ရရှိရေးအတွက် ၂၄၊ ၈၊ ၂၀၁၂ ရက်နေ့မှ ယနေ့ ၈၊ ၉၊ ၂၀၁၂ ရက်နေ့အထိ (၉) ကြိမ်တိုင်တိုင် မြေသိမ်းတိုက်ပွဲ ဆန္ဒခံယူပွဲ မတရားမှုများကို ချုပ်ငြိမ်းစေသည့် ဈာပနအခမ်းအနား စသည့်ပွဲများကို အဆင့်ဆင့်ပြုလုပ်ခဲ့ရာ ယခုအချိန်တွင် မြေသိမ်းခံရသည့် လယ်သမားများ၏ မြေပြန်ရရှိရေးကိစ္စသာမ ကဘဲ ဧရာဝတီ-ဒုတိယမြစ်ဆုံသည် နောင်နှစ်ပေါင်း (၆၀)ခန့်တွင် ဘေးထွက်ဆိုးကျိုးများစွာဖြင့် ၎င်းဒေသ၏ ဂေဟစနစ် (သဘာဝပတ်ဝန်းကျင်) ပျက်စီးဆုံးရှုံးမည့်အရေးကို အမျိုးသားရေးစိတ်ဓာတ်ဖြင့် အချိန်မှီဝိုင်းဝန်းကူညီ တားဆီးကြပါရန် တင်ပြအပ်ပါသည်။

မြေမတရားသိမ်းမှု လက်ပန်တောင်းတောင်စီမံကိန်းကို မတားဆီးနိုင်ခဲ့ပါလျင်?

ကြေးနီစီမံကိန်းကို သက်ဆိုင်ရာဆိုသူတို့က လက်ပန်တောင်းတောင် (၃၃) လုံး ဧက (၁၅၀၀)ခန့်ကိ်ု နှစ်(၆၀) အတွင်း စာချုပ်၍ တူးကြမည်ဟု သတင်းရရှိပါသည်။ ၎င်းတို့သိမ်းယူထားသော (၂၆) ရွာမှ လယ်ယာမြေများသည် ခန့်မှန်းခြေအားဖြင့် (၄) မိုင်ပတ်လည် ရှိပါမည်။

နောင်နှစ်ပေါင်း (၆၀) ကြာပြီး လက်ပန်တောင်းတောင်မှ ကြေးနီများကို သန့်စင်တူးဖော်ပြီးစီးခဲ့ပါလျင် ကြေးနီအဖြစ် သန့်စင်ရန် တူးဖော်ပြီး အက်စစ်ဖျန်းမည့် သတ္ထုရိုင်းတို့၏ နေရာယူမှုသည် သိမ်းထားသည့် (၇၈၆၈.၆၈) ဧက အားလုံးပေါ်သို့ ရောက်ရှိသွားပါမည်။ ကြေးနီတူးဖော်ရာတွင် ကြေးနီသတ္ထုရိုင်း အပြင် ကြေးနီမဟုတ်ဘဲ စွန့်ပစ်မြေများသည် ဧက (၂၃၀၀၀) ကျော်ဖြစ်လာနိုင်ပါသည်။ နှစ် (၆၀) အတွင်းမှာ ဧကပေါင်း (၃၀၀၀၀)ကျော်သည်။

၁။ လက်ပန်တောင်းတောင် ၃၃ လုံး လုံးဝပျောက်ကွယ်သွားခြင်း ၎င်းကြောင့် ရာသီဥတု မျှတမှုမရှိဘဲ မိုးခေါင်ခြင်း၊ မိုးများခြင်း မုန်တိုင်းဒဏ်ကြီးမားခြင်းကို မုံရွာမြို့အပါအဝင် ဒေသ၏မိုင် (၅၀) ခန့်အတွင်းရှိ ဒေသများသို့ အကျိုးသက်ရောက်နိုင်ပါသည်။ ပခုက္ကူတံတား မုန်တိုင်းပြီးခဲ့သည့် မုန်တိုင်းဒဏ်ကြောင့်ကျိုးစဉ် တောင်သူတစ်ဦးပြောပြသည်မှာ ၎င်းမုန်တိုင်းက လက်ပန်တောင်းတောင်ကိုကျော်ပြီး ဘုတလင်မြို့တောင်ဘက်ခြမ်းဆီသို့ ရောက်သွားခဲ့ပါသည်။ နှစ် (၆၀) စီမံကိန်းပြီးစီးခဲ့ပါလျင် ကျော်ရွာတံတားနှင့် ရွှေလှေတံတားကြား ကြေးနီတူးဖော်ရာတွင် စွန့်ပစ်မြေများပိတ်ဆို့မှုကြောင့် ချင်းတွင်းမြစ်ရေကြီး ချိန်တွင် မုံရွာမြို့ကို ရေလွှမ်းနိုင်ပါသည်။ ထိုလက်ပန်တောင်းတောင်ကြေးနီစီမံကိန်းကြောင့် ချင်းတွင်း-ဧရာဝတီ မြစ်ဆုံဒေသများသည် ဘေးထွက်ဆိုးကျိုးဖြင့် စိုက်ပျိုးမြေများ အက်စစ်ရေပြန့်နှံ၍ ဧက (၃၀၀၀၀၀) ခန့် ပျက်ဆီးဆုံးရှုံးနိုင်ပါသည်။

၎င်းခန့်မှန်းချက်များသည် လက်ပန်တောင်းတောင်၏ အနောက်မြောက်ဘက် (၂)မိုင်အကွာရှိ ကြေးနီများကို တူးဖော်ဆဲဖြစ်သော စံပါယ်တောင်ကို စံထားခြင်းဖြစ်ပါသည်။ ၁၉၆၁၊ ၆၂ တွင် စံပါယ်တောင်ကို ရုံးစိုက်၍ ကြေးနီကို ရှာဖွေရေးစတင်ခဲ့ပါသည်။ (ဥက္ကဌ-ဦးဝင်းအောင်) ၁၉၇၈ တွင် ဒုလုံခြုံစီမံမြေတိုင်းစာရေး ဦးတင်လှနှင့်အဖွဲ့က ကွင်းဆင်းခဲ့ပါသည်။ ၁၉၈၄ တွင် ယူဂိုနိုင်ငံနှင့် တွဲဖက်၍ စက်ရုံကို စမ်းသပ်လည်ခဲ့ပါသည်။ ၁၉၉၃ ခုနှစ်တွင် အိုင်ဘင်ဟိုးကုမ္ပဏီ (ကနေဒါနိုင်ငံ) နှင့် ဖက်ဆက်၍ (၁၈) နှစ်ကြာ တစ်ရက်လျင် တန် ၇၀ နှင့် ၁၀၀ကြား နေ့ညမနား တစ်ရက်ကို အလုပ်သမား သုံးဆိုင်းနှင့် လုပ်ကိုင်ခဲ့ပါသည်။ တစ်ရက်လျင် တန်(၈၀) နှုန်းဖြင့် တွက်လျင် (၁၈) နှစ်မှာ တန်(၅၁၈၄၀၀) ခန့် ကြေးနီသန့်စင် တူးဖော်ပြီးသားဖြစ်ပါသည်။ (လက်ပန်တောင်းတောင် စီမံကိန်းမှ တစ်နှစ်လျင် ကြေးနီတန်ချိန် တစ်သိန်းမှ တစ်သိန်းခွဲအထိ တူးဖော်သွားမည်ဟု သတင်းရရှိပါသည်။

ကြေးနီစတင်ထုတ်လုပ်စဉ်က ကြေးနီအရိုင်းတုံးများကို အမှုန့်အဖြစ်ကြိတ်ချေ၍ သန့်စင်ခဲ့သော်လည်း စရိတ်စက ကြီးမားသောကြောင့် ကြေးနီအရိုင်းတုံးများကို မိုးကာပေါ်ပုံပြီး စပန်ကလာစနစ်ဖြင့် ဆာလဖြူရစ်အက်စစ် ဖြန်းသည့်စနစ်နှင့် ကြေးနီကိုပြောင်းလဲ ထုတ်ခဲ့ပါသည်။ ကြေးနီထွက်သည့် စပါယ်တောင်သည် ဧက(၄၀)ခန့်ရှိသော်လည်း တူးဖော်သည့်အခါ ဧက(၇၀) ဖြစ်လာပါသည်။ အနက်မှာ ၄၀၅ အထိဖြစ်သည်ဟု သိရှိရပါသည်။ အက်စစ်ဖြန်းရန်ပုံရသည့် ဆဲလိုင်းမြေသည် ဧက(၇၀၀) ဖြစ်ပါသည်။ မိုးရာသီတွင် အက်စစ်ရေများမပြန့်နှံရန် ဆည်ဘောင်များပြုလုပ်သော်လည်း စနစ်တကျမရှိခြင်းကြောင့် ပြိုပြီး ကျေးရွာစိုက်ခင်းများနှင့် ရေမြောင်းထဲသို့ ပျံနှံခဲ့ပါသည်။ ထိုဘေးထွက်ဆိုးကျိုးကို စံပါယ်တောင်နှင့်နီးသည့် ကံကုန်း၊ ဒုန်းတော၊ ဂုံတော်၊ ရွာသာစသည့် ရွာ(၄)ရွာမှ လယ်ယာမြေဧက(၃၀၀၀)ခန့်သည် စွန့်ပစ်မြေများပုံခြင်းကြောင့် မူလစံပါယ်တောင်အမြင့် တစ်ဝက်ကျော်ရောက်နေ ပါသည်။ ရွာ(၄) ရွာမှ အိမ်ခြေပေါင်းသည် (၁၃၅၀) ဖြစ်ပြီး လူဦးရေမှာ (၇၀၀၀)ကျော်ဖြစ်ပါသည်။ ယခုအခါတွင် ရွာ(၄)ရွာ၏ မူလစိုက်ကွက် ဧက(၃၀၀၀)မှ စွန့်ပစ်မြေများပုံခြင်းကြောင့် ဧက(၈၀၀)ကျော်သာ ကျန်ရှိပါသည်။ ယခုလောလောဆယ်တွင် အက်စစ်ရေဆိုးများသည် ဒုန်းတောအုပ်စုတွင် ၈၆-ဧကခန့်၊ ကံကုန်းအုပ်စုတွင်၂၄-ဧကခန့် လွှမ်းမိုးခဲ့ပါသည်။ ယခင်က စပါး၊ ကြက်သွန်ဖြူ၊ ကြက်သွန်နီ၊ ကုလားပဲ၊ ဂျုံစိုက်ပျိုးခဲ့သော်လည်း ယခုအခါတွင် မည်သည်အသီးအနှံများကိုမှ စိုက်ပျိုး၍မရတော့ပါ။ သောက်ရေတွင်းများမှာလည်း ကြေးနီများကို ပင်လယ်ပြင် မျက်နှာပြင်အောက်အထိ တူးဖော်ခြင်းကြောင့် ရွာ(၄)ရွာစလုံး သောက်ရေတွင်းများမှာ လုံးဝခန်းခြောက် သွားပါသည်။ ကြေးနီစတင်တူးဖော် အိုင်ဘင်ဟိုးကုမ္ပဏီသည် သဘာဝပတ်ဝန်းကျင်ထိန်းသိမ်းရေးအတွက် သစ်ပင်ပေါင်း ၃၀၀၀၀၀ ကျော် စိုက်ပျိုးခဲ့သည်ကို သိမြင်ခဲ့ပါသည်။ ကြေးနီစီမံကိန်းကြီး ပြီးသွားလျင် စွန့်ပစ်မြေများပေါ်သို့ စိုက်ပျိုးမြေများ ပြန်လည်ဖုံးလွှမ်းပေးရမည်ဖြစ်သော်လည်း ယခုချိန်ထိ ၎င်းစီမံမှုများ လုံးဝ မတွေ့မမြင်မကြား သိရပါ။ ၎င်းတို့ (ဦးပိုင်+ယံစီ ဝမ်ပေါင်) သည် သဘာဝပတ်ဝန်းကျင်ထိန်းသိမ်းရေးအမြင်ဖြင့်

၁။ ဒေသ၏ ရာသီဥတု ပို၍ဆိုးရွားမလာစေရန် တာဝန်ယူနိုင်ပါမည်လား။

၂။ အသိမ်းခံရသည့် ၂၆ ရွာ၏ ဒေသခံတောင်သူများ၏ ဘဝလုံခြုံမှုကို တာဝန်ယူနိုင်ပါမည်လား။

၃။ နောင်နှစ်ပေါင်း ၆၀ ပြီးလျင် ဘေးထွက်ဆိုးကျိုးကို နည်းနိုင်သမျှနည်းအောင် တားဆီးမည့် စီမံချက်များကို ထုတ်ပြန်ပြီးပြီလား။

၎။ နောင်နှစ်ပေါင်း ၆၀ ပြီးလျင် ၎င်းကုမ္ပဏီတို့မှ ပတ်ဝန်းကျင်ဒေသခံတို့၏ ကျန်းမာရေးအတွက် မည်သို့စီမံထားသည်ကို ထုတ်ပြန်ပြီးပြီလား။

၅။ မြန်မာပြည်သူလူထုတို့၏ နှလုံးသည်းပွတ်ဖြစ်သော လက်ပန်တောင်းတောင်ရှိ လယ်တီဆရာတော် ဘုရားကြီး၏ ကျမ်းပြုရာ ဘူမိနတ်သံမြေ ပျက်စီးပျောက်ကွယ်သွားခြင်းအပေါ် ဗုဒ္ဓဝင်အပေါင်းတို့ ကျေနပ်အောင် မည်သို့ဖြေရှင်းပေး မည်လဲ။

၆။ ယာမြေများအသိမ်းခံရ၍ ကုမ္ပဏီသို့ ဝင်ရောက်လုပ်ကိုင်သည့် လူများ၏ စားဝတ်နေရေး မြင့်မားအောင် မည်သို့ဆောင် ရွက်ပေးမည်နည်း (ဥပမာ- တိုင်းရင်းသားပညာတတ် စက်မောင်းသမား၏ လစာသည် အမြင်ဆုံး ၂၅၀၀၀၀ိ/ ဖြစ်သော်လည်း တရုတ် သန့်ရှင်းရေးသမားတစ်ဦး၏ လစာသည် ၉၀၀၀၀၀ိ/ ဖြစ်သည်ဟု ကြားသိရပါသည်။ မိုင်းဝန်ထမ်းတစ်ယောက်သည် လွန်ခဲ့သောနှစ် ၃၀ က တစ်လလျင် ၂၅၀၀၀၀ိ/ ဖြင့် စက်မောင်းခဲ့ပါသည်။ သားတစ်ယောက် သမီးတစ်ယောက် ဘွဲ့ရပြီးဝင်ရောက်လုပ်ကိုင်ရာ ၎င်းမိသားစုသုံးဦး၏ ဝင်ငွေမှာ ၅၀၀၀၀၀ိ/ ခန့်ဖြစ်သည်။ ၎င်းဝင်ငွေသည် စားလောက်ရုံသာဖြစ်သည်။ ဘဝ အာမခံချက် မျှော်လင့်ချက် သူတို့မရပါ။)

ကံကုန်း၊ ဒုန်းတော၊ ဂုံတော၊ ရွာသာ စသည့်ရွာများမှ အသိမ်းခံရသည့် လယ်ယာမြေများအပေါ် ရသင့်ရထိုက်သည့် ဆုံးရှုံးနစ်နာကြေးများလည်း မရရှိသေးပါဟု ကြားသိရပါသည်။ စိုက်ပျိုးမြေများအပေါ် အက်စစ်ရေများ ပျံနှံစိမ့်ဝင်နေသည်ကို ရွာသားများမှ တင်ပြခဲ့သော်လည်း ယနေ့တိုင် တာဝန်ယူဖြေရှင်းပေးသည်ကို မတွေ့ရသေးပါ။ သောက်သုံးရေနှင့် အက်စစ်ကြောင့် ဖြစ်မည့်ကျန်းမားရေး လိုအပ်ချက်များကိုလည်း မလုပ်ပေးပါဟု ဒေသခံများက ပြောခဲ့ပါသည်။ ၎င်းရွာ ၄ ရွာမှ ၎င်းတို့၏ နစ်နာချက်များကို သက်ဆိုင်ရာသို့ မကြာမှီ စာရင်းတင်မည်ဟု သိရပါသည်။

(၎င်းသုံးသပ်ချက်များသည် အကျွန်ုပ် ပုဂ္ဂိုလ်တစ်ဦးတည်း၏ သုံးသပ်ချက်များဖြစ်ပါသည်။)

အမျိုးသားရေးဖြစ်သည့် ပြည်ထောင်စုမြန်မာနိုင်ငံ၏ စီးပွားရေး၊ ဘာသာရေး၊ ယဉ်ကျေးမှု တိုးတက်ထွန်းကားစေရန် အလို့ငှာ စာတမ်းပြုစုရခြင်းဖြစ်ပါသည်။ လက်ပန်တောင်းတောင်ကြေးနီစီမံကိန်းကြောင့် ဖြစ်ပေါ်လာမည့် ဆိုးကျိုးကို မည်သို့ဝိုင်းဝန်း ကာကွယ်တားဆီးကြမည်ကို အပြုသဘောဖြင့် ရေးသားလိုက်ရပါသည်။

မှတ်ချက် ။        ။ ပြည်သူများနှင့် သစ်ပင်ချစ်သူများအဖွဲ့ ၏လက်တလော လေ့လာတွေ့ရှိချက်။

သဘာဝပတ်ဝန်းကျင် ထိန်းသိမ်းရေး ဆပ်ကော်မတီ

(၈၊ ၉၊ ၂၀၁၂)

တပ်မတော်ဖခင် ဗိုလ်ချုပ်အောင်ဆန်း၊ ဗိုလ်ချုပ်ကြီးနေဝင်း၊ ဗိုလ်ချုပ်မှူးကြီးသန်းရွှေတို့ကို တပ်မတော်ကို ခေတ်ကာလနဲ့အညီ တည်ဆောက်ပေးခဲ့လို့ ကျေးဇူးတင်ထိုက်သူများအဖြစ် တစ်တန်းတည်းထားပြီး ရည်ညွန်းပြောကြားတဲ့အချက်နဲ့ လွှတ်တော်ထဲမှာ စစ်သား အမတ် ၂၅% ဘာကြောင့်ပါဝင်နေရသလဲ ဆိုတဲ့အချက်တွေပဲ ဖြစ်ပါတယ်။

တပ်မတော်ဖခင်လို့ ဗိုလ်ချုပ်အောင်ဆန်းကို ရည်ညွန်းသော်လည်း ယခင်က “အောင်ဆန်းစစ်ကြောင်း” ဆိုတာ ရှိခဲ့ပြီး (နဝတ-နအဖ) ခေတ်မှာ ဖြုတ်ပယ်ခဲ့ပါတယ်။ အခုလည်းဖြုတ်ပယ်ထားဆဲပါ။ ထားပါတော့။

နောက်တစ်ချက်က ဗိုလ်ချုပ်အောင်ဆန်း နိုင်ငံရေးလုပ်တော့ စစ်တပ်ကနေပြတ်ပြတ်သားသားထွက်ပြီး နိုင်ငံရေးကို ခြေစုံပစ်ပြီး လုပ်ခဲ့သူဖြစ်တယ်။ ဗိုလ်ချုပ်အောင်ဆန်းဟာ “ကိုအောင်ဆန်း-  သခင်အောင်ဆန်း-  ဗိုလ်အောင်ဆန်း- ဦးအောင်ဆန်း” စသဖြင့် ကျောင်းသား၊ နိုင်ငံရေးသမားဘဝကနေ တော်လှန်ရေးတပ်မတော်သား၊ တော်လှန်ရေး တပ်မတော်သားဘဝကနေ နိုင်ငံရေးသမားဘဝကို အဆင့်ဆင့်ပြောင်းလဲခဲ့တာပါ။

ဗိုလ်ချုပ်အောင်ဆန်းနဲ့ ဗိုလ်နေဝင်းကို တစ်တန်းထဲထားဖေါ်ပြစရာဆိုလို့ “ရဲဘော်သုံးကျိပ်” စာရင်းကို ရေးသားဖေါ်ပြရာမှာပဲ ဖြစ်တယ်။ ဒါတောင် ဒို့ဗမာအစည်းအရုံးဆိုတဲ့ ရှုဒေါင့်ကနေ ကြည့်ရင် “သခင်ကိုယ်တော်မှိုင်း” အုပ်စုဝင် သခင်အောင်ဆန်းနဲ့ “သခင်ထွန်းအုပ် – သခင်ဗစိန်” အုပ်စုဝင် သခင်ရှုမောင်အဖြစ် ကွဲပြားနေသေးတယ်။

ဗိုလ်နေဝင်းဟာ စစ်တပ်ကိုတစ်လက်ကိုင်တပ်အဖြစ် အုပ်စီးခဲ့ပြီး စစ်အာဏာရှင်စနစ်ကို စတင်အခြေချခဲ့သူ အကောင်အထည် ဖော်ခဲ့သူဖြစ်တယ်။ ဒါကြောင့် ဗိုလ်နေဝင်းဟာ လက်ရှိစစ်အုပ်စုနဲ့စစ်အာဏာရှင်စနစ်ရဲ့ ဂေါ့ဖားသားဖြစ်တယ်။

ဗိုလ်နေဝင်းဟာ “တော်လှန်ရေးကောင်စီ” ဆိုပြီး ၁၂ နှစ် အုပ်စိုးခဲ့ပြီး စစ်အာဏာရှင်စနစ်ကို  ဖွဲ့စည်းပုံအခြေခံဥပဒေ (၁၉၇၄) စိတ်ကြိုက်ရေးဆွဲကာ (မဆလ) တစ်ပါတီအာဏာရှင်စနစ်နဲ့ (၁၄) နှစ် (၁၉၇၄- ၁၉၈၈) ကြာ ဖိနှိပ်ခဲ့တယ်။

ဗိုလ်သန်းရွှေကတော့ (နဝတ-နအဖ) စစ်ကောင်စီက ၂၁ နှစ် (၁၉၈၈ -၂၀၁၀) ဖိနှိပ်အုပ်စိုးခဲ့ပြီး၊ စစ်အာဏာရှင်စနစ်ကို ဖွဲ့စည်းပုံအခြေခံဥပဒေ (၂၀၀၈) စိတ်ကြိုက်ရေးဆွဲပြီး “စည်းကမ်းပြည့်ဝတဲ့ဒီမိုကရေစီ” ဆိုတဲ့ မျက်နှာဖုံး စွပ်ပေးခဲ့တယ်။

စစ်အုပ်စုဖွဲ့ပြီး စစ်တပ်ကို တစ်လက်ကိုင်လုပ်တဲ့အစဉ်အလာဟာ ဗိုလ်နေဝင်းလုပ်နည်းဖြစ်တယ်။ ဒီနည်းကို ဗိုလ်သန်းရွှေက ဆက်ခံခဲ့တာဖြစ်တယ်။
ဒါကြောင့် ဗိုလ်မင်းအောင်လှိုင်တို့ လက်ရှိစစ်အုပ်စုဟာ ဗိုလ်နေဝင်း- ဗိုလ်သန်းရွှေတို့ရဲ့ စစ်အာဏာရှင်နစ် အမွေခံတွေသာ ဖြစ်တယ်။
လက်ရှိစစ်အုပ်စုဟာ ဗိုလ်ချုပ်အောင်ဆန်းရဲ့နိုင်ငံရေးအစဉ်အလာကို ဆက်ခံသူတွေ မဟုတ်ဘူး။

ဗိုလ်ချုပ်အောင်ဆန်းက တပ်ကိုအသုံးချပြီး နိုင်ငံရေးမလုပ်ခဲ့ဘူး၊ ကိုယ်ကျိုးစီးပွား မစုဆောင်းခဲ့ဘူး။ ဗိုလ်နေဝင်းတို့ ဗိုလ်သန်းရွှေတို့က စစ်တပ်ကို ခါးပိုက်ဆောင်တပ်အဖြစ် တစ်လက်ကိုင်ပြုကာ စစ်အာဏာရှင်စနစ်ဖန်တီးပြီး  ကိုယ်ကျိုးစီးပွားစု ဆောင်းခဲ့ကြတာ ဖြစ် တယ်။ ဒါဟာ ဗိုလ်ချုပ်အောင်ဆန်းနဲ့ ဗိုလ်နေဝင်း- ဗိုလ်သန်းရွှေတို့ အရင်းခံခြားနားချက်ဖြစ်ပါတယ်။ ထပ်တူနှိုင်းယှဉ်လို့မရတဲ့ မတူညီတဲ့ အစဉ်အလာဖြစ်တယ်။

ဒီနေ့စစ်အုပ်စုဟာ စစ်တပ်နဲ့ရှင်းရှင်းပြတ်ပြတ်ခွဲခြားပြီး နိုင်ငံရေးလုပ်ခဲ့တဲ့ ဗိုလ်ချုပ်အောင်ဆန်းအစဉ်အလာနဲ့ ပြဒါးတစ်လမ်း သံတစ်လမ်း ဆန့်ကျင်ပြီး ဗိုလ်နေဝင်း- ဗိုလ်သန်းရွှေတို့ရဲ့စစ်တပ်ကို ခါးပိုက်ဆောင်တပ်အဖြစ်ထားပြီး နိုင်ငံရေးလုပ်ကာ ကိုယ်ကျိုးစီးပွားရှာတဲ့ လုပ်ဟန်ကို အမွေဆက်ခံထားသူတွေဖြစ်ပါတယ်။ “အမျိုးသားနိုင်ငံရေး” ဆိုတာကို ဗန်းပြအရေခြုံထားတယ်။

ဗိုလ်မင်းအောင်လှိုင်က “လွှတ်တော်အသီးသီးမှာ စစ်သားအမတ်တွေ ပါဝင်နေတယ်ဆိုတာ သမိုင်းကြောင်းအရ ပါဝင်နေတာဖြစ်ပြီး၊ အမျိုးသားနိုင်ငံရေးတာဝန်တစ်ရပ်ကို ထမ်းဆောင်နေတာဖြစ်တယ်” လို့ သူ့မိန့်ခွန်းထဲမှာ ထည့်ပြောထားတယ်။ စစ်မှုထမ်းဥပဒေနဲ့ စစ်သားလုပ်နေသူတွေ မဟုတ်ဘူး၊ ခံယူချက်နဲ့စစ်ထဲဝင်ခဲ့ကြသူတွေဖြစ်တယ်လို့လည်းဆိုတယ်။

(လပခ) တိုင်းမှူးဟောင်း (နဝတ) ဗိုလ်ထွန်းကြည်ရဲ့ကိုယ်တိုင်ရေးအထ္ထုပ္ပတ္တိမှာပါတဲ့ (ဝင်းဦးကိုအားကျတဲ့) ခံယူချက်မျိုးလား မသိပါ။
ဒါအပြင် “ဖွဲ့စည်းပုံအခြေခံဥပဒေ (၂၀၀၈)” ထဲက ပုဒ်မ ၂၀၊ ပုဒ်မခွဲ (စ) ကို ကိုးကားပြီး “စစ်တပ်က ဖွဲ့စည်းပုံအခြေခံဥပဒေကို အဓိကတာဝန်တစ်ရပ်အနေနဲ့ ကာကွယ်စောင့်ရှောက်သွားမယ်” လို့ အခိုင်အမာထည့်သွင်းပြောကြားခဲ့ပါတယ်။

ဒီပြောကြားချက်ဟာ ရေဒီယိုနဲ့ရုပ်မြင်သံကြားကနေ မတ်လ ၁၄ ရက်နေ့က ပြောကြားခဲ့တဲ့ ဒေါ်အောင်ဆန်းစုကြည်ရဲ့ ပြောကြားချက်ကို တုန့်ပြန်တာလို့ ယူဆနိုင်ပါတယ်။

“အမျိုးသားဒီမိုကရေစီအဖွဲ့ချုပ်ရဲ့ အဓိကရည်ရွယ်ချက်တွေအနက် ထိပ်တန်းတင်ထားတဲ့ ကိစ္စသုံးရပ်ကတော့ တရားဥပဒေ စိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့စည်းပုံအခြေခံဥပဒေပြင်ဆင်ရေးတို့ ဖြစ်ပါတယ်”

ဒေါ်အောင်ဆန်းစုကြည်က သူ့ဟောပြောချက်ထဲမှာ လက်ရှိဖွဲ့စည်းပုံ အခြေခံဥပဒေ(၂၀၀၈) ထဲက ဒီမိုကရေစီစံနှုန်းနဲ့ မကိုက်ညီတာတွေထဲက ထင်ရှားတဲ့ဥပမာတစ်ခုအဖြစ် “၂၀၀၈ ဖွဲ့စည်းပုံအခြေခံဥပဒေမှာ ရွေးကောက်ခံမဟုတ်တဲ့ (စစ်တပ်) လွှတ်တော် ကိုယ်စားလှယ် ၂၅ ရာခိုင်နှုန်းပါဝင်နေတာကို ပြည်သူတွေအသိဖြစ်ပါတယ်” ဆိုပြီး ထည့်သွင်းပြောကြားခဲ့ပါတယ်။

“အခြေခံဥပဒေကို အဓိကတာဝန်တစ်ရပ်အနေနဲ့ ကာကွယ်စောင့်ရှောက်သွားမယ်” လို့ ဆိုရာမှာ အခြေခံဥပဒေနဲ့အညီ အာဏာသိမ်းနိုင်တဲ့ တာဝန်နဲ့လွှတ်တော်အသီးသီးအတွင်းမှာရှိတဲ့စစ်သားအမတ်တွေရဲ့တာဝန်လို့ပေါင်းပြီး ပြောတာဖြစ်ပါတယ်။
ဒါပေမယ့် ဒီတာဝန်တွေကို ကာကွယ်ရေးဦးစီးချုပ်ကသာ အမိန့်ပေးညွန်ကြားဆောင်ရွက်မှာ ဖြစ်ပါတယ်။
လွှတ်တော် အသီးသီးမှာရှိတဲ့ ၂၅% စစ်သားအမတ်တွေကို ကာကွယ်ရေးဦးစီးချုပ်က စိတ်ကြိုက်ခန့်နိုင်/ဖြုတ်နိုင်/ လဲလှယ် နိုင်ပါတယ်။
စစ်သားအမတ်ဆိုတာမှာလည်း အမြင့်ဆုံးအဆင့်က “ဗိုလ်မှူးကြီး” အထိပဲပါတာပါ။ ဒါကလည်းအနည်းစုပါ။ ကျန်တဲ့အများစုက ဗိုလ်မှူးအဆင့်နဲ့ ဗိုလ်ကြီးအဆင့် ဂျူနီယာလေးတွေဖြစ်ပါတယ်။ သူတို့ခမျာလည်း “စစ်စည်းကမ်း” ဆိုတာနဲ့ အသေချည်တုတ်ခံထားရသူ တွေဖြစ်ပါတယ်။ ဒါကြောင့် ကာကွယ်ရေးဦးစီးချုပ်ကို ဆန့်ကျင်တဲ့မဲ စစ်သားအမတ်တွေမပေးဝံ့ပါဘူး။

ဒါကြောင့် “ဖွဲ့စည်းပုံအခြေခံဥပဒေကို အဓိကတာဝန်တစ်ရပ်အနေနဲ့ ကာကွယ်စောင့်ရှောက်သွားမယ့်” ဗိုလ်မင်းအောင်လှိုင်နဲ့ NLD က ထိပ်တန်းတင်ထားတဲ့ ကိစ္စသုံးရပ် (တရားဥပဒေ စိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့စည်းပုံအခြေခံဥပဒေပြင်ဆင်ရေး) ကတော့ ရှောင်လွှဲလို့မရအောင် ထိပ်တိုက်တွေ့နေပါပြီ။

“၁ ဧပြီကြားဖြတ်ရွေးကောက်ပွဲ” မှာ အနိုင်ရရုံနဲ့ “NLD ရဲ့ထိပ်တန်းကိစ္စသုံးရပ်” ဖြစ်မြောက်မလာနိုင်ဘူးဆိုတာ NLD ကလည်း နားလည်သလို၊ လက်ရှိ ဦးသိန်းစိန်စစ်တစ်ပိုင်းအစိုးရကလည်း သိပါတယ်။
NLD ရဲ့ ထိပ်တန်းတင်ထားတဲ့ကိစ္စသုံးရပ်ဆိုတာဟာ စစ်တပ်နဲ့ ဖွဲ့စည်းပုံအခြေခံဥပဒေကို ပြုပြင်ပြောင်းလဲ၊ ပြင်ဆင်နိုင်မှသာ ဖြစ်မြောက်ပါလိမ့်မယ်။

ဒီလိုပြုပြင်ပြောင်းလဲနိုင်ဖို့အတွက် NLD အနေနဲ့ လွှတ်တော်အဆင့်ဆင့် (ပြည်သူ့လွှတ်တော်+ အမျိုးသားလွှတ်တော်) ထဲမှာ  ၇၅% ကျော်မယ့်လွှတ်တော်ကိုယ်စားလှယ်တွေရဲ့ ဆန္ဒမဲတွေလိုပါတယ်။ ပြည်သူ့ဆန္ဒခံယူပွဲမှာလည်း ထက်ဝက်ကျော်မဲဆန္ဒရဖို့လိုပါတယ်။
လောလောဆယ်မှာတော့ ရွေးကောက်ပွဲကော်မရှင်နဲ့ အဆင့်ဆင့်သော အာဏာပိုင်တွေရဲ့ ညစ်ပတ်ကောက်ကျစ်မှုတွေကို NLD ရင်ဆိုင်နေရပါတယ်။

ညွန်း
၁။ မတ်လ ၁၄ ရက်နေ့ ၊ ရေဒီယို/ရုပ်မြင်သံကြားတို့မှ ဒေါ်အောင်ဆန်းစုကြည်၏ ဟောပြောတင်ပြချက် ( ဒီလှိုင်း စာစောင် အတွဲ၁ အမှတ် ၁၀ ၊ စာမျက်နှာ ၆)
၂။ ၂၀၁၂ ခုနှစ်၊ မတ်လ ၂၇ ရက်၊ ကာကွယ်ရေးဦးစီးချုပ် မိန့်ခွန်း (မြန်မာ့အလင်းသတင်းစာ ၂၈ မတ်)

တူမောင်ညို

၂၀၁၂ ခုနှစ်၊ မတ်လ ၂၈ ရက်

၁၉၆၂ ခုနှစ်က လူထုရွေးချယ်တင်မြှောက်ထားတဲ့ အစိုးရကို စစ်ဗိုလ်ချုပ်များ လက်နက်အားကိုးနဲ့ အာဏာသိမ်းလိုက်စဉ်က နိုင်ငံရေးအမျှော်အမြင်ရှိတဲ့ပုဂ္ဂိုလ်တွေက (Burma for Army – သွားပြီကွာ) လို့ ငြီးတွားခဲ့တြယ်လို့ ဆိုပါတယ်။

တိုင်းပြည်မှာ စစ်ရေးသက်သက် တာဝန်ယူရမဲ့သူတွေက ကိုယ်မကျွမ်းကျင်တဲ့ တိုင်ရေးပြည်ရေး အုပ်ချုပ်စီမံခန့်ခွဲရေးတွေမှာ လုပ်ငန်းတိုင်း ဌာနတိုင်းမှာ ၀င်ရောက်စွက်ဖက်ခဲ့လို့ တိုးတက်ဖွံ့ဖြိုးရေးကို မစွမ်းဆောင်နိုင်ယုံသာမက နဂိုမူလရှိပြီး၊ တည်ဆောက်ပြီးသား ပညာရေး၊ ကျန်းမာရေး၊ စီးပွားရေး၊ တရားဥပဒေ စိုးမိုးရေး အရာအားလုံး ပျက်စီးခဲ့ရတယ်။ သူများတိုင်းပြည်များနည်းတူ နည်းပညာဖွံ့ဖြိုးတိုးတက်မှုတွေ ဖြစ်ထွန်းအောင် မစွမ်းဆောင်နိုင်ခဲ့တော့ ဘိုးဘွားပိုင်သယံဇာတကို အိုးရောင်းခွက်ရောင်း ရောင်းစားတဲ့ နိုင်ငံဖြစ်ခဲ့ တယ်။ ဒါအပြင် တိုင်းသူပြည်သားလူအများရဲ့ လူ့စွမ်းအားအင်းအမြစ်ကို တန်ဘိုးမထားခဲ့လို့ တိုင်းပြည်ရဲ့ ကာယဥာဏစွမ်းအားတွေ အသုံးမကျဖြစ်ခဲ့ရတယ်။

တကယ်တော့ တိုင်းပြည်တခု အင်အားရှိအောင်၊ ကမ္ဘာ့အလယ်တင့်တယ်အောင် လုပ်ဆောင်ကြရာမှာ စစ်တပ်တခုတည်းနဲ့ မလုပ်ဆောင်နိုင်ပါဘူး။ ပညာရေး၊ ကျန်းမာရေး၊ စီးပွားရေး၊ ကုန်သွယ်ရေး၊ တရားဥပဒေ စိုးမိုးရေး၊ စိုက်ပျိုးရေး၊ ကုန်ထုတ်လုပ်ရေး၊ ဘာသာရေး၊ ရိုးရာယဉ်ကျေးမှု ထိမ်းသိမ်းရေး၊ နိုင်ငံတကာဆက်ဆံရေး စသဖြင့် ကဏ္ဍအသီးသီးမှာ အခန်းကဏ္ဍအလိုက် တတ်ကျွမ်းနားလည်သူတွေက ဦးဆောင်နိုင်မှသာ ကမ္ဘာ့အလယ်မှာ ခန့်ခန့်ထည်ထည်နေနိုင်မှာ ဖြစ်ပါတယ်။

လယ်သမားအလုပ်နဲ့ စစ်ဗိုလ်စစ်သားအလုပ် လုပ်ငန်းသဘာဝခြင်း မတူညီသလို စစ်ဗိုလ်စစ်သားအလုပ်နဲ့ ကုန်သည်အလုပ်လဲ လုပ်ငန်းသဘောသဘာဝခြင်း မတူညီပါဘူး။ ထို့နည်းအတူ ကုန်သည်အလုပ်နဲ့ ကျောင်းဆရာအလုပ် မတူကွဲပြားခြားနားသလို ကျောင်းဆရာရဲ့ အလုပ်နဲ့ ဆေးဘက်ဆိုင်ရာကျွမ်းကျင်သူ ဆရာဝန်၊ သူနာပြုအလုပ်လဲ မတူညီပါဘူး။ အဲဒီလိုဘဲ။  ရဲဝန်ထမ်းတွေ၊ အကျဉ်းဦးစီးဌာနက ၀န်ထမ်းတွေရဲ့ လုပ်ငန်းသဘောသဘာဝတွေဟာ စစ်တပ်ရဲ့အလုပ်နဲ့ မတူကွဲပြားခြားနားပါတယ်။

တိုင်းပြည်တွင်းက မတူကွဲပြားခြားနားတဲ့ အလုပ်တွေကို စစ်တပ်တခုထဲက သေစေလောက်တဲ့ လက်နက်ကို ကိုင်ဆောင်ထားနိုင်ယုံနဲ့ အလုပ်အားလုံးအပေါ်မှာ အထိုင်ချ၊ နေရာတက်ယူ၊ ဆရာကြီးလုပ်၊ လမ်းညွန်ချက်ပေး၊ အမိန့်တွေထုတ် စေခိုင်းနေတာဟာ လုံးဝ-လုံးဝ သဘာဝမကျသလို နိုင်ငံတိုးတက်ဖွံ့ဖြိုးရေးအတွက် အနှောက်အယှက် အဟန့်အတား ဖြစ်စေပါတယ်။

စစ်တပ်ရဲ့ သဘောသဘာဝက စည်းကမ်းသေ၀ပ်မှု၊ အမိန့်နာခံမှုတွေကို အရေးထားကျင့်သုံးကြရတာဖြစ်ပေမဲ့ အရပ်ဘက်လူ့အဖွဲ့အစည်းကတော့ လွတ်လပ်မှု၊ တဦးကိုတဦး အပြန်အလှန်လေးစားမှုကို အဓိကသော့ချက်ထားကြတာ ဖြစ်ပါတယ်။

နာခံတတ်သူတွေဟာ အကြံကောင်းဥာဏ်ကောင်း မထွက်တတ်ပါဘူး။ အကြံကောင်းဥာဏ်ကောင်းရှိသူတွေကလဲ အဓိပ္ပါယ်မဲ့တဲ့ အမိန့်တွေကို မနာခံတတ်ပါဘူး။  အကြံကောင်းဥာဏ်ကောင်းရှိသူတွေကို နာခံခိုင်းရင် အကြံဥာဏ်တွေကို မြိုချပြီး အကြံကောင်းကို ထုတ်ပြောကြမယ် မဟုတ်ပါဘူး။ အကြံမပြုခင် ခြိမ်းခြောက်အာဏာပြတတ်တဲ့၊ ပေးတဲ့အကြံလဲ နားမထောင်တတ်တဲ့ စစ်ဗိုလ်တွေနဲ့ အလုပ်တွဲမလုပ်ချင်ဘူးဆိုပြီး ဘေးထွက်ထိုင်နေကြမှာပါဘဲ။ မြန်မာပြည်မှာ အမိန့်နဲ့စေခိုင်းတာကို မနာခံချင်လို့ ကိုယ်တတ်သမျှ သိသမျှ အတွေ့အကြုံတွေ အကြံကောင်းတွေ မြိုချပြီး တိုင်းပြည်တည်ဆောက်ရေးထဲ ၀င်မပါတော့ဘဲ အပြင်လောကမှာ သာမန်အိမ်၊ သာမန်ဘ၀ကလေးနဲ့ မထင်မရှား နေထိုင်နေသူ ပညာရှင်တွေ ဒုနဲ့ဒေး ရှိနေပါတယ်။ အချို့သော ပညာရှင်များကတော့ နိုင်ငံရပ်ခြားကို သွား ရောက်နေထိုင်ပြီး ကိုယ့်ပညာ ကိုယ့်အကြံဥာဏ်ကို အသုံးချသွားမှာ ဖြစ်ပါတယ်။ နာခံတတ်တဲ့ တောင်မရောက် မြောက်မရောက် ကချွတ်ကခြောက် ပညာမတောက်တခေါက်တွေလောက်နဲ့ တိုင်းပြည်တည်ဆောက်နေရင် နောင်မှာလဲ မွဲမွဲတေတေ တိုင်းပြည်တွေထဲက ဖွတ်တိုင်းပြည် ဖြစ်နေဦးမှာပါဘဲ။

တိုင်းပြည်မှာ စစ်တပ်က အာဏာကို ဘယ်လောက်ထိ ဆိုးဆိုးရွားရွားယူခဲ့ သလဲဆိုတာ ပြောချင်ပါသေးတယ်။ အမြင့်ဆုံး အုပ်ချုပ်ရေး အာဏာပိုင် သမ္မတနေရာမှ အနိမ့်ဆုံးသခြိုင်းကုန်းက သုဘရာဇာအလုပ်ထိ နေရာယူလုပ်ကိုင်ခဲ့တာကို တွေ့ရပါတယ်။ လူသေကို မီးသဂြိုလ်တာတောင် ဗိုလ်မှူးလက်မှတ်ထိုးပြီးမှ သဂြိုလ်ခွင့်ပြုတယ်ဆိုတဲ့အထိ ပါလေရာ ပဲခူးဆား လုပ်ခဲ့တာ သေချာပါတယ်။

အကျဉ်းထောင်တွေမှာ စစ်တပ်ကစစ်ဗိုလ်တွေ ၀င်ရောက်အုပ်ချုပ်တာနဲ့ပတ်သက်ပြီး အကျဉ်းဦးစီးဌာနက အရပ်သားဝန်ထမ်းတဦး ပြောပြဘူးတာက (အကျဉ်းထောင်ဆိုတာ လူဆိုးလူမိုက် စရိုက်စုံတယ်။ သူတို့ကို ငြိမ်ဝပ်အောင် စိတ်ကိုစိတ်နဲ့ဘဲ အုပ်ချုပ်ရတယ်။ စစ်တပ်က စစ်ဗိုလ်တွေလာပြီး အုပ်ချုပ်တဲ့အခါ စစ်တပ်စည်းကမ်းတွေနဲ့ အကျဉ်းသားတွေကို အတင်းအကျပ်အုပ်ချုပ်တိုင်း ထောင်ဆူတတ်တယ်။ ပြဿနာအမျိုးမျိုးတက်ပြီး အဲဒီစစ်ဗိုလ် ပြုတ်ရင်ပြုတ်။ မပြုတ်ရင် ပြောင်း။ မပြောင်းရင် အလုပ်ထွက်ဖြစ်သွာတာဘဲ) တဲ့။ ဒီလိုဖြစရတာဟာ အရပ်ဘက် အုပ်ချုပ်ရေးရဲ့ ပညာသားပါမှုကို စစ်ဗိုလ်တွေ နားမလည်တာပါ။

အခုအချိန်မှာ စစ်တပ်က နိုင်ငံပိုင်စက်ရုံအများစုကို စစ်တပ်ပိုင်စက်ရုံတွေအဖြစ် မြန်မာ့စီးပွားရေးဦးပိုင်လက်အောက် ပြောင်းလဲလုပ်ကိုင်နေတာလဲ အားလုံးသိကြမယ်ထင်ပါတယ်။ မြန်မာ့စီးပွားရေးဦးပိုင်ဆိုတာ စစ်တပ်ပိုင်လုပ်ငန်းတွေပါ။ မြန်မာ့ဦးပိုင်လက်အောက်မှာ မွေးမြူရေးလုပ်ငန်း၊ သတ္တုတူးဖေါ်ရေးလုပ်ငန်း၊ လူသုံးကုန်ပစ္စည်းထုတ်လုပ်မှုလုပ်ငန်း၊ ရေထွက်ပစ္စည်းလုပ်ငန်း၊ ကျောက်မျက်ရတနာလုပ်ငန်း၊ ပို့ဆောင် ဆက်သွယ်ရေးလုပ်ငန်း၊ ဟိုတယ်နှင့် ခရီးသွားလုပ်ငန်းကစလို့ ငှက်သိုက်လုပ်ငန်းအထိ စီးပွားရေးလုပ်ငန်းကြီးငယ် အသွယ်သွယ် အမျိုးမျိုးထောင်နဲ့ချီပြီးရှိပေမဲ့ အကျိုးအမြတ်အားလုံး တိုင်းသူပြည်သားတွေနဲ့ မသက်ဆိုင်ပါဘူး။ မြန်မာ့စီးပွာရေးဦးပိုင်ဟာ ပါရမီတက္ကစီလို တက္ကစီမောင်းသမားတွေရဲ့ အသက်မွေးဝမ်းကျောင်းလုပ်ငန်းမျိုးထိ လုပ်ငန်းကိုင်ငန်းအခွင့်အလမ်းမှန်သမျှ
သိမ်းပိုက်ထားလို့ တိုင်းသူပြည်သားတွေမှာ ကောက်သင်းကောက် စီးပွားရေးဘဲ လုပ်ကိုင်စားကြပါတယ်။ ဒီလိုနဲ့ တတိုင်းပြည်လုံး ဆင်းရဲမွဲတေမှုတွေ မြင့်တက်လာပါတယ်။

ချမ်းသာကြွယ်ဝတဲ့ တိုင်းပြည်တွေက ဆင်းရဲမွဲတေမှုဆိုတာ လူနေမှုအဆင့်အတန်း နိမ့်ကျသွားတာကိုဆိုလိုပေမဲ့ မြန်မာပြည်လို တိုင်းပြည်တခုက ဆင်းရဲမွဲတေမှုဆိုတာ သေသွားတာကို ဆိုလိုပါတယ်။ အဆိုးရွားဆုံးကတော့ တိုင်းပြည်ရဲ့ ပညာရေး၊ ကျန်းမာရေးဖျက်ဆီးမှု (ပျက်စီးခြင်းကနောက်၊ ဖျက်ဆီးခြင်းကအရင်) ဆီက ဆင်းသက်လာတဲ့ ပညာမဲ့ခြင်း။ ပညာမဲ့တော့ မသိ။ မသိတော့ မစွမ်းဆောင်နိုင်။ မစွမ်းဆောင်နိုင်ရာက နောက်ဆုံးတော့…. သေဆုံး။

အခုတလော စစ်တပ်နောက်ခံ ကြံ့ဖွတ်အစိုးက ပြုပြင်ပြောင်းလဲရေးဆိုတဲ့ စကားလုံးကို ပြောဆိုလာတာကို ကြားသိနေရပါတယ်။ စစ်အာဏာရှင်များအနေနဲ့ ပြုပြင်ပြောင်းလဲလိုစိတ် အမှန်တကယ် ရှိ/မရှိဆိုတာ မေးခွန်းတွေ ရှိနေဦးမှာပါ။ ပြည်သူလူထု သတိထားမှာက  ပြုပြင်ပြောင်းလဲရေးဆိုတဲ့ စကားလုံးအသုံးအနှုန်းကို ဘယ်စနစ်က ဘယ်စနစ်ကို ပြောင်းပြောင်း၊ အစိုးရများ ခေါင်းဆောင်ဆိုသူများ လေကြီးကြီးနဲ့ အော်နေကြ၊ ပြောနေကြဆိုတာပါဘဲ။

၁၉၇၉ ခုနှစ်က အာဖကန်နစ်စတန်နိုင်ငံကို ရုရှားတပ်တွေ ၀င်လာတော့လဲ ပြုပြင်ပြောင်းလဲရေးလို့ ကြွေးကြော်ခဲ့ကြပါတယ်။ ဒါပေမဲ့ နောက်ပိုင်းအာဖကန်ပြည်သူပြည်သားတွေရဲ့ လုပ်နိုင်ကိုင်နိုင်၊ ပြောနိုင်ဆိုနိုင်ခွင်တွေ ပိတ်ပင်ခဲ့လို့ အာဖကန်ပြည်သူတွေ ပြည်ပကို ထွက်ပြေးခဲ့ကြရတယ်။ ၁၉၆၂ ခုနှစ်က စစ်အာဏာရှင် ဗိုလ်နေ၀င်း စပြီးအာဏာသိမ်းချိန်မှာလဲ (ခေတ်ပြောင်းတော်လှန်ရေး) လို့ အမည်တပ်ခဲ့တယ်ဆိုတာ မမေ့သင့်ပါ။ လက်တွေ့မှာတော့ ပြည်သူလူထု အကျိုးစီးပွားမပါဘဲ အာဏာတည်မြဲရေးအခြေခံတဲ့ စစ်တပ်အကျိုးစီးပွားချည်းသက်သက် လုပ်ကိုင်သွားတာကို နိုင်ငံသားတိုင်းသိပြီး ဖြစ်ပါတယ်။

ပြည်သူတွေ ဆန်းစစ်ရမှာက ပြုပြင်ပြောင်းလဲရေးဆိုရာမှာ ပြည်သူ့အကျိုးစီးပွား ဘယ်လောက်ပါပြီလဲဆိုတာ လေ့လာဆန်းစစ်သုံးသပ်ကြရမှာ ဖြစ်ပါတယ်။ အစိုးရဆိုတာ ဘယ်အစိုးရဖြစ်ဖြစ် အတူတူတွေချည်းဘဲဆိုတဲ့ ရှေးရိုးစွဲအဆိုတရပ်နဲ့ နိုင်ငံရးကို လျစ်လျူရှုနေလို့ မဖြစ်ပါဘူး။

အစိုးရတွေ မတူကြပါဘူး။ ဆရာဝန်တွေ ဆရာဝန်ခြင်းမတူသလို ကျောင်းဆရာတွေလဲ ကျောင်းဆရာခြင်း မတူပါဘူး။ အပ်ချုပ်ဆရာတွေ အပ်ချုပ်ဆရာခြင်း မတူသလို ဆံပင်ညှပ်ဆရာလဲ ဆံပင်ညှပ်ဆရာခြင်း မတူပါဘူး။ ထပ်ပြောပါဦးမယ်။ မုန့်ဟင်းခါးဆိုင်လဲ တဆိုင်နဲ့တဆိုင်မတူပါဘူး။ ထမင်းဆိုင်လဲ ထမင်းဆိုင်ခြင်း မတူပါဘူး။ စိတ်စေတနာနဲ့ ကျွမ်းကျင်မှုအပေါ် မူတည်ပြီး အကျိုးကျေးဇူးတွေ ကွာခြားကြပါတယ်။ ဒီလိုပါဘဲ။ အစိုးရတွေလဲ စနစ်တခုနဲ့တခု၊ အစိုးရတခုနဲ့တခု မတူပါဘူး။ မတူကြလို့သာ ကမ္ဘာပေါ်မှာ မတူညီတဲ့ စနစ်တွေအောက်က မတူညီတဲ့ အစိုးရတွေအပေါ် မူတည်ပြီး တိုင်းသူပြည်သားတွေ ချမ်းသာသုခ၊ ဆင်းရဲဒုက္ခ မတူကြတာဖြစ်ပါတယ်။ ဘ၀လုံခြုံမှုတွေ ကွာခြားကြတာ ဖြစ်ပါတယ်။ မတူညီတဲ့စနစ်နဲ့ မတူညီတဲ့အစိုးရတွေ ဒီကမ္ဘာပေါ်မှာရှိနေတာ အမှန်စင်စစ် ဧကန်ဖြစ်လို့ ပြည်သူ့အကျိုးစီးပွား အကောင်းဆုံးလုပ်ဆောင်ပေးမဲ့စနစ်နဲ့ အစိုးရမျိုးရရှိအောင် ကြံဆောင်ကြရမှာ ဖြစ်ပါတယ်။

မြန်မာပြည်မှာ ယခုပြောဆိုနေကြတဲ့ ပြုပြင်ပြောင်းလဲရေးဆိုတာ စစ်အုပ်စုရဲ့ ၂၀၀၈ ဖွဲ့စည်းပုံကို မှီတည်ပြီး သွားနေသေးတာဖြစ်လို့ ပြည်သူ့အကျိုးစီးပွား အဓိကမဟုတ်သေးဘဲ (စစ်တပ်အဓိက) ဖြစ်နေသေးတယ်ဆိုတာ တာဝန်သိသိ သတိရှိရှိ မမေ့ကြဘို့ လိုပါတယ်။ မယောင်မန မတွေဝေကြပါနဲ့။ သေနတ်နဲ့ ချိန်ပြောပြော၊ ထောင်ချပြောပြော၊ လေပြေထိုးပြောပြော၊ လေပွဲစားတွေ အငှားချပြောပြော၊ ရွေပြည်အေးတရားဟောဟော သူတို့အပြောသက်သက်၊ အဟောသက်သက်ကို မကြည့်ကြပါနဲ့။ လက်တွေ့လုပ်ငန်းစဉ်တွေ၊ ထုတ်ပြန်တဲ့ ဥပဒေတွေမှာ ပြုပြင်ပြောင်းလဲရေးဟာ ပြည်သူ့အကျိုးစီးပွားနဲ့ ယှဉ်တဲ့ပြုပြင်ပြောင်းလဲရေးမျိုး၊ ပြည်သူ့လွတ်လပ်မှုနဲ့ ပြည့်စုံတဲ့ ပြုပြင်ပြောင်းလဲရေးမျိုး ဖြစ်သည်အထိ ဇွဲကောင်းကောင်းနဲ့ ချီတက်ကြရပါလိမ့်မယ်။ ကိုယ့်အင်အားကိုယ် တည်ဆောက်ပြီး ပြည်သူ့အကျိုး၊ ပြည်သူ့လွတ်လပ်ခွင့်တွေ ပြည့်စုံကုံလုံတဲ့အထိ စစ်အာဏာရှင်စနစ်ကို တွန်းထုတ်ကြရဦးမှာပါ။ နည်းလမ်းအသွယ်သွယ်နဲ့ လုပ်ကြရပါလိမ့်မယ်။ ကိုယ်ရောက်ရှိရာနေရာက မဆုတ်မနစ်သော ၀ိရိယတွေ၊ အားထုတ်မှုတွေနဲ့ တွန်းထုတ်ကြရမှာပါ။

မြန်မာပြည်သူတွေ အနှစ်ငါးဆယ်လုံးလုံး စစ်ကျွန်အဖြစ်နွံနစ်ခဲ့ရပြီးပါပြီ။

တပ်မတော်ဆိုတဲ့ စစ်တပ်ကို ဗိုလ်ချုပ်အောင်ဆန်းတည်ထောင်ခဲ့စဉ် မူလရည်ရွယ်ချက်မှာ မြန်မာပြည်က စစ်တပ်တတပ်ကို ပိုင်ဆိုင်ဘို့ ဖြစ်ပါတယ်။ ဒါပေမဲ့ အာဏာရှင် ဦးနေ၀င်းလက်ထက်ကစပြီး စစ်တပ်က မြန်မာပြည်ကို ပိုင်ဆိုင်သွားခဲ့ပါတယ်။ စစ်အာဏာရှင်ဗိုလ်ချုပ်တွေရဲ့လက်ထဲမှာ (Burma for Army) အဖြစ် တိုင်းပြည်ကို အသုံးချသွားခဲ့ပြီလို့ ပြောရမှာပါ။

ဒီနေ့ ဒီအချိန်အခါမှာ ဘယ်နည်းဘယ်လိုဘဲဖြစ်ဖြစ် (Burma for Army) အဆုံးသတ်ဘို့ လိုနေပြီ ဖြစ်ကြောင်း အဆိုပြုလိုက်ပါတယ်။

ပြည်သူနှင့်အတူ အမြဲရှိသော…..

မမခင်

(၂၃၊ ၃၊ ၂၀၁၂)

ပြစ်မှုဆိုင်ရာကျင့်ထုံး ဥပဒေ ပုဒ်မ ၄၀၁၊ ပုဒ်မခွဲ (၁)အရ “ပြန်ထုတ်ပေး” လိုက်တဲ့ “အကျဉ်းသား၊ အကျဉ်းသူ ၆၅၁ ဦး” ထဲမှာ ထင်ရှားကျော်ကြားသူတွေ အားလုံးနီးပါး ပါဝင်ပါတယ်။

သမ္မတ ဦးသိန်းစိန် စစ်တစ်ပိုင်းအစိုးရ (သမ္မတ+အကလ) က “လွတ်ငြိမ်းချမ်းသာခွင့်” ဆိုင်းဘုတ်နဲ့ အကျဉ်းသားတွေ လွှတ်ပေးတာ ၃ ကြိမ်ရှိပါပြီ။

ပထမအကြိမ်နဲ့ ဒုတိယအကြိမ်ဖြစ်တဲ့ အောက်တိုဘာလ ၁၁ ရက်နေ့က ထုတ်ပြန်ခဲ့တဲ့ အမိန့်အမှတ် (၄၉/၂၀၁၁) နဲ့ ဇန်နဝါရီ လ ၂ ရက်က ထုတ်ပြန်ခဲ့တဲ့ အမိန့်အမှတ် (၁/၂၀၁၂) တို့ဟာ “(၂၀၀၈) ဖွဲ့စည်းပုံအခြေခံဥပဒေ၊ ပုဒ်မ ၂၀၄(ခ)” အရ ဖြစ်တယ်။ တတိယအကြိမ် ဇန်နဝါရီ ၁၂ ရက်နေ့မှာတော့ “ပြစ်မှုဆိုင်ရာကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁)” အရ ဖြစ်တယ်။ ၃ ကြိမ်စလုံး (သမ္မတ+အကလ) ကလွှတ်ပေးတာ ဖြစ်တယ်။

လူတစ်ဦးချင်းစီနဲ့ စနစ်ကို ကြည့်မြင်သုံးသပ်ကြရာမှာ ကိုယ့်ဆန္ဒစွဲပေါ်အခြေခံပြီး ခွဲခြားကြည့်မြင်လို့ မဖြစ်နိုင်ပါဘူး။

လူတစ်ဦးချင်းစီဟာစနစ်ကို ဘယ်လို ချမှတ်၊ လိုက်နာ၊ ကျင့်သုံး၊ အကောင်အထည်ဖေါ်နေကြသလဲဆိုတဲ့ ရှုဒေါင့်ကနေ ကြည့်သင့်ပါတယ်။

ဦးသိန်းစိန်၊ ဦးရွှေမန်း၊ ဦးခင်အောင်မြင့်တို့က ပျော့ပျောင်းတယ်/ခေါင်းမာတယ်စသဖြင့် တစ်ဖက်သတ်ကြည့်မြင်လို့ မဖြစ်ပါဘူး။ သူတို့အားလုံး (အကလ) အဖွဲ့ဝင်တွေဖြစ်ပါတယ်။ သူတို့ကြားမှာ သဘာဝကျကျပဲ တစ်ဦးနဲ့တစ်ဦး အမြင်ကွဲလွဲတာလေးတွေ ရှိမှာပါ။

၃ ကြိမ် စလုံးမှာ “ပြစ်ဒဏ်ကျ အကျဉ်းသား၊ အကျဉ်းသူ” လို့ပဲ သုံးတယ်။ “နိုင်ငံရေးအကျဉ်းသား” ဆိုတဲ့ စကားလုံးကို လုံးဝမသုံးဘူး၊ မဖေါ်ပြဘူး။ ဒီအချက်ဟာ သမ္မတ ဦးသိန်းစိန် စစ်တစ်ပိုင်းအစိုးရ (သမ္မတ+အကလ) ရဲ့ သဘောထားဖြစ်တယ်။ ရပ်တည် ချက်ဖြစ်ပါတယ်။ သမ္မတဦးသိန်းစိန် စစ်တစ်ပိုင်းအစိုးရ (သမ္မတ+အကလ) ရဲ့ မလိုက်လျောနိုင်တဲ့/ အလျော့မပေးနိုင်တဲ့ သဘောထားနဲ့ တင်းမာတဲ့ ရပ်တည်ချက်ဖြစ်ပါတယ်။

ပြစ်မှုဆိုင်ရာကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁)အရ လွှတ်ပေးတာကို လေ့လာစိစစ်ကြည့်တဲ့အခါ  အောက်ပါအချက်တွေ အထင်အရှားတွေ့ရတယ်။
ပြည်တွင်း/ပြည်ပက တောင်းဆိုနေတဲ့ ထင်ရှားကျော်ကြားသူတွေအားလုံးနီးပါး ပါဝင်တယ်။

အဆစ်အနေနဲ့ နာမည်ဆိုးနဲ့လူသိများခဲ့တဲ့ ဗိုလ်ခင်ညွန့်နဲ့သူရဲ့မိုက်ဖော်ဆိုးဖက်တပည့်တပန်းအချို့ရယ်၊ သွားလေသူ စစ်အာဏာရှင် ဗိုလ်နေဝင်းရဲ့ သားသမက်နဲ့ မြေးပါလာတယ်။

လွတ်လာသူတွေထဲမှာ အများစုက နိုင်ငံရေးအကျဉ်းသားတွေဖြစ်တယ်။ ဒါပေမယ့် အခုလို နိုင်ငံရေးအကျဉ်းသားအများစု ပါဝင်တဲ့လွှတ်ပေးမှုက ပြည်တွင်းပြည်ပက တောင်းဆိုနေတဲ့ “အထွေထွေလွတ်ငြိမ်းချမ်းသာခွင့်” (General Amnesty) ကြေညာပြီး လွှတ် ပေးတာမျိုး မဟုတ်ဘူးဆိုတဲ့အချက်ဖြစ်တယ်။

နိုင်ငံရေးအကျဉ်းသားတွေအပေါ် သမ္မတ ဦးသိန်းစိန်စစ်တစ်ပိုင်းအစိုးရ(သမ္မတ+အကလ)က “အထွေထွေလွတ်ငြိမ်းချမ်းသာခွင့်” မပေးလိုဘူးဆိုတဲ့ အချက် ပေါ်လွင်ထင်ရှားနေပါတယ်။

“အထွေထွေလွတ်ငြိမ်းချမ်းသာခွင့်” ဆိုတာ စွဲဆိုချမှတ်ထားတဲ့ ပြစ်မှုပြစ်ဒဏ်အားလုံးကနေ မည့်သည့်ခြွင်းချက်/စည်းကမ်းချက်မျှ မထားရှိဘဲ၊ လုံးဝလွတ်လပ်ခွင့်ပေးတာ ဖြစ်ပါတယ်။

ဒီလိုစိတ်ကောင်းစေတနာ သမ္မတ ဦးသိန်းစိန်စစ်တစ်ပိုင်းအစိုးရ (သမ္မတ+အကလ)မှာ မရှိဘူးဆိုတာလည်း ဖေါ်ပြနေပါတယ်။

အကျဉ်းသား/သူ (၆၅၁) ဦး ကို ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁)အရ လွှတ်ပေးတယ်ဆိုတာ ပြစ်မှုအကြွေး ချန်ပြီး “ပြန်ထုတ်” ပေးလိုက်တာဖြစ်တယ်။ သဘောက နောင်မှာ လှုပ်ရှားတစ်စုံတစ်ရာမှာ ပါဝင်ဆောင်ရွက်လို့ရှိရင် မည်သည့် ဝရမ်းမျှ
မလိုဘဲဖမ်းနိုင်ခွင့်ရှိပြီး၊ ပြစ်ဒဏ်စီရင်ခြင်းခံရတဲ့အခါမှာလည်း ယခင်ကကြွေးချန်ထားတဲ့ ပြစ်ဒဏ်ကိုပါ ပေါင်းထည့်ပြီး ကျခံစေရမှာ ဖြစ်ပါတယ်။

ဒါကြောင့် ၈၈ မျိုးဆက်များကိုပဲ ဥပမာထားပြောရရင် နောင်မှာလှုပ်ရှားမှုလုပ်လို့၊ လှုပ်ရှားမှုမှာပါဝင်ဆောင်ရွက်လို့ သူတို့ ဖမ်းဆီးခံရပြီ၊ ပြစ်ဒဏ်ချမှတ်ခံရပြီ ဆိုရင် (လက်ရှိပြစ်ဒဏ်+ယခင်ကြွေးကျန်ပြစ်ဒဏ်) ပေါင်းပြီး အနည်းဆုံး ထောင်ဒဏ် နှစ် ၅၀ ခန့်ချ မှတ်ခံရမှာ ဖြစ်ပါတယ်။

ဒီလို ပြစ်မှုကြွေးချန်၊ နှောင်ကြိုးတည်းပြီး ပြန်ထုတ်ပေးတာကိုက သမ္မတ ဦးသိန်းစိန်စစ်တစ်ပိုင်း အစိုးရ (သမ္မတ+အကလ)ရဲ့ အခဲမကျေမှုကို အထင်အရှား ဖေါ်ပြနေတာဖြစ်ပါတယ်။
အခဲမကျေမှုကို ပုံစံ ၂ မျိုးနဲ့တွေ့ရတယ်။
ပထမတစ်ခုက မင်းကိုနိုင်၊ ကိုကိုကြီး၊ မင်းဇေယျာ စတဲ့ ၈၈မျိုးဆက်နဲ့ ဒီမိုကရေစီအင်အားစုတွေရဲ့ ဆန့်ကျင်တော်လှန်မှုကို အခဲမကျေမှုဖြစ်တယ်။ လွတ်ငြိမ်းချမ်းသာခွင့်မပေးနိုင်တဲ့ အခဲမကျေမှုဖြစ်တယ်။ ဒါကြောင့် ပြစ်မှုဆိုင်ရာကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁)နဲ့ နှောင်ကြိုးတည်းလိုက်တာဖြစ်တယ်။

ဒုတိယတစ်ခုက စစ်အာဏာရှင်စနစ်ကို စားခွက်လုခွာရာတိုင်းကြတဲ့ ဗိုလ်ခင်ညွန့်နဲ့ သူရဲ့မိုက်ဖော်ဆိုးဖက်တပည့်တပန်းများနဲ့ ဗိုလ်နေဝင်းရဲ့သားသမက်နဲ့ မြေးတွေအပေါ် အခဲမကျေမှုဖြစ်ပါတယ်။ ဒါကလည်း လွတ်ငြိမ်းချမ်းသာခွင့်မပေးနိုင်တဲ့ အခဲမကျေမှုဖြစ်တယ်။

လူထုအုံကြွမှုနည်းလမ်းနဲ့ တော်လှန်ဆန့်ကျင်သူပဲဖြစ်ဖြစ်၊ အာဏာရှင်စနစ် အတွင်းစည်းထဲကနေ ဗိုလ်လုတဲ့ သူကိုပဲဖြစ်ဖြစ်  “ရန်- ငါ” စည်း ပြတ်တယ်ဆိုတာ ဖေါ်ပြတာဖြစ်တယ်။

ဒီလိုသဘောထားရပ်တည်ချက်နဲ့ဒီလို အခဲမကျေမှုတွေဟာ စစ်အာဏာရှင်စနစ်ကို ကိုယ်စားပြုနေတဲ့အချက်တွေပဲ ဖြစ်တယ်။ စစ်မှန်တဲ့ ပါတီစုံဒီမိုကရေစီစနစ်ဆိုတာ လူတိုင်းရဲ့နှစ်သက်ရာယုံကြည်မှုနဲ့ မတူညီတဲ့သဘောထားအမြင်တွေကို လက်ခံတည်ရှိခွင့်နဲ့ စည်းရုံး လှုပ်ရှားဆောင်ရွက်ခွင့်ပေးရမှာ ဖြစ်တယ်။

ပြည်တွင်းပြည်ပက တစ်လျှောက်လုံး တောင်းဆိုခဲ့ကြတာက “နိုင်ငံရေးအကျဉ်းသားအားလုံး ခြွင်းချက်မရှိ အမြန်ဆုံးလွှတ်ပေးရေး” ဖြစ်ပါတယ်။

“နိုင်ငံရေးအကျဉ်းသား” လို့လည်း လုံးဝ အသိအမှတ်မပြုဘူး။ “ခြွင်းချက်မရှိ အမြန်ဆုံးလွှတ်ပေးရေး” ကို အချိန်ဆွဲခဲ့ပြီး  ပြစ်မှုကြွေးကျန်အဖြစ် ပုဒ်မ ၄၀၁၊ ပုဒ်မခွဲ (၁)အရ “ပြန်ထုတ်ပေး” ပေးတယ်။ အားလုံးလွှတ်မပေးဘူး။ အကျဉ်းထောင်တွေထဲမှာ ကျန်နေရစ် သူ တွေလည်း တစ်ပုံကြီးရှိသေးတယ်။

သမ္မတ ဦးသိန်းစိန်စစ်တစ်ပိုင်းအစိုးရ (သမ္မတ+အကလ) ရဲ့ ပျော့ပျောင်းမှုမရှိချက်ကတော့ ကမ်းကုန်ပါတယ်။ အားနာပါးနာနဲ့ “ယုံကြည်ချက်ကြောင့် အကျဉ်းကျခံရသူ” လို့တောင် မသုံးနှုန်းပါ။

အခဲမကျေမှု၊ ပြစ်မှုကြွေးချန်ထားမှုဆိုတာ မယုံကြည်မှုဖြစ်တယ်၊ ကြောက်ရွံ့မှုဖြစ်တယ်၊ လူထုအုံကြွမှုကို ထိပ်လန့်ကြောက်ရွံ့ နေတာဖြစ်တယ်။

သမ္မတဦးသိန်းစိန် စစ်တစ်ပိုင်း အစိုးရ (သမ္မတ+အကလ)ရဲ့ မယုံကြည်မှုကို အဘယ်သူတစ်ဦးတစ်ယောက်ကမှ ကြားဝင်ပြီး အာမခံချက်ပေးလို့ မရနိုင်ပါဘူး၊

ပြည်သူတွေနဲ့ကျောင်းသားတွေကလည်း စစ်အာဏာရှင်စနစ်၊ စစ်တစ်ပိုင်းအာဏာရှင်စနစ်၊ အခြေခံဥပဒေနဲ့ ဖုံးကွယ်ထားတဲ့ စစ်အာဏာရှင်စနစ်ကို ကမ္ဘာမကြေပါဘူး။ မယုံကြည်ပါဘူး။ တော်လှန်ဆန့်ကျင်ဖြိုဖျက်သွားရမှာပဲဖြစ်တယ်။

ဒါဟာ “၈၈ ဒီမိုကရေစီ အရေးတော်ပုံကြီး” ရဲ့ စွဲမြဲခိုင်မာတဲ့ သံန္နိဋ္ဌာန်ဖြစ်ပါတယ်။

ကိုးကား
ပုဒ်မ ၄၀၁ (၁) နှင့် ဆက်စပ်ပုဒ်မများ -  ပြစ်မှုဆိုင်ရာကျင့်ထုံးဥပဒေ၊ စာမျက်နှာ ၁၄၆  (The Code of Criminal Procedure . p 146)

တူမောင်ညို

(၂၀၁၂ ခုနှစ်၊ ဇန်နဝါရီလ ၁၃ ရက်)

ဦးသိန်းစိန် စစ်တစ်ပိုင်းအစိုးရရဲ့ “တုံး” တဲ့၊ “ဖျင်း” တဲ့ သဘောထားဖြစ်တယ်။ “ကမ္ဘာ့အလယ်မှာ ကိုယ့်အရှက်ကိုယ်ခွဲတာဖြစ်တယ်”၊ “နားလှည့်ပြီးပါးရိုက်လိုက်တာ ဖြစ်တယ်” လို့ ဦးဝင်းတင် ထောက်ပြပြောဆိုလိုက်တာ သိပ်ကိုမှန်ပါတယ်။ ဒီလိုကိစ္စမျိုးဟာ ကိုယ်တိုင်ကြုံတွေ့ခံစားဖူးသူမှသာ သိရှိခံစားနိုင်တဲ့ အဖြစ်မျိုးဖြစ်ပါတယ်။ ဦးဝင်းတင်ရဲ့ပြောဆိုချက်ဟာ နာကျည်းခံပြင်းချက်များနဲ့ ပြည့်နှက်နေပါတယ်။ “နားလှည့်ပြီးပါးရိုက်လိုက်တာ ဖြစ်တယ်” လို့ ဦးဝင်းတင်က ပြောထားလေတော့ မေးစရာတစ်ခုတော့ ရှိလာပါတယ်။
ရိုက်တဲ့သူ ဘယ်သူလဲဆိုတာ သိပါတယ်။ သိချင်တာက “ပါးရိုက်ခံလိုက်ရသူ ဘယ်သူလဲ”။

ဒီနေရာမှာ အလှည့်စားခံလိုက်ရသူတွေကို အပြစ်မပြောလိုပေမယ့်။ အလှည့်စားခံရအောင်၊ ထင်ယောင်ထင်မှားဖြစ်အောင်၊ မျှော်လင့်ချက်တွေကို ပုံစံအမျိုးမျိုးနဲ့ ပေးခဲ့/ရေးခဲ့/ပြောခဲ့ကြသူတွေနဲ့ အဲဒီ “မျှော်လင့်ချက်မှား” တွေကို အမြှီးတပ် ခေါင်းတပ်ပြီး ဖြန့်ချိခဲ့ကြတဲ့ (ပုံနှိပ်/အသံလွှင့်) မီဒီယာတွေမှာ လည်း “မျှော်လင့်ချက်မှားတွေကို လေပင့်ပေးခဲ့မိတဲ့အပြစ်” ရှိပါတယ်။ တာဝန်ရှိပါတယ်။ ယင်းပြစ်မှုအတွက် သူတို့တာဝန်ယူကြရပါမယ်။

“ဆောင်းတွင်း အိပ်မက် ဂရောက်ဂယက်တွေပါဗျာ” လို့ ရူးချင်ယောင်ဆောင်လို့ မရပါဘူး။
နိုင်ငံရေးအကျဉ်းသားကိစ္စဟာ အရေအတွက်ပြဿနာ မဟုတ်ပါဘူး။
နိုင်ငံရေးအကျဉ်းသားကိစ္စဟာ နိုင်ငံရေးပြဿနာ၊ နိုင်ငံရေးသဘောထားဆိုင်ရာ ပြဿနာဖြစ်ပါတယ်။
နိုင်ငံရေးအကျဉ်းသားအဖြစ် အသိအမှတ်မပြုတာဟာ နိုင်ငံရေးပြဿနာအဖြစ် အသိအမှတ်မပြုတာပဲ ဖြစ်ပါတယ်။

နိုင်ငံရေးပြဿနာအဖြစ် အသိအမှတ်မပြုတဲ့၊ နိုင်ငံရေးပြဿနာကို နိုင်ငံရေးနည်းနဲ့ မဖြေရှင်းလိုတဲ့သဘောထားဟာ (၁၉၅၈- ၁၉၆၂) ကတည်းကစတင်ခဲ့တဲ့ “စစ်အုပ်စုအဆက်ဆက်ရဲ့မပြောင်းလဲတဲ့ သဘောထား” ဖြစ်တယ်။

ဦးသိန်းစိန် စစ်တစ်ပိုင်းအစိုးရမှာ နိုင်ငံရေးသဘောထားမရှိဘူးဆိုတာကို “အမိန့်အမှတ် ၁/၂၀၁၂” က ထပ်မံသတိပေးဖော်ပြ လိုက်တာဖြစ်တယ်။ ဒါဟာ “စစ်အုပ်စုအဆက်ဆက်ရဲ့မပြောင်းလဲတဲ့ သဘောထားအမွေ” ကို ဆက်ခံထားဆဲဖြစ်တယ်ဆိုတဲ့ အချက်ကို ထပ်မံအသိပေးဖေါ်ပြတာလည်း ဖြစ်တယ်။

“၁၉၈၈ ဒီမိုကရေစီအရေးတော်ပုံနဲ့ ၈၈ အရေးတော်ပုံတပ်သားများ၊ ၈၈ အရေးတော်ပုံရလဒ်များ” အပေါ် ဦးသိန်းစိန် စစ်တစ်ပိုင်းအစိုးရဲ့ မပြေငြိမ်းနိုင်တဲ့ သဘောထား၊ အလျော့မပေးနိုင်တဲ့ သဘောထားဖြစ်ပါတယ်။
“၁၉၈၈ ဒီမိုကရေစီအရေးတော်ပုံနဲ့ ၈၈ အရေးတော်ပုံတပ်သားများ” အပေါ် အငြှိုးအတေးနဲ့ ဂလဲ့စားချေမှုလည်း ဖြစ်ပါတယ်။

“ဖွဲ့စည်းပုံ အခြေခံဥပဒေပုဒ်မ ၂၀၄ (ခ)” အရလို့ ဆိုထားတဲ့အတွက် ဒီသဘောထားဟာ သမ္မတ ဦးသိန်းစိန် တစ်ဦးထဲ  သဘောထားတင်မကဘဲ၊ အမျိုးသားကာကွယ်ရေးနှင့် လုံခြုံရေးကောင်စီ (အကလ) ဝင် အားလုံးရဲ့သဘောထားလည်း ဖြစ်ပါတယ်။

အမျိုးသားကာကွယ်ရေးနှင့် လုံခြုံရေးကောင်စီ(အကလ) ထဲမှာ သမ္မတ (၃) ဦး။ ပြည်သူ့လွှတ်တော်ဥက္ကဋ္ဌ (၁) ဦး၊ အမျိုးသား လွှတ်တော်ဥက္ကဋ္ဌ (၁) ဦး၊ ကာကွယ်ရေးဦးစီးချုပ် (၂) ဦး၊ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီး၊ နိုင်ငံခြားရေး ဝန်ကြီးတို့ပါဝင်တယ်။ ဒါကြောင့် သူတို့အားလုံးဟာ တစ်ကျိတ်ထဲတစ်ဉာဏ်ထဲဖြစ်တယ်ဆိုတာကို ဖေါ်ပြလိုက်တာပဲ ဖြစ်တယ်။

ဒီလိုဖြစ်ရပ်မျိုးဟာ “၂၀၁၁ ခုနှစ်၊ နိုဝင်ဘာလ ၁၈ ရက်နေ့မတိုင်မီ” က ဆိုလျှင် (NLD) ပါတီက ပြောရေးဆိုခွင့်ရှိသူ တစ်ဦး ဦးထံကဝေဖန်ပြောကြားချက် သို့မဟုတ် သဘောထားကြေညာချက်တစ်ခုခုတော့ ပေါ်ထွက်လာစမြဲဖြစ်ပါတယ်။
အခုတော့ ဘာပြောသံမှ မကြားရပါဘူး။ “နိုင်ငံရေးပါတီအဖြစ် မှတ်ပုံတင်ခွင့်လျှောက်ထားဆဲ ပါတီဘဝ” ဖြစ်နေလို့လား။
ဒါမှမဟုတ် “ကြားဖြတ်ရွေးကောက်ပွဲ” အတွက် အလုပ်တွေများနေကြသလားမသိပါဘူး။

ပြည်တွင်းပြည်ပက အလေးထားစောင့်ကြည့်နေကြတဲ့ “နိုင်ငံရေးအကျဉ်းသားများခြွင်းချက်မရှိ အမြန်ဆုံးပြန်လွှတ်ရေးနဲ့ ကြားဖြတ်ရွေးကောက်ပွဲ” ပြဿနာ ၂ ခုအနက် “နိုင်ငံရေးအကျဉ်းသားပြဿနာ” နဲ့ပတ်သက်ပြီး ဦးသိန်းစိန်စစ်တစ်ပိုင်းအစိုးရရဲ့ သဘောထား အမှန်ကို နာနာကျည်းကျည်း၊ ပြက်ပြက်ထင်ထင်သိလိုက်ကြရပြီ။

တူမောင်ညို

(၂၀၁၂ ခုနှစ်၊ ဇန်နဝါရီ ၄ ရက်)

၂၀၁၂ ခုနှစ်၊ ဧပြီလ ၁ ရက်နေ့မှာ “ကြားဖြတ်ရွေးကောက်ပွဲ” ကျင်းပမယ်လို့ ပြည်ထောင်စု ရွေးကောက်ပွဲကျင်းပရေးကော်မရှင်က ထုတ်ပြန်ကြေညာလိုက်ပါပြီ။ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး (သို့မဟုတ်) ပြည်နယ်လွှတ်တော်တွေမှာ သက်ဆိုင်ရာ လွှတ်တော်အလိုက်လစ်လပ်နေတဲ့ မဲဆန္ဒနယ် (၄၈) နေရာကို ထုတ်ပြန်ကြေညာထားပါပြီ။

လစ်လပ်နေတဲ့နေရာ (၄၈) နေရာကို လေ့လာစိစစ်ကြည့်တဲ့အခါ ပထမအချက်အနေနဲ့ လစ်လပ်သွားတဲ့ နေရာအားလုံးဟာ ကြံ့ဖွံ့ပါတီ (USDP) က အနိုင်ရထားခဲ့တဲ့ နေရာတွေဖြစ်တယ်။

ဒုတိယအချက်က အဲဒီနေရာ (၄၈) နေရာက ရွေးချယ်ခံရသူ (၄၈) ဦး အနက် (၃၅) ဦးဟာ လက်ရှိအစိုးရ အုပ်ချုပ်ရေးယန္တယားထဲက အဓိကနေရာတွေကို ရယူထားကြသူတွေဖြစ်ပါတယ်။

သမ္မတ ၁ ဦးနဲ့ ဒုတိယသမ္မတ ၂ ဦး၊ ပြည်ထောင်စုဝန်ကြီး ၂၂ ဦး၊ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ၁ ဦး၊ ပြည်ထောင်စု စာရင်းစစ်ချုပ် ၁ ဦးနဲ့ ဒုတိယဝန်ကြီး ၈ ဦးအဖြစ် အုပ်ချုပ်ရေးယန္တယားထဲမှာ ပါဝင်နေကြပါတယ်။

တတိယအချက်က ကြံ့ဖွံ့ပါတီ(USDP) က လစ်လပ်သွားတဲ့ သူ့ရဲ့နေရာအားလုံးမှာ ပါဝင်ယှဉ်ပြိုင်မှာလား/မယှဉ်ပြိုင်ဘူးလား ဆိုတာကလည်း အခုအချိန်အထိ ပြောသံဆိုသံ မကြားရသေးဘူး။ ဒီတိုင်းတော့ လက်ပိုက်ကြည့်နေမယ် မထင်ပါဘူး။

သမ္မတ ဦးသိန်းစိန်ရဲ့မဲဆန္ဒနယ်ဖြစ်တဲ့၊ နေပြည်တော်၊ ဇမ္ဗူသီရိမြို့နယ်၊ ဒုတိယသမ္မတ သီဟသူရဦးတင်အောင်မြင့်ဦးရဲ့ မဲဆန္ဒနယ်ဖြစ်တဲ့၊ နေပြည်တော်၊ ပုဗ္ဗသီရိမြို့နယ်၊ လယ်/ဆည်ပြည်ထောင်စုဝန်ကြီး ဦးမြင့်လှိုင်ရဲ့နေပြည်တော်၊ ဒက္ခိဏသီရိမြို့နယ်၊ နိုင်ငံတော် သမ္မတရုံးဝန်ကြီး ဦးကျော်စွာခိုင်ရဲ့နေပြည်တော်၊ ဥတ္တရသီရိမြို့နယ်တွေမှာ ဘယ်ပါတီက၊ ဘယ်သူတွေဝင်ရောက်ယှဉ်ပြိုင် အရွေးခံကြမလဲ။

ဝန်ကြီးဌာန ၂ ခုစီကို ကိုင်တွယ်ထားတဲ့ ပြည်ထောင်စုဝန်ကြီး ဦးကျော်ဆန်းရဲ့ ပုလဲမြို့နယ်မဲဆန္ဒနယ်နဲ့  ပြည်ထောင်စုဝန်ကြီး ဦးအောင်ကြည်ရဲ့မင်္ဂလာတောင်ညွန့် မဲဆန္ဒနယ်တွေမှာ ဘယ်ပါတီတွေက၊ ဘယ်သူတွေဝင်ရောက်ယှဉ်ပြိုင်အရွေးခံကြမလဲ။

ဒီတော့ ရှေ့လျှောက် (၂၀၁၂ ခုနှစ်၊ ဖေဖေါ်ဝါရီလ ၃ ရက်နေ့ မတိုင်ခင်အထိ) ဘယ်ပါတီတွေက ဘယ်လိုနေရာတွေမှာ ဘယ်လိုအရေအတွက်နဲ့ ဘယ်သူတွေ ဝင်ရောက်ယှဉ်ပြိုင်ကြမလဲဆိုတာတွေ ကြားရသိရတော့မှာပါ။

ကုန်ကျစရိတ် ရှုဒေါင့်ကနေကြည့်ရင်ပဲ၊ (၄၈) နေရာလုံးဝင်ရောက်ယှဉ်ပြိုင်ဖို့ဆိုရင် ကိုယ်စားလှယ်လောင်း မှတ်ပုံတင်ကြေးက ချည်း၊ ကိုယ်စားလှယ်လောင်းတစ်ဦးကျပ် ၅ သိန်းနှုန်းနဲ့ သိန်းပေါင်း (၂၄၀) ကုန်ကျမှာပါ။

အဲဒီ ကျပ် ၅ သိန်းက ရွေးကောက်ပွဲမှာ နိုင်-နိုင်/ရှုံး- ရှုံး ပြန်ရမှာ မဟုတ်ပါဘူး။ ဒါ့အပြင် ခရီးစရိတ်အပါအဝင် အခြားသော မဲဆွယ်ရေးဆိုင်ရာ ကုန်ကျစရိတ်တွေ မပါသေးပါဘူး။

ကြံ့ဖွံ့ပါတီနဲ့ (တစည) တို့ကလွဲရင် အခြားပါတီတွေအတွက် ငွေရေးကြေးရေးဆိုတာ ကြီးမားလှတဲ့အခက်အခဲတွေထဲက တစ်ခုဖြစ်ပါတယ်။ ကြံ့ဖွံ့ပါတီနဲ့ (တစည) တို့သာ (အဆောက်အအုံ၊ ငွေကြေးစတဲ့) တိုင်းပြည်ပိုင်ပစ္စည်းတွေကို စာရင်းမရှင်းပဲ မောင်ပိုင်စီးခဲ့ကြ တာလည်းဖြစ်တယ်။

ကြံ့ဖွံ့ပါတီဟာ စစ်အုပ်စု/စစ်အစိုးရထိပ်သီးတွေခေါင်းဆောင်ပြီး ၁၉၉၃ ခုနှစ်ကတည်း “အသင်း” ဆိုတဲ့ အမည်နဲ့ လူစုခဲ့တာဖြစ်ပါတယ်။ ဒါကြောင့် ငွေကြေးဘက်ကရော၊ စည်းရုံးဖွဲ့စည်းမှုဖက်ကရော “ရှင်ဘုရင့်ပုဆိုး ပိုးချည်း” ဖြစ်နေတဲ့ ကြံ့ဖွံ့ပါတီ တဖြစ်လဲ အသင်း ဖြစ်ပါတယ်။

အခုမှ စတင်ဖွဲ့စည်းကြရတဲ့ နိုင်ငံရေးပါတီများအတွက်တော့ နိုင်ငံရေးပါတီတစ်ခုအဖြစ် “တရားဝင်” ရပ်တည်နိုင်ဖို့ “တည်ထောင်ခွင့်”၊ “မှတ်ပုံတင်ခွင့်” စတဲ့ ဖိနှိပ်ချုပ်ချယ်တဲ့ အဆင့်အမျိုးမျိုးသော အခက်အခဲ၊ ရွေးကောက်ပွဲဝင်ပြန်တော့လည်း ကိုယ်စားလှယ်လောင်း မှတ်ပုံတင်ကြေး၊ အထွေအထွေမဲဆွယ်စရိတ်စတဲ့ ငွေကြေးဆိုင်ရာအခက်အခဲ၊ မဲဆန္ဒရှင်ပြည်သူလူထုကို အိမ်တိုင်ရာရောက် သွားရောက်စည်းရုံးရာမှာ ကြုံတွေ့ကြရတဲ့ ပိတ်ပင်ကန့်သတ်မှု အခက်အခဲ စတဲ့အခက်အခဲပေါင်းစုံကို ရင်ဆိုင်ကြရမှာ ဖြစ်ပါတယ်။

ဒါ့ကြောင့် ၂၀၁၂ ခုနှစ်၊ ဧပြီလ ၁ ရက်နေ့မှာ ကျင်းမယ့် “ကြားဖြတ်ရွေးကောက်ပွဲ” ဟာ  “၂၀၁၀ နိုဝင်ဘာ ၇ ရွေးကောက်ပွဲ” မှာ ပါတီငယ်တွေ ခါးသီးစွာကြုံတွေ့ခဲ့ကြရတဲ့ “ညနိုင်/မနက်ရှုံး” ဖြစ်ရတဲ့ “ကြိုတင်မဲ” မသမာမှုတွေ ကင်းရှင်းပါ့မလား။

“ရွေးကောက်ပွဲ” မှန်သမျှ ( ပုံမှန် ၅ နှစ် ၁ ကြိမ်ရွေးကောက်ပွဲ/ ကြားဖြတ်ရွေးကောက်ပွဲ) ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေး လက်ထဲမှာဖြစ်ပါတယ်။ ဦးတင်အေး ဟာ မန္တလေးတိုင်းဒေသကြီး၊ တံတားဦးမြို့နယ် ကရွေးချယ်ခံရတဲ့ ကြံ့ဖွံ့ပါတီမှ ပြည်သူ့လွှတ်တော်ကိုယ်စားလှယ်တစ်ဦး ဖြစ်ပါတယ်။

ယခင် (နအဖ)စစ်ကောင်စီဝင်တစ်ဦးဖြစ်ပြီး၊ ဒုတိယဗိုလ်ကြီးဟောင်းတစ်ဦး ဖြစ်တယ်ဆိုတာကိုလည်းသတိပြုကြရပါမယ်။

“ပါတီစွဲ” ကင်းရမယ်လို့ တဖောင်ဖောင်ပြောနေပေမယ့် “အုပ်ချုပ်ရေးနဲ့ဥပဒေပြုရေးကဏ္ဍတွေ”ထဲက သော့ချက်ကျတဲ့ နေရာ မှန်သမျှကို ကြံ့ဖွံ့ပါတီဝင် လွှတ်တော်အမတ်မင်းများကသာ ချုပ်ကိုင်ရယူထားပါတယ်။

၂၀၁၂ ခုနှစ်၊ ဧပြီလ “ကြားဖြတ်ရွေးကောက်ပွဲ” မှာ ဘယ်သူတွေပြိုင်လို့ ဘယ်သူတွေနိုင်မှာပါလိမ့်။

တူမောင်ညို

(၂၀၁၂ ခုနှစ်၊ ဇန်နဝါရီ ၁ ရက်)

ပထမတစ်ချက်က ဦးသိန်းစိန် စစ်တစ်ပိုင်းအစိုးရအတွက် ဒီကြားဖြတ်ရွေးကောက်ပွဲဟာ ဖွဲ့စည်းပုံအခြေခံဥပဒေ (၂၀၀၈) ကို ဒေါ်အောင်ဆန်းစုကြည်နဲ့ (NLD) တို့ လက်ခံ၊ပါဝင်လာပြီဆိုတာ ပြည်တွင်း/ပြည်ပကို ဆွဲဆောင်ပြသနိုင်မယ့် ပွဲတစ်ခုလည်းဖြစ်တယ်။

ဒုတိယတစ်ချက်က ဦးသိန်းစိန် စစ်တစ်ပိုင်းအစိုးရအတွက် ဆရာကြီးအိုဘာမားနဲ့ ဆရာမကြီးဒေါ်ကလင်တန်တို့က စစ်ဆေးပြီးအောင်မှတ်ပေးမယ့် အမေရိကန်အစိုးရနဲ့ ပုံမှန်ဆက်ဆံရေးအဆင့်ရရှိရေးအတွက် ဖြေဆိုရမယ့် “ရေးဖြေစာမေးပွဲ” တစ်ခုလည်း ဖြစ် ပြန်ပါတယ်။ ဒီထူးခြားချက်တွေက ဦးသိန်းစိန် စစ်တစ်ပိုင်းအစိုးရ လိုချင်လွန်းလှတဲ့ အချက်တွေဖြစ်ပါတယ်။

“နှုတ်ဖြေစာမေးပွဲ” က ဆရာမကြီး ဒေါ်ကလင်တန်လာတုန်းဖြေပြီးသွားပြီ။ အခုတစ်ခါဖြေရမှာက “ရေးဖြေစာမေးပွဲ” ဖြစ်တယ်။  အဲဒီ နှုတ်ဖြေစာမေးပွဲ “မြောက်ကိုရီးယားဘာသာရပ်” မှာ သူရဦးရွှေမန်းက အမှတ်အများဆုံးရတယ်လို့ကြားရတယ်။
ပထမအချက် ဖွဲ့စည်းပုံအခြေခံဥပဒေ (၂၀၀၈) ကို ဒေါ်အောင်ဆန်းစုကြည်နဲ့ (NLD) တို့ လက်ခံ၊ ပါဝင်လာပြီဆိုတာက ရရှိပြီးသားလို့ပြောလို့ရတယ်။ ဒါပေမယ့် ဒုတိယအချက်ဖြစ်တဲ့ “ကြားဖြတ်ရွေးကောက်ပွဲ” ကျင်းပပြီးမှသာ ထူးခြားချက် ၂ ခုစလုံးဟာ ပိုပြီး ခိုင်လုံပြည့်စုံသွားမှာ ဖြစ်ပါတယ်။

ဒါမှလည်း “ပဏာမသဘောတူညီချက်” လက်မှတ်ရေးထိုးနေကြသူတွေကို ပြသဖို့အတွက် အကွက်အကွင်း ပိုကောင်းလာမှာလည်း ဖြစ်ပါတယ်။
ကြားဖြတ်ရေးကောက်ပွဲကို “အကောင်းဆုံးဖြစ်အောင်လုပ်ပေးမယ်” လို့ ရွေးကောက်ပွဲ ကျင်းပရေးကော်မရှင်ဥက္ကဋ္ဌ ဦးတင်အေးကလည်း အာမခံချက်ပေးထားပြီး ဖြစ်ပါတယ်။

“ဒေါ်အောင်ဆန်းစုကြည်ဟာ ဥပဒေအရ ပြည်သူ့လွှတ်တော်အမတ်ဖြစ်နိုင်တဲ့ အရည်အချင်းနဲ့ ကိုက်ညီပါသလား” လို့ မေးတော့ ပြည်သူ့လွှတ်တော်ဥက္ကဋ္ဌ သူရဦးရွှေမန်းက “လောလောဆယ် မိမိလေ့လာနိုင်သလောက် ကိုက်ညီတယ်လို့ တွေ့ရှိရပါတယ်” အဖြေပေးခဲ့ပြီ။
ဒီတော့ ဒီကြားဖြတ်ရွေးကောက်ပွဲမှာ ဦးသိန်းစိန် စစ်တစ်ပိုင်းအစိုးရအနေနဲ စာမေးပွဲသေချာပေါက်အောင်မှာပါ။ ဂုဏ်ထူးတွေတောင် ချိတ်နိုင်ပါလိမ့်မယ်။ ဂုဏ်ထူးဆိုတာ “တရားမျှတဲ့၊ လွတ်လပ်တဲ့၊ ပွင့်လင်းမြင်သာတဲ့” ဆိုတဲ့ ဂုဏ်ထူးတွေပေါ့။

ကြားဖြတ်ရွေးကောက်ပွဲရဲ့လက်တွေ့ပိုင်းကို ကြည့်ကြပါစို့။
လစ်လပ်နေရာ (၄၈) နေရာရှိတယ်ဆိုတာ ရွေးကောက်ပွဲကော်မရှင်က သတင်းထုတ်ပြန်ပြီးပြီ။ ပြည်သူ့လွှတ်တော်မဲဆန္ဒနယ် (၄၀) နေရာ၊ အမျိုးသားလွှတ်တော်မဲဆန္ဒနယ် (၆)နေရာ နဲ့ တိုင်းဒေသကြီး သို့မဟုတ် ပြည်နယ်လွှတ်တော်မဲဆန္ဒနယ် (၂) နေရာတို့ဖြစ်တယ်။

ကယားပြည်နယ်၊ ကရင်ပြည်နယ်၊ မွန်ပြည်နယ်၊ ချင်းပြည်နယ်၊ ရခိုင်ပြည်နယ်တို့မှာ လစ်လပ်မှုမရှိဘူး။

ဒီတော့ နိုင်ငံရေးပါတီ “တည်ထောင်ခွင့်”၊ “မှတ်ပုံတင်ခွင့်” လျှောက်ထားနေကြတဲ့ ပါတီ (၁၀) ပါတီအနက် (ပါတီမှတ်ပုံတင်ခွင့် ရရှိခဲ့မယ်ဆိုရင် ကရင်ဒီမိုကရက်တစ်ပါတီ၊ မြိုတိုင်းရင်းသားပါတီ တို့ကဲ့သို့) “ပြည်နယ်တစ်ခုအတွင်း၌သာ စည်းရုံးဆောင်ရွက်မည့် ပါတီ” များအနေနဲ့ “အနည်းဆုံး ၃ နေရာ” ဝင်ရောက်ယှဉ်ပြိုင်စရာလိုမှာ မဟုတ်ပါဘူး။

“နိုင်ငံရေးပါတီမှတ်ပုံတင်လျှောက်ထားဆဲ (NLD)” ကတော့ (၄၈) နေရာစလုံး ဝင်ရောက်ယှဉ်ပြိုင်ဖို့ ပြင်ဆင်နေပါတယ်။

ဦးခင်မောင်ဆွေ၊ ဒေါက်တာသန်းငြိမ်းတို့ရဲ့ (NDF) ကလည်း နေရာ (၂၀) ဝင်ရောက်ယှဉ်ပြိုင်မယ်လို့ ပြောသံကြားရပါတယ်။

(တစည) ပါတီက ဦးဟန်ရွှေက “NLD ကို ဒီမိုကရေစီ အသွင်ကူးပြောင်းနေတဲ့ခရီးလမ်းအတွက် ခရီးသွားဖော်၊ ပြိုင်ဘက် ပါတီလို့မြင်ပါတယ်” လို့ပြောဆိုထားပြီး၊ နေရာ (၂၀) ဝင်ရောက်ယှဉ်ပြိုင်မယ်လို့ဆိုပါတယ်။

အမျိုးသားဒီမိုကရေစီသစ်ပါတီကလည်း ရန်ကုန်တိုင်းဒေသကြီးထဲက လစ်လပ်နေတဲ့ ပြည်သူ့လွှတ်တော်မဲဆန္ဒနယ် (၆) နေရာ အနက် (၃) နေရာမှာ ဝင်ရောက်ယှဉ်ပြိုင်မယ်လို့ ပြောထားတယ်။ ဦးသိန်းညွန့်ပြောတာကတော့ ဒေါ်အောင်ဆန်းစုကြည်ဆိုရင်  နေရာ ဖယ်ပေးမှာဖြစ်ပေမယ့်၊ အခြားသူဆိုရင်တော့ နေရာဖယ်ပေးမှာ မဟုတ်ဘူး။ ယှဉ်ပြိုင်မှာဖြစ်တယ်လို့ဆိုပါတယ်။

ကြံ့ဖွံ့ပါတီ (USDP) ကလည်း လစ်လပ်သွားတဲ့နေရာတွေကို ဒီတိုင်းလက်လွှတ်ထားမှာ မဟုတ်ပါဘူး။ ဝင်ရောက်ယှဉ်ပြိုင်မှာ ဖြစ်ပါတယ်။ လစ်လပ်သွားတဲ့နေရာအများစုက ကြံ့ဖွံ့ပါတီ (USDP) က အနိုင်ရရှိခဲ့တဲ့နေရာတွေလည်း ဖြစ်နေပါတယ်။ ဇမ္ဗူသီရိ၊ ပုဗ္ဗသီရိ၊ ဒက္ခိဏသီရိ၊ ဥတ္တရသီရိ အစရှိတဲ့မြို့နယ်တွေမှာ ဘယ်ပါတီတွေက ဝင်ပြီးယှဉ်ပြိုင်အရွေးခံဝံ့မှာလဲ။ ဒါ့အပြင် ကြံ့ဖွံ့ပါတီ (USDP) ကနေ ပြည်ထောင်စုဝန်ကြီးဖြစ်လာသူတွေက အပိုင်စားနယ်လိုလုပ်ထားတဲ့ သူ့ရပ်ရွာဇာတိတွေမှာ (ပုလဲ၊ မင်းကင်း၊ တောင်ငူ၊ မိထ္ထီလာ စတဲ့နေရာ) ရော ဘယ်သူတွေက ယှဉ်ပြိုင်ဝံ့ ပါ သလဲ။ သူတို့က တခြားပါတီတွေလို ငွေ ၅ သိန်းတင်ဖို့ ပူပန်တွေးတော စဉ်းစားနေစရာ၊ စပွန်ဆာရှာနေစရာမလိုတဲ့ ပါတီဖြစ်ပါတယ်။
သုံးနေရာ“စတိ” ဝင်ကြမယ့် “စပွန်ဆာပါတီ” တွေကလည်း ရှိသေးတယ်။

ဆိုလိုချင်တာက (၄၈) နေရာအတွက် (NLD) ဟာ အကြိတ်အနယ်ယှဉ်ပြိုင်ရလိမ့်မယ်။

ဒါ့အပြင် အရင် “နွေ”၊ အရင် “မေ” မဟုတ်တော့ဘူး။ ဒါကြောင့်  “၁၉၉၀ ရွေးကောက်ပွဲ” တုန်းကလို “ငုနဲ့ပိတောက် နွေမှာလှိုင်” ဖို့ ခက်ခဲလိမ့်မယ်ဆိုတာကို ပြောချင်တာပါ။ တစ်စုံတရာသော အရေအတွက်ကိုတော့ဖြင့် (NLD) က ရနိုင်ပါလိမ့်မယ်။

အဲဒီလို အရေအတွက်တစုံတရာနဲ့ (NLD) အနိုင်ရရှိတာကပဲ ဦးသိန်းစိန် စစ်တစ်ပိုင်းအစိုးရအတွက် ဒေါ်ကလင်တန်စာမေးပွဲ အောင်မှတ် သို့မဟုတ် ဂုဏ်ထူးဖြစ်ပါလိမ့်မယ်။

(NLD) ရရှိလာမယ့်၊ တစုံတရာအရေအတွက်ဟာ လွှတ်တော်ထဲမှာဘာလုပ်နိုင်မလဲ။ လွှတ်တော်ထဲ အကျိတ်အနယ် ဆွေးနွေးပြီးသွားတဲ့အခါ နောက်ဆုံးပိတ် အဆုံးအဖြတ်ကို မဲခွဲတာနဲ့အပြီးသတ်ရစမြဲဖြစ်ပါတယ်။ လွှတ်တော်ထဲမှာ သရေပွဲမရှိနိုင်ပါဘူး။ အနိုင်မဲကို လွှတ်တော်ဥက္ကဋ္ဌကြီးကပေးမှာပဲ။ လွှတ်တော်ဥက္ကဋ္ဌကြီးတွေဟာ ကြံ့ဖွံ့ပါတီ(USDP) ကဖြစ်တယ်။

အဲဒီအခါ များတဲ့အရေအတွက်က နည်းတဲ့အရေအတွက်ကို အနိုင်ယူသွားတာပဲ မဟုတ်ပါလား။
“ပါတီစွဲမရှိရဘူး”လို့ ဘယ်လိုပဲပြောနေပါစေ၊ နောက်ဆုံးတော့ ပါတီစွဲပြီးပေးတဲ့ မဲတွေနဲ့အနိုင်ယူသွားမှာပဲဖြစ်ပါတယ်။

(ပထမအကြိမ်၊ ဒုတိယအကြိမ်) လွှတ်တော်ပုံမှန်အစည်းအဝေးတွေ (၂) ကြိမ်လုပ်ခဲ့ပြီးပါပြီ။ ဦးစတီဗင်သာဗိတ်၊ ဦးဗညားအောင်မိုး၊ ဦးသိန်းညွန့်တို့လွှတ်တော်ထဲမှာ မေးခွန်းတွေမေးခဲ့၊ အဆိုတွေတင်ခဲ့၊ မဲတွေခွဲခဲ့ပြီးပါပြီ၊ ပေါ်ထွက်လာတဲ့ရလဒ်တွေလည်း အားလုံးသိရှိ ပြီးဖြစ်ပါတယ်။ ဒါဟာ ပူပူနွေးနွေးအနီးကပ်ဆုံးအတွေ့အကြုံတွေ ဖြစ်ပါတယ်။

ခပ်ဝေးဝေးအတွေ့အကြုံတွေပြောရမယ်ဆိုရင် ကိုသန်း (ကြည့်မြင်တိုင်) ရဲ့ “တစ်ခါက ရန်ကုန်မြူနီစပယ်ရွေးကောက်ပွဲ” ဆိုတဲ့ ဆောင်းပါးကို ဖတ်ကြည့်စေချင်ပါတယ်။ ချင်းတွင်းဂျာနယ်၊ အမှတ် (၅၉၊ ဖေဖေါ်ဝါရီ၊ ၂၀၁၁၊ စာမျက်နှာ ၈၈ – ၉၇) မှာ ပါရှိပါတယ်။
၁၉၅၀ ပြည့်လွန်နှစ်များက ဖဆပလခေတ်မြူနီစပယ်ခေတ် ရွေးကောက်ပွဲများအကြောင်းကို သတိပြုစရာ၊ သင်ခန်းစာယူစရာအဖြစ်ရေးပြထားတဲ့ အတွေ့အကြုံဆောင်းပါးတစ်ပုဒ်ဖြစ်ပါတယ်။

တသီးပုဂ္ဂလ ဆရာကြီးဦးရွှေဖြူနဲ့ ဦးအောင်သန်း (ဗိုလ်ချုပ်အစ်ကို/ ဒေါ်အောင်ဆန်းစုကြည်ရဲ့ဘကြီး) တို့ဟာ ရွေးကောက်ပွဲမှာ အနိုင်ရခဲ့သော်လည်း မဲအများစုအနိုင်ရထားတဲ့ (ဖဆပလ) ကို မကျော်နိုင်ခဲ့ပုံကို ရေးပြထားပါတယ်။

“လက်တွေ့မှာတော့ အဆိုတစ်ခုဟာ လူထုကောင်းရာကောင်းကြောင်းဆောင်ရွက်ရန်တင်သွင်းသော်လည်း ထောက်ခံမည့် သူ မရှိ၊ ထောက်ခံမည့်သူမရှိ၍ မည်မျှလူထုကောင်းရာကောင်းကြောင်း အကျိုးပြုအဆိုဖြစ်စေကာမူဆွေးနွေးမည့် အနေအထားသို့ပင် မရောက်ခဲ့၊  (central street) ဗဟိုလမ်းကို “ဗိုလ်သူရလမ်း” ဟု အမည်ပြောင်းနိုင်ခဲ့သည်” ။

“လုပ်နိုင်တဲ့အခြားလုပ်ငန်းတစ်ခုရှိသေးသည်၊ (ဖဆပလ) ဘက်မှ မဲအများစုအားကိုးဖြင့်တင်သွင်းလာသည့် အဆိုသည် ပြည်သူလူထုအများစုကို အကျိုးပြုသည့် အဆိုမဟုတ်လျှင် သည်အဆိုကို ကျုပ်ကန့်ကွက်သည်။ “မှတ်တမ်းတင်ထားပါ” ဟုပြောရုံသာရှိသည်၊ ဒီထက်ပိုပြီးဘာမှမတတ်နိုင်” ဟု သူ၏ ခါးသီးစိတ်ပျက်ဖွယ်သမိုင်းအတွေ့အကြုံကို ပြန်ပြောင်းရေးပြထားပါတယ်။

ဒါဟာ ကျနော်တို့နိုင်ငံမှာ “ဒီမိုကရေစီကာလတခု” လို့ ပြောဆိုလေ့ရှိကြတဲ့ ပါလီမန်ဒီမိုကရေစီခေတ်ရဲ့ အတွေ့အကြုံဖြစ်ပါတယ်။ (နဝတ-နအဖ) စစ်အစိုးရဦးဆောင်ရေးဆွဲခဲ့တဲ့ ဖွဲ့စည်းပုံအခြေခံဥပဒေ(၂၀၀၈) အောက်မှာကျင်းပမယ့် “စည်းကမ်းပြည့်ဝတဲ့ ပါတီစုံဒီမိုကရေစီခေတ်” ကြားဖြတ်ရွေးကောက်ပွဲတစ်ခုမှာ။ ကျနော်တို့အနေနဲ့ ဘာတွေကို၊ ဘယ်လောက်များမျှော်လင့်နိုင်မှာပါလဲ။

ဘာပဲဖြစ်ဖြစ်လာမယ့် ကြားဖြတ်ရွေးကောက်ပွဲကတော့ ၂၀၁၂ ခုနှစ်ရဲ့  ပထမ ၆ လအတွင်းထဲမှာ ကျင်းပဖြစ်လိမ့်မယ်လို့ ထင်ရပါတယ်။

(NLD) ပါတီကလည်း ကြားဖြတ်ရွေးကောက်ပွဲမှာ အတိုင်းအတာတစ်ခုအထိ ရွေးချယ်ခံရပြီး “လွှတ်တော်” ထဲသို့ ရောက်ရှိ သွားပါလိမ့်မယ်။

ကြားဖြတ်ရွေးကောက်ပွဲဟာ ဦးသိန်းစိန် စစ်တစ်ပိုင်းအစိုးရအတွက် အောင်မှတ်တွေ၊ ဂုဏ်ထူးတွေရအောင်ဖြေဆိုမယ့် “ရေးဖြေ စာမေးပွဲ” သာဖြစ်ပါလိမ့်မယ်။

တူမောင်ညို

(၂၀၁၁ ဒီဇင်ဘာ ၂၇)

(NLD) က ဦးတင်ဦး အပါအဝင် ပုဂ္ဂိုလ် ၂၁ ဦးက “တည်ထောင်ခွင့်” လျှောက်ထားတာ နိုဝင်ဘာလ ၂၅ ရက်နေ့က ဖြစ်ပါတယ်။ ဒီဆောင်းပါးရေးတဲ့ (၁၂ ဒီဇင်ဘာ) မှာ တည်ထောင်ခွင့်ပြုလိုက်ပါတယ်။ (၁၇ ရက်ကြာပါတယ်)
ဒါ့အပြင် အဲဒီ ၂၁ ဦးထဲပါတဲ့ မကွေးတိုင်းက ဒေါ်ခင်စောဋ္ဌေး အိမ်ကို စသုံးလုံးနဲ့ ရဲအထူးသတင်းတပ်ဖွဲ့ဝင်တွေက လာရောက် စစ်ဆေးမေးမြန်းတဲ့ သတင်းတွေကြားရတယ်။

အဓိကစစ်တဲ့၊ မေးတဲ့မေးခွန်းတွေက
- ကိုယ်ရေးရာဇဝင်
- နိုင်ငံခြားအထောက်အပံ့ခံသလား
- မူးယစ်ဆေးဝါးနဲ့ ကင်းသလား
- NGO တွေနဲ့ဆက်သွယ်သလား
- ဘာသင်တန်းတွေတက်သလဲ ဆိုတာတွေဖြစ်တယ်လို့ကြားရတယ်။

ဒါတွေဟာ“တည်ဆဲဥပဒေအရ၊ တရားဥပဒေစိုးမိုးမှုအတွက်” လုပ်တာလား။
ဒီလိုဆိုရင် စသုံးလုံးနဲ့ ရဲအထူးသတင်းတပ်ဖွဲ့ဝင်တွေက မကွေးတိုင်းထဲက ဒေါ်ခင်စောဋ္ဌေးတစ်ယောက်ထဲကိုပဲ ကွက်ပြီး စစ်ဆေးတာတော့ မဟုတ်တန်ရာပါဘူး။ ကျန်တဲ့ ပုဂ္ဂိုလ် ၂၀ ထံကိုလည်း အလားတူမေးခွန်းတွေနဲ့ သွားရောက်စစ်ဆေးမေးမြန်းလိမ့်ဦးမယ် လို့ထင်ရတာပါပဲ။ တည်ဆဲဥပဒေတို့ တရားဥပဒေစိုးမိုးရေးတို့ဆိုတာ မကွေးတိုင်းနဲ့ ဒေါ်ခင်စောဋ္ဌေးအတွက်ပဲ သီးသန့်မှမဟုတ်တာ။

ကြံ့ဖွံ့ပါတီ တည်ထောင်ခွင့် လျှောက်ထားစဉ်တုန်းကလည်း ဦးသိန်းစိန်အပါအဝင် ပုဂ္ဂိုလ် ၂၇ ဦး ထံကို အလားတူပဲ စသုံးလုံး နဲ့ ရဲအထူးသတင်းတပ်ဖွဲ့ဝင်တွေက အလားတူမေးခွန်းတွေနဲ့ သွားရောက်စစ်ဆေးမေးမြန်းကြသလားတော့ မသိပါဘူး။

တရားဥပဒေရှေ့မှောက်မှာ အားလုံးဟာ တန်းတူညီတူရှိရမယ်မဟုတ်လား။ တရားဥပဒေက ကျောသားရင်သားခွဲခြားလို့ ဘယ်ဖြစ်မှာလဲ၊ မျက်နှာလိုက်လို့၊ ဘက်လိုက်လို့ဘယ်ဖြစ်မှာလဲ။

စစ်တစ်ပိုင်းအစိုးရလက်ထက်မှာ “တည်ထောင်ခွင့်/မှတ်ပုံတင်ခွင့်” လျှောက်ထားတဲ့ (NLD) အပါအဝင် နိုင်ငံရေးပါတီ စုစုပေါင်း ၉ ပါတီရှိပါတယ်။ အဲဒီအထဲက ပါတီ ၄ ခုကို တည်ထောင်ခွင့်/မှတ်ပုံတင်ခွင့်ပြုပြီး ဖြစ်ပါတယ်။ ကျန်တဲ့ ၅ ပါတီအနက်မှာလည်း ၂ ပါတီက “တည်ထောင်ခွင့်” ရပြီးဖြစ်ပါတယ်။ ၃ ပါတီက “တည်ထောင်ခွင့်” မရသေးပါဘူး။ တည်ထောင်ခွင့်ရထားတဲ့ ၂ ပါတီကလည်း ဘယ်နေ့မှာ တည်ထောင်ခွင့်လျှောက်ထားတယ်ဆိုတဲ့ နေ့စွဲဖေါ်ပြခြင်း မရှိပါဘူး။ ယခင်ပါတီတွေကို ဖေါ်ပြစဉ်က တည်ထောင်ခွင့်လျှောက် ထားတဲ့နေ့ရက်ကို ဖေါ်ပြခဲ့ပေမယ့် အဲဒီ ၂ ပါတီကိုတော့ တည်ထောင်ခွင့်လျှောက်ထားတဲ့နေ့စွဲကို ဖေါ်ပြခြင်း မရှိပါဘူး။ အဲဒီ ၂ ပါတီကတော့-
ဒီဇင်ဘာလ ၆ ရက်နေ့က တည်ထောင်ခွင့်ပြုတဲ့ “မြန်မာ့လူ့ဘောင်သစ်ပါတီ” နဲ့ ဒီဇင်ဘာလ ၈ ရက်နေ့က တည်ထောင်ခွင့် ပြုတဲ့ “၈၈ – ပြည်သူ့အင်အားစုပါတီ” တို့ပဲ ဖြစ်ပါတယ်။ နာမည်ကြည့်တာနဲ့ ဒီပါတီတွေဟာ “စပွန်ဆာပါတီ” တွေမှန်းသိသာပါတယ်။

မြန်မာ့လူ့ဘောင်သစ်ပါတီဟာ “၂၀၁၀ နိုဝင်ဘာ ၇ ရွေးကောက်ပွဲ” မတိုင်ခင်က ပါတီမှတ်ပုံတင်အမှတ် (၂၀) ဖြင့် ရွေးကောက်ပွဲကော်မရှင်(သိန်းစိုးကော်မရှင်)က နိုင်ငံရေးပါတီအဖြစ်မှတ်ပုံတင်ခွင့်ပြုခဲ့တဲ့ ပါတီဖြစ်ပါတယ်။

ဒါပေမယ့် အဲဒီပါတီကို ပြည်ထောင်စုရွေးကောက်ပွဲကော်မရှင် ကြေညာချက်အမှတ် (၉၇/၂၀၁၀) ဖြင့် မဲဆန္ဒနယ် ၃ နယ်မှာ ဝင်ရောက်ယှဉ်ပြိုင်ခြင်းမပြုနိုင်တဲ့အတွက် “မှတ်ပုံတင်ထားခြင်းကို ပယ်ဖျက်၍ပါတီကိုလည်း ဖျက်သိမ်းကြောင်း” ၂၀၁၀ ပြည့်နှစ်၊ စက်တင်ဘာလ ၁၄ ရက်နေ့ ကြေညာခဲ့ပြီး ဖြစ်ပါတယ်။
အဲဒီ ဖျက်သိမ်းပြီးပါတီကို ပြည်ထောင်စုရွေးကောက်ပွဲကော်မရှင် (တင်အေး ကော်မရှင်) က ထပ်မံပြီး တည်ထောင်ခွင့်ပြုခြင်း ဖြစ်ပါတယ်။

၂၀၁၀ ခုနှစ်၊ နိုဝင်ဘာလ ၇ ရက်ရွေးကောက်ပွဲ မတိုင်ခင် ပြည်ထောင်စုရွေးကောက်ပွဲကောက်မရှင်က မှတ်ပုံတင်ခွင့်ပြုခဲ့တဲ့ နိုင်ငံရေးပါတီစုစုပေါင်းက ၄၂ ပါတီဖြစ်ပါတယ်။ အဲဒီအထဲက ၅ ပါတီကို ကော်မရှင်ကြေညာချက် အမှတ် (၉၇/၂၀၁၀) အရ ဖျက်သိမ်းခဲ့ပါတယ်။
သို့အတွက် မှတ်ပုံတင်ပြီး နိုင်ငံရေးပါတီ စုစုပေါင်း ၃၇ ပါတီဖြစ်ပါတယ်။
သမ္မတဦးသိန်းစိန်စစ်တစ်ပိုင်း အစိုးရလက်ထက် ၂၀၁၁ ခုနှစ် မေလမှ  ဒီဇင်ဘာလအတွင်း နိုင်ငံရေးပါတီ ၉ ပါတီက ပြည်ထောင်စုရွေးကောက်ပွဲကော်မရှင်ထံ တည်ထောင်ခွင့်/မှတ်ပုံတင်ခွင့် လျှောက်ထားခဲ့ကြတယ်။
အဲဒီ ၉ ပါတီထဲကနေ နိုင်ငံရေးပါတီ ၄ ခုကို မှတ်ပုံတင်ခွင့်ပြုခဲ့သဖြင့် ယခုအခါ မြန်မာနိုင်ငံတွင် မှတ်ပုံတင်ပြီး နိုင်ငံရေးပါတီ စုစုပေါင်း ၄၁ ပါတီရှိနေပြီဖြစ်ပါတယ်။ ကျန်တဲ့ တည်ထောင်ခွင့်လျှောက်ထားတဲ့ ၅ ပါတီထဲမှာလည်း ပါတီ ၂ ခုက တည်ထောင်ခွင့်ရရှိ ထားပါတယ်။ (ဇယားကိုကြည့်ပါ)

စစ်တစ်ပိုင်းအစိုးရလက်ထက် တည်ထောင်ခွင့်/မှတ်ပုတင်ခွင့် လျှောက်ထားသည့် နိုင်ငံရေးပါတီများ
(၂၀၁၁ ခုနှစ် ၊  မေ)

ပါတီ ၂ ခု ကတော့ တည်ထောင်ခွင့်မရရှိသေးပါဘူး။

နိုင်ငံရေးပါတီတစ်ရပ်အဖြစ် တရားဝင်ရပ်တည်ဖို့ အဆင့် ၂ ဆင့်ဖြတ်သန်းရတယ်။

ပထမအဆင့်က နိုင်ငံရေးပါတီ တည်ထောင်ခွင့် ဆိုတဲ့အဆင့်ဖြစ်တယ်။
ဒုတိယအဆင့်က တည်ထောင်ခွင့်ရတဲ့ နိုင်ငံရေးပါတီက မှတ်ပုံတင်ခွင့်လျှောက်ထားရတဲ့အဆင့်ဖြစ်တယ်။ ပြည်ထောင်စု ရွေးကောက်ပွဲကော်မရှင်က မှတ်ပုံတင်ခွင့်ပြုမှသာ နိုင်ငံရေးပါတီအဖြစ် တရားဝင်ရပ်တည်နိုင်တာဖြစ်တယ်။
ပြည်ထောင်စုရွေးကောက်ပွဲကော်မရှင် (တင်အေးကော်မရှင်) ဆိုတာ ရွေးကောက်ပွဲ၊ နိုင်ငံရေးပါတီများနဲ့ သက်ဆိုင်တဲ့ ကိစ္စတွေမှာ “အပြီးအပြတ်အတည်” (final & conclusive) စီရင်ပိုင်ခွင့်အာဏာရရှိထားတဲ့ (Quasi judicial) ကော်မရှင်ဖြစ်ပါတယ်။ ဒါဟာ တရားစီရင်ရေးစနစ်အပေါ် လွှမ်းမိုးထားတာပဲ ဖြစ်ပါတယ်။
ဖွဲ့စည်းပုံအခြေခံဥပဒေ (၂၀၀၈)ထဲမှာ အခုလိုပြဋ္ဌာန်းထားတယ်။

ပုဒ်မ ၄၀၂။ အောက်ပါကိစ္စရပ်များနှင့်စပ်လျဉ်း၍ ပြည်ထောင်စု ရွေးကောက်ပွဲကျင်းပရေးကော်မရှင်၏ ဆုံးဖြတ်ချက်နှင့် ဆောင်ရွက်ချက်များသည် အပြီးအပြတ်အတည်ဖြစ်စေရမည် -
(က) ရွေးကောက်တင်မြှောက်ခြင်းဆိုင်ရာ လုပ်ငန်းများ
(ခ) ရွေးကောက်ပွဲခုံအဖွဲ့များ၏ ဆုံးဖြတ်ချက်များ၊ အမိန့်များနှင့်စပ်လျဉ်းသည့် အယူခံမှုများနှင့်ပြင်ဆင်မှုများ၊
(ဂ) နိုင်ငံရေးပါတီဆိုင်ရာ ဥပဒေအရဆောင်ရွက်သော ကိစ္စများ။

ပိုပြီးသေချာစေဖို့အတွက် နိုင်ငံရေးပါတီများမှတ်ပုံတင်ခြင်းဥပဒေ၊ အခန်း (၅) အထွေထွေ၊ ပုဒ်မ (၂၀) တွင် ယခုထည့်သွင်း ရေးသားထားပါတယ်။
နိုင်ငံရေးပါတီများ မှတ်ပုံတင်ခြင်းဥပဒေ၊ အခန်း (၅) အထွေထွေ၊ ပုဒ်မ (၂၀) ဤဥပဒေပါ ပြဌာန်းချက်များကို အကောင်အထည်ဖော်ဆောင်ရွက်ခြင်းနှင့်စပ်လျဉ်း၍
(က) ကော်မရှင်၏ ဆုံးဖြတ်ချက်သည် အပြီးအပြတ်ဖြစ်စေရမည်၊
(ခ) မည်သည့်တရားရုံးတွင်မျှ တရားစွဲဆိုပိုင်ခွင့်မရှိစေရ၊

အထက်ပါ ပြဌာန်းချက်တွေအရဆိုလျှင် ပုဒ်မ(၄၀၂) ပါကိစ္စများနှင့်ပတ်သက်ပြီး “ကော်မရှင် ဆုံးဖြတ်သမျှကို ခေါင်းငုံ့ခံရမယ်” ဆိုတဲ့သဘောဖြစ်ပါတယ်။

ညွန်း
- ကြေညာချက်အမှတ် (၉၇/၂၀၁၀) – ၁၅ စက်တင်ဘာ၂၀၁၀၊ မြန်မာ့အလင်းသတင်းစာ၊ ကျောဖုံး
- ဖွဲ့စည်းပုံအခြေခံဥပဒေ (၂၀၀၈)
- နိုင်ငံရေးပါတီများ မှတ်ပုံတင်ခြင်းဥပဒေ

ဖေါ်ပြပါစာပိုဒ်ဟာ ဖွဲ့စည်းပုံအခြေခံဥပဒေ (၂၀၀၈)၊ အခန်း(၁) နိုင်ငံတော်အခြေခံမူများ၊ ပုဒ်မ ၂၀ (ခ) မှာ ပြဌာန်းထားချက်ဖြစ်ပါတယ်။ အဓိပ္ပါယ်က မထိနဲ့မီးပွင့်သွားမယ်၊ ဘယ်သူမှဝင်ရောက်မစွက်ဖက်နဲ့ဆိုတဲ့ တားမြစ်တဲ့သဘောတင် မကဘူး၊ ခြိမ်းချောက်နေတဲ့ သဘောလည်းဖြစ်တယ်။

အဲဒီလို တစ်ဖက်သတ်ကျတဲ့၊ အနိုင်ကျင့်ထားတဲ့၊ ဒီမိုကရေစီလုံးဝမဆန်တဲ့ပြဌာန်းချက်တွေ ဖွဲ့စည်းပုံအခြေခံ ဥပဒေ(၂၀၀၈) ထဲမှာ အများအပြား ပါဝင်နေတာဖြစ်ပါတယ်။

အခုတော့ အဲဒီဖွဲ့စည်းပုံအခြေခံဥပဒေ (၂၀၀၈) ဘောင်ထဲဝင်ဖို့ “လေးစားလိုက်နာရမည်” ဆိုတဲ့လမ်းပေါ်ကနေ (NLD) က ရှေ့နေကြီး ဦးဉာဏ်ဝင်း နေပြည်တော်သို့သွားနေပါပြီ။ နိုဝင်ဘာ (၁၈) ရက် မတိုင်ခင်ကာလတွေမှာတော့ ဦးဝင်းတင်က “ဖွဲ့စည်းပုံအခြေခံဥပဒေ (၂၀၀၈) ဘောင်”ထဲက ဝင်ရတာကို “တင်းကုပ်” ထဲဝင်ရတာလို့ ပြောလေ့ရှိတယ်။

မကြာခင်မှာ “တည်ထောင်ခွင့်လျှောက်ထားတဲ့ NLD”၊ “မှတ်ပုံတင်လျှောက်ထားတဲ့ NLD” စတဲ့ အဆင့်တွေကို အထစ်အငေါ့ မရှိ ဖြတ်သန်းကျော်လွှားပြီးတဲ့အခါမှာ “မှတ်ပုံတင်ပြီး NLD” ရယ်လို့အမည်တပ်နိုင်ကြပါတော့မယ်။

ယင်းသို့ အဆင့် ၂ ဆင့် (တည်ထောင်ခွင့်/ မှတ်ပုံတင်ခွင့်) ကို ဖြတ်သန်းကျော်လွှားရာမှာ NLD ဆိုတာ (တစ်ချိန်က) ပါတီကြီး ဖြစ်ခဲ့ဖူးလေတော့ ပြည်ထောင်စုရွေးကောက်ပွဲကော်မရှင် (တင်အေးကော်မရှင်) က ပုဇွန်လုံးစားချင်တဲ့ ဖိုးသူတော်လို “နင်ကကြီးတယ် နှစ်ခါလျှောက်” ဆိုတဲ့ အချိုးမျိုး၊ မချိုးဘူးလို့ ဘယ်သူမှမပြောနိုင်ဘူး။ NDF က ဦးခင်မောင်ဆွေ ဒီအချိုးချိုးတာမျိုးခံရဖူးတယ်။ ဝန်ခံချက် လက်မှတ်ထိုးခိုင်းတာကို မထိုးခဲ့တဲ့အတွက် ရွေးကောက်ပွဲမှာ ဝင်ရောက်ယှဉ်ပြိုင်ခွင့်မရခဲ့ဘူး။ NLD ထဲက ခေါင်းဆောင်တွေကိုလည်း အဲဒီလို မလုပ်ပါဘူးလို့ ဘယ်သူကအာမခံနိုင်မှာလဲ။

ပြည်ထောင်စုရွေးကောက်ပွဲကော်မရှင် (တင်အေးကော်မရှင်) ဆိုတာ ရွေးကောက်ပွဲ၊ နိုင်ငံရေးပါတီများနဲ့ သက်ဆိုင်တဲ့ ကိစ္စတွေမှာ “စေတလုံးအာဏာ” ရရှိထားတဲ့ကော်မရှင်ဖြစ်ပါတယ်။ ပြည်ထောင်စုရွေးကောက်ပွဲကော်မရှင် (တင်အေးကော်မရှင်)ရဲ့ လုပ်ပိုင်ခွင့်ကို ဖွဲ့စည်းပုံအခြေခံဥပဒေ (၂၀၀၈) ထဲအခုလိုပြဌာန်းထားတယ်။

ပုဒ်မ ၄၀၂။ အောက်ပါကိစ္စရပ်များနှင့်စပ်လျဉ်း၍ ပြည်ထောင်စု ရွေးကောက်ပွဲကျင်းပရေးကော်မရှင်၏ ဆုံးဖြတ်ချက်နှင့် ဆောင်ရွက်ချက်များသည် အပြီးအပြတ်အတည်ဖြစ်စေရမည် -
(က) ရွေးကောက်တင်မြှောက်ခြင်းဆိုင်ရာ လုပ်ငန်းများ
(ခ) ရွေးကောက်ပွဲခုံအဖွဲ့များ၏ ဆုံးဖြတ်ချက်များ၊ အမိန့်များနှင့်စပ်လျဉ်းသည့် အယူခံမှုများနှင့်ပြင်ဆင်မှုများ၊
(ဂ) နိုင်ငံရေးပါတီဆိုင်ရာ ဥပဒေအရဆောင်ရွက်သော ကိစ္စများ။

ပိုပြီးသေချာစေဖို့အတွက် နိုင်ငံရေးပါတီများမှတ်ပုံတင်ခြင်းဥပဒေ၊ အခန်း (၅) အထွေထွေ၊ ပုဒ်မ (၂၀) တွင် ယခုထည့်သွင်း ရေးသားထားပါတယ်။
နိုင်ငံရေးပါတီများမှတ်ပုံတင်ခြင်းဥပဒေ၊ အခန်း (၅) အထွေထွေ၊ ပုဒ်မ (၂၀) ဤဥပဒေပါ ပြဌာန်းချက်များကို အကောင်အထည်ဖော်ဆောင်ရွက်ခြင်းနှင့်စပ်လျဉ်း၍
(က) ကော်မရှင်၏ ဆုံးဖြတ်ချက်သည် အပြီးအပြတ်ဖြစ်စေရမည်၊
(ခ) မည်သည့်တရားရုံးတွင်မျှ တရားစွဲဆိုပိုင်ခွင့်မရှိစေရ၊

အထက်ပါ ပြဌာန်းချက်တွေအရဆိုလျှင် ပုဒ်မ(၄၀၂) ပါကိစ္စများနှင့်ပတ်သက်ပြီး “ကော်မရှင် ဆုံးဖြတ်သမျှကို ခေါင်းငုံ့ခံရမယ်” ဆိုတဲ့သဘောဖြစ်ပါတယ်။
ဖွဲ့စည်းပုံအခြေခံဥပဒေ (၂၀၀၈)၊ အခန်း(၆)တရားစီရင်ရေးအခန်းကို လေ့လာကြည့်ကြပါဦးစို့။
ဒီအခန်း(၆) မှာ ပုဒ်မ (၂၉၃) ကနေ (၃၃၆) အထိ ပုဒ်မပေါင်း (၄၃) ခုရှိပါတယ်။ ပုဒ်မ (၂၉၃) က တရားရုံး (၃) မျိုးရှိတယ်ဆိုတာဖေါ်ပြထားတာပါ။
ပုဒ်မ (၂၉၃) နိုင်ငံတော်၏ တရားစီရင်ရေးဆိုင်ရာရုံးများကို အောက်ပါအတိုင်းဖွဲ့စည်းသည် -
(က) ပြည်ထောင်စုတရားလွှတ်တော်ချုပ်၊ တိုင်းဒေသကြီးတရားလွှတ်တော်များ၊ ပြည်နယ်တရားလွှတ်တော်များ၊ ကိုယ်ပိုင်အုပ်ချုပ်ခွင့်ရ တိုင်းတရားရုံးများ၊ ကိုယ်ပိုင်အုပ်ချုပ်ခွင့်ရဒေသတရားရုံးများများ၊ ခရိုင်တရားရုံးများ၊ မြို့နယ်တရားရုံးများနှင့် ဥပဒေအရတည်ထောင်သော အခြားတရားရုံးများ၊
(ခ) စစ်ဘက်ဆိုင်ရာတရားရုံးများ၊
(ဂ) နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး။

ပုဒ်မ( ၂၉၄) နိုင်ငံတော်တွင် ပြည်ထောင်စုတရားလွှတ်တော်ချုပ်တစ်ရပ်ထားရှိသည်။ စစ်ဘက်ဆိုင်ရာတရားရုံးများနှင့် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ စီရင်ပိုင်ခွင့်အာဏာများကို မထိခိုက်စေဘဲ ပြည်ထောင်စုတရားလွှတ်တော်ချုပ်သည် နိုင်ငံတော်၏ အမြင့်ဆုံးတရားရုံးဖြစ်သည်။

ပုဒ်မ(၂၉၄) အရဆိုလျှင် နိုင်ငံတော်ရဲ့အမြင့်ဆုံးတရားရုံးလို့ မည်သို့ပင်ဆိုထားစေကာမူ ပြည်ထောင်စုတရားလွှတ်တော်ချုပ်ဟာ စစ်ဘက်ဆိုင်ရာတရားရုံးများနဲ့ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးရဲ့ စီရင်ပိုင်ခွင့်အာဏာများကို နည်းနည်းမှ ထိပါးလို့ မရပါဘူး။ ဒါဆိုနိုင်ငံတော်ရဲ့အမြင့်ဆုံး ပြည်ထောင်စုတရားလွှတ်တော်ချုပ်ဆိုတဲ့စကားဟာ ဘာအဓိပ္ပါယ်များရှိပါသေးသလဲ။

ဒါ့အပြင် ပြည်ထောင်စုတရားလွှတ်တော်ချုပ်ရဲ့ ပြည်ထောင်စုတရားသူကြီးချုပ် အပါအဝင်ပြည်ထောင်စုတရား လွှတ်တော်ချုပ် တရားသူကြီးများခန့်အပ်ရေးဟာ သမ္မတလက်ထဲမှာပဲရှိပါတယ်။ (ပုဒ်မ ၂၉၉ ကိုကြည့်ပါ)

ပြည်ထောင်စုတရားသူကြီးချုပ်နဲ့ တရားလွှတ်တော်ချုပ် တရားသူကြီးများခန့်အပ်ရေးအတွက် သမ္မတတစ်ဦးတည်းမှာ သာအဆိုပြုပိုင်ခွင့်ရှိပါတယ်။ ကျန်တဲ့လွှတ်တော်တွေနဲ့ လွှတ်တော်ကိုယ်စားလှယ်တွေကို စင်ပြိုင်အဆိုပြုခွင့် ပေးမထားပါဘူး။

သမ္မတအဆိုပြုတဲ့သူတွေကို ပြည်ထောင်စုလွှတ်တော်က လက်မခံရင် အဆိုသစ်ထပ်မံပြုပိုင်ခွင့်ဟာလည်း သမ္မတလက်ထဲမှာပဲ ရှိတာပါ။ ဒါကြောင့် အဲဒီပြဌာန်းချက်တွေအရ သူတို့နှစ်ခြိုက်သဘောကျသူကိုသာ ရွေးချယ်ခန့်အပ်နိုင်ဖို့ပြဌာန်းထားတယ် ဆိုတာ ထင်ရှားနေပါတယ်။ (မဆလ) ခေတ်က ဒေါက်တာမောင်မောင်လို၊ (နဝတ-နအဖ) ခေတ်မှာတော့ ဦးအောင်တိုးတို့လို တရားသူကြီး တွေကိုသာခန့်အပ်မှာ ဖြစ်ပါတယ်။

ဒီတော့ ချုပ်လိုက်မယ်ဆိုရင် တရားမဏ္ဍိုင်ဆိုတာ လက်ရှိအာဏာကိုင်ထားသူတွေကသာ စိတ်ကြိက်ချယ်လှယ် စီရင်ဖန်တီး နိုင်အောင်ရေးသားပြဌာန်းထားတယ်ဆိုတာ ထင်ရှားနေပါတယ်။

ဒါ့အပြင် ပြည်ထောင်စုတရားလွှတ်တော်ချုပ်ဟာ နိုင်ငံတော်ရဲ့အမြင့်ဆုံးတရားရုံးလို့ မည်သို့ပင်ဆိုနေပါစေ “ရုံးတစ်ရုံး ဓါးတစ်စင်း” ဆိုသလို စစ်ဘက်ဆိုင်ရာတရားရုံးများ၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးနဲ့ ပြည်ထောင်စုရွေးကောက်ပွဲကော်မရှင် တို့ရဲ့ လွတ်လပ်စွာ စီမံ ခန့်ခွဲ စီရင် ဆောင်ရွက်ပိုင်ခွင့်အာဏာတွေကို ထိပါးနိုင်ခွင့်မရှိသလိုဝင် ရောက်စွက်ဖက်ပိုင်ခွင့်လည်းမရှိဘူးဆို တာ မှောက်ထားတဲ့ခွက်ကို လှန်ပြသကဲ့သို့ ထင်ရှားနေပါတယ်။

ဒီနေရာမှာ ဥပဒေစိုးမိုးရေးစကားကို NLD တဖောင်ဖောင်ပြောလွန်းလှလို့ မေးစမ်းပါရစေ။ ၁၉၈၈ ကနေယနေ့အထိ ဘယ်လိုဥပဒေအမျိုးအစားက စိုးမိုးခဲ့ပါသလဲ။ မာရှယ်လောနဲ့ မာရှယ်လောတစ်ပိုင်း ဥပဒေပဲစိုးမိုးခဲ့တယ် မဟုတ်ပါလား။

၂၀၁၀ နိုဝင်ဘာ(၇) ရက်ရွေးကောက်ပွဲမတိုင်ခင်မှာ မှတ်ပုံတင်ခွင့်ရခဲ့ကြပြီး၊ ရွေးကောက်ပွဲမှာပါဝင်ခဲ့ကြတဲ့ပါတီပေါင်း(၃၇) ပါတီရှိပါတယ်။ သမ္မတဦးသိန်းစိန်ရဲ့စစ်တပိုင်းအစိုးရတက်လာပြီး ၂၀၁၁ မတ်လ နောက်ပိုင်းမှာ တည်ထောင်ခွင့်လျှောက်ထားခဲ့တဲ့ပါတီ (၅) ပါတီအနက် (၄) ပါတီကို တည်ထောင်ခွင့်ပြုခဲ့ပြီး၊ မှတ်ပုံတင်ခွင့်ပေးခဲ့တဲ့အတွက် ယခုအခါ မှတ်ပုံတင်ထားတဲ့နိုင်ငံရေးပါတီစုစုပေါင်း ပေါင်း (၄၁) ပါတီရှိပါတယ်။ ၂၀၁၁ ခုနှစ်၊ အောက်တိုဘာလ ၁၄ ရက်နေ့မှာ (ညီညွတ်ရေးနှင့်ငြိမ်းချမ်းရေးပါတီ) မှတ်ပုံတင် ခွင့်ပြုခဲ့ပါတယ်။ (ညီညွတ်ရေးနှင့်ငြိမ်းချမ်းရေးပါတီ ) ရဲ့မှတ်ပုံတင်အမှတ်က (၄၆) ဖြစ်ပါတယ်။

အကယ်၍သာ “တည်ထောင်ခွင့်လျှောက်ထားခြင်း”၊ “မှတ်ပုံတင်လျှောက်ထားခြင်း” စတဲ့ အဆင့်တွေကို NLD ဟာ အထစ် အငေါ့မရှိ ဖြတ်သန်းကျော်လွှားနိုင်ခဲ့ပြီဆိုရင်တော့ မှတ်ပုံတင်အမှတ် (၄၇) ဟာ NLD အတွက်ဖြစ်နိုင်ပါတယ်။
ဖွဲ့စည်းပုံအခြေခံဥပဒေ (၂၀၀၈)၊ ပုဒ်မ (၄၀၅)ကိုဖေါ်ပြပြီးနိဂုံးချုပ်ပေးလိုက်ပါတယ်။

ပုဒ်မ (၄၀၅) နိုင်ငံရေးပါတီတစ်ရပ်သည် -
(က) စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ်ကို လက်ခံကျင့်သုံးရမည်၊
(ခ) ဤဖွဲ့စည်းပုံအခြေခံဥပဒေနှင့်တည်ဆဲဥပဒေများကို လေးစားလိုက်နာရမည်၊
(ဂ) နိုင်ငံရေးပါတီအဖြစ် ဥပဒေနှင့်အညီဖွဲ့စည်းမှတ်ပုံတင်ထားရမည်။

ဒါကြောင့် ဒီနေ့ပြောနေကြတဲ့ “ဥပဒေစိုးမိုးရေး”ဆိုတာဟာ ဖွဲ့စည်းပုံအခြေခံဥပဒေ (၂၀၀၈) နှင့်တည်ဆဲဥပဒေများကို လေးစားလိုက်နာရေးသာလျှင်ဖြစ်တယ်။ တခြား မဖြစ်နိုင်ဘူး။
“မတရားတဲ့အမိန့်အာဏာဟူသမျှ တာဝန်အရဖီဆန်ကြ” ဆိုတာကို စွန့်ပစ်ခဲ့ကြပြီမဟုတ်လား။

ညွန်း
-    ဖွဲ့စည်းပုံအခြေခံဥပဒေ (၂၀၀၈)

တူမောင်ညို

(၂၀၁၁ ခုနှစ်၊ နိုဝင်ဘာ ၂၄ ရက်)